Matyu 15:2 - Krio Fɔs Oli Baybul

² “Wetin du yu lanin bɔy dɛn nɔ de du dɛn tin we wi grampapa papa dɛn bin lan wi? Dɛn nɔ de was dɛn an di spɛshal we bifo dɛn it lɛkɛ aw wi grampapa papa dɛn bin lan wi fɔ du.”

Matyu 15:2 Referans Kwoze

Lyuk 11:38

Di Faresi wɔnda fɔ si se Jizɔs nɔ was in an bifo i bigin it.

Mak 7:2

Dɛn si Jizɔs in lanin bɔy dɛn de it wit dɛn an we nɔ klin, dat min se dɛn nɔ bin was dɛn lɛkɛ aw di Faresi dɛn se, fɔ mek dɛn klin na Gɔd yay. (

Lɛta Fɔ Kɔlɔse 2:8

Una luk shap, mek nɔbɔdi nɔ mek una ful ɛn tɔn una lɛkɛ slev wit in yon mɔtalman sɛns we nɔ min natin; di tin dɛn we dɛn pipul ya de tɔk na wetin dɛn lɔntɛm pipul bin de lan pipul, ɛn na dɛn spirit we de rul dis wɔl mek dɛn no dɛn tin ya. Dɛn tin ya nɔ kɔmɔt to Krays.

Pita In Fɔs Lɛta 1:18

Unasɛf no se nɔto tin lɛkɛ silva ɛn gold we de pwɛl, dɛn tek pe fɔ pul una kɔmɔt pan di yuslɛs layf we una grampapa papa dɛn bin liv ɛn we unasɛf bin liv;

Mak 7:5

Di Faresi dɛn ɛn di Ju Lɔ ticha dɛn aks Jizɔs se, “Wetin du yu lanin bɔy dɛn nɔ de du lɛkɛ aw wi grampapa papa dɛn lan wi? Wetin du dɛn nɔ de was dɛn an di spɛshal we bifo dɛn it?”

Jɛnɛsis 1:14

Dɛn PAPA GƆD se, “Mek layt dɛn kam na di skay fɔ sheb de ɛn nɛt, ɛn we go sho di de dɛn, di ia dɛn, ɛn di sizin dɛn.

Matyu 15:3

Jizɔs aks dɛn bak se, “Wetin du una nɔ de du wetin Gɔd tɛl una, bɔt una de du wetin una granpapa-papa dɛn tɛl una?

Lɛta Fɔ Galeshya 1:14

A bin du plɛnti tin pas plɛnti mi kɔmpin yɔŋ pipul dɛn fɔ fala di we we mi Ju pipul dɛn de fala Gɔd, bikɔs a bin want kip dɛn tin we wi grampapa papa dɛn lan wi, we dɛnsɛf bin de fala.

Ɛsta 3:3

Di kiŋ in wokman dɛn we bin de na di get aks Mɔdikay wetindu i nɔ de du wetin di kiŋ se.