Matyu 14:1 - Krio Fɔs Oli Baybul

¹ Da sem tɛm de, Ɛrɔd we bin de rul na Galili, yɛri bɔt Jizɔs.

Matyu 14:1 Referans Kwoze

Lyuk 3:1

Di ia we mek fiftin we di kiŋ na Rom we nem Kiŋ Taybiryɔs bin dɔn de na pawa, Pɔnchɔs Paylet na bin gɔvna na Judia ɛn Ɛrɔd bin de rul na Galili. Ɛrɔd in brɔda we nem Filip bin de rul na Ituraea ɛn Trakonitis. Laysenyas bin de rul na Abileni.

Apɔsul Dɛn Wok 4:27

Fɔ tru, Ɛrɔd ɛn Pɔnchɔs Paylet ɛŋ ed na Jerusɛlɛm wit dɛn Roman pipul ɛn dɛn pipul na Izrɛl fɔ bagin fɔ du Jizɔs bad. Dis Jizɔs ya gi insɛf fɔ wok fɔ yu ɛn nain yu dɔn mek bi di Mɛsaya.

Mak 8:15

Wɛn dɛn de go, Jizɔs wɔn dɛn. I se, “Una tek tɛm wit di yist we di Faresi dɛn ɛn Ɛrɔd de yus.”

Lyuk 23:15

Ɛrɔd insɛf nɔ si ɛnitin bad we i du, so i dɔn sɛn am kam bak to wi. Jizɔs nɔ du natin fɔ mek dɛn kil am.

Apɔsul Dɛn Wok 12:1

Wɛn ɔl dɛn tin ya bin de bi, nain Kiŋ Ɛrɔd Agripa bigin mek dɛn Kristiɛn dɛn sɔfa bad bad.

Lyuk 3:19

Jɔn bin tɔk pan Ɛrɔd we bin de rul Galili bikɔs i bin mared Ɛrodias, we na bin in brɔda wɛf, ɛn fɔ ɔl di plɛnti bad tin dɛn we i bin de du.

Matyu 9:26

Di nyuz bɔt wetin Jizɔs du prɛd ɔlɔbɔt na da eria de.

Matyu 9:31

Bɔt di man dɛn go tɛl pipul bɔt Jizɔs, ɛn di nyuz prɛd ɔlɔbɔt na da eria de.

Matyu 13:58

Bikɔs di pipul dɛn nɔ bin biliv pan am, Jizɔs nɔ du plɛnti wɔndaful wok na da ples de.

Lyuk 8:3

Joana, we in man we nem Chuza, bin de wok fɔ Ɛrɔd; wit Suzana ɛn plɛnti ɔda uman dɛn we bin de pul pan wetin dɛn gɛt gi Jizɔs ɛn in lanin bɔy dɛn.

Apɔsul Dɛn Wok 13:1

Di chɔch na Antiɔk bin gɛt sɔm prɔfɛt dɛn ɛn sɔm ticha dɛn. Dɛn na bin Banabas, Simiɔn we dɛn bin de kɔl Blak Pɔsin, Lushyɔs we bin kɔmɔt Sayrini, Manɛn we nain ɛn di gɔvna Ɛrɔd gro, ɛn Sɔl.