Matyu 13:8 - Krio Fɔs Oli Baybul

⁸ Bɔt sɔm sid fɔdɔm na gud grɔn, ɛn di plant dɛn bia: sɔm bia ɔndrɛd, sɔm bia siksti, ɛn sɔm bia tati.”

Matyu 13:8 Referans Kwoze

Lyuk 8:15

Dɛn sid we fɔdɔm na gud grɔn na dɛn pipul we yɛri Gɔd in wɔd; dɛn kip di wɔd na dɛn at ɛn du wetin Gɔd in wɔd se. Dɛn nɔ tap fɔ biliv pan ɔl we Setan tray dɛn ɛn dɛn mek plɛnti ɔda pipul biliv.

Matyu 13:23

Di sid dɛn we fɔdɔm na gud grɔn na dɛn wan we yɛri ɛn ɔndastand di wɔd bɔt mi. Dɛn pipul de tan lɛkɛ plant dɛn we bia: sɔm bia wan ɔndrɛd, sɔm siksti, ɛn sɔm tati.”

Jɔn 15:8

If una du plɛnti gud tin, una go sho pipul aw mi Papa wɔndaful; ɛn una go sho se una na mi lanin bɔy dɛn.

Jɛnɛsis 26:12

Da ia de, di tin dɛn we Ayzak plant bɔs fayn. Di avɛst we i gɛt bin wan ɔndrɛd tɛm bɔku pas wetin i plant, bikɔs PAPA GƆD blɛs am.

Lɛta Fɔ Filipay 1:11

A de pre mek una waka tret ɛn du dɛn gud tin we Jizɔs Krays in wangren nɔmɔ ebul mek in pipul dɛn du, ɛn dat go mek ɔda pipul rɛspɛkt ɛn prez Gɔd.

Lɛta Fɔ Rom 7:18

A no se nɔ gud tin nɔ de na mi at, bikɔs mi na mɔtalman. Bikɔs pan ɔl we a want fɔ du gud, a nɔ ebul du am.

Matyu 13:7

Sɔm fɔdɔm na chuk chuk bush, di chuk chuk bush gro ɛn kɔba di plant dɛn.

Mak 4:8

Sɔm sid fɔdɔm na gud grɔn, dɛn gro fayn ɛn bia plɛnti. Sɔm bia tati, sɔm siksti ɛn sɔm ɔndrɛd.”

Mak 4:20

Bɔt dɛn sid we fɔdɔm na gud grɔn na dɛn pipul we yɛri di Gud Nyuz ɛn biliv am gud; dɛn tan lɛkɛ plant we bia: sɔm bia tati, sɔm siksti, ɛn sɔm ɔndrɛd.”

Lyuk 8:8

Sɔm sid fɔdɔm na gud grɔn, dɛn gro ɛn bia plɛnti plɛnti.” Wɛn Jizɔs dɔn pul dis parebul dɔn, i se, “Udat gɛt yes fɔ yɛri, mek i yɛri.”