Matyu 13:51 - Krio Fɔs Oli Baybul

⁵¹ Jizɔs aks dɛn se, “Una ɔndastand di parebul dɛn we a bin pul fɔ una?” Dɛn ansa, “Yɛs!”

Matyu 13:51 Referans Kwoze

Mak 4:34

Na parebul dɛn nɔmɔ i bin de pul fɔ di pipul dɛn, bɔt wɛn in ɛn in lanin bɔy dɛn lɛf, i kin tɛl dɛn wetin di parebul dɛn min.

Matyu 13:19

Dɛn pipul we yɛri, bɔt dɛn nɔ ɔndastand wetin a tɛl dɛn bɔt Gɔd in rul, jɛs tan lɛkɛ dɛn sid we fɔdɔm na di rod. Setan kam pul di wɔd we bin de na dɛn at.

Matyu 13:11

Jizɔs ansa dɛn se, “Gɔd dɔn gi una di chans fɔ no di sikrit tin we ɔda pipul nɔ no bɔt in rul.

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.

Mak 7:18

Jizɔs aks dɛn se, “Una nɔ ɔndastand wetin a tɔk? Nɔto wetin pɔsin de it de mek in at nɔ klin,

Matyu 24:15

“Una go si di bad bad tin we prɔfɛt Daniɛl bin tɔk bɔt, tinap na Gɔd in Os.” (Una we de rid: una ɔndastand wetin dis min!)

Matyu 16:11

Wetin mek una nɔ ɔndastand se nɔto bɔt bred a bin de tɔk? A bin de tɛl una se, una fɔ tek tɛm wit di yist we di Faresi ɛn di Sadyusi dɛn de yus.”

Matyu 15:17

Una nɔ si se ɛnitin we pas na una mɔt, na una bɛlɛ i de go, bifo una go pul am kɔmɔt na di bɔdi?

Matyu 13:50

ɛn dɛn go sɛn di bad pipul dɛn go na ɛl faya, dɛn go kray bita wan ɛn bɛt dɛn tɔŋ de.”

Matyu 13:52

I se, “Ɛni Ju Lɔ ticha, we dɔn lan di tru tin bɔt Gɔd in rul, tan lɛkɛ jɛntri man we de pul dɛn ol ɛn nyu tin kɔmɔt nain sto.”