Matyu 13:44 - Krio Fɔs Oli Baybul

⁴⁴ “Gɔd in rul tan lɛkɛ we pɔsin fɛn gud gud dia tin we dɛn bɛr na grɔn, ɛn wɛn i fɛn am, i ayd am bak; i bin so gladi dat i go sɛl ɔl in prɔpati ɛn tɔn bak go bay di grɔn we dɛn ayd dis gud gud dia tin.

Matyu 13:44 Referans Kwoze

Lɛta Fɔ Kɔlɔse 2:3

Nain de mek pipul no di sɛns we Gɔd gɛt ɛn ɔl dɛn wɔndaful tin we i sabi, we nɔbɔdi nɔ bin dɔn no fɔstɛm.

Lyuk 14:33

Na dat mek, ɛnibɔdi we nɔ lɛf ɔltin na wɔl fɔseka mi, nɔ go bi mi lanin bɔy.

Matyu 6:21

Bikɔs ɔltɛm una at go de di say we una kip una jɛntri.

Matyu 19:29

Ɛnibɔdi we lɛf os, ɔ brɔda, ɔ sista, ɔ papa, ɔ mama, ɔ pikin dɛn, ɔ prɔpati fɔ bi mi lanin bɔy, Gɔd go mek i gɛt bɔku pas wetin i lɛf ɛn i go gi am layf we go de sote go.

Prɔvabs 16:16

I bɛtɛ o! I bɛtɛ fɔ lɛ pɔsin chuz fɔ gɛt sɛns pas fɔ pak bɔku gold ɛn silva.

Prɔvabs 23:23

Nɔ skyad fɔ spɛnd fɔ lɛ yu no di tru ɛn we yu gɛt am, nɔ mek bigful te yu lɔs am, ɛn tray fɔ lan, no wetin rayt frɔm rɔŋ, ɛn ɔndastand wetin yu de du.

Rɛvɛleshɔn 3:18

So a de advays una mek una kam to mi kam bay gold, we dɛn dɔn bɔn na faya te i klin so dat una go jɛntri fɔ tru; ɛn a de advays una igen mek una kam bay wayt klos fɔ wɛr, so dat una nɔ go shem bikɔs una de nekɛd, ɛn mek una kam bay mɛrɛsin fɔ rɔb na una yay mek una go si.

Matyu 19:27

Nain Pita tɔk se, “Luk, wi dɔn lɛf ɔltin fɔ fala yu. Wetin Gɔd go gi wi?”

Matyu 19:21

Jizɔs se, “If yu want bi pɔsin we fit na Gɔd yay fɔ gɛt layf we go de sote go, yu fɔ sɛl ɔl wetin yu gɛt ɛn gi dɛn pipul we nɔ gɛt natin, di mɔni; if yu du so, yu go jɛntri na ɛvin. Wɛn yu dɔn du dat dɔn, kam bak ɛn bi mi lanin bɔy.”

Ayzaya 55:1

E, lɛ ɔlman we tɔsti, kam na di watasay dɛn; ɛn lɛ udat we nɔ gɛt kɔpɔ, kam, bay ɛn it! Kam, bay wayn ɛn milk i lɛk yu nɔ gɛt kɔpɔ ɛn dɛn nɔ gɛt prayz.

Lɛta Fɔ Rom 15:4

Ɔltin we rayt na Gɔd in Buk na fɔ lan wi sɔntin, so dat, we di tin we rayt de, de mek wi ebul bia ɛn mek wi gɛt kɔrej, wi go no se Gɔd nɔ go lɛf wi.

Matyu 13:24

Jizɔs pul ɔda parebul fɔ dɛn se, “Gɔd in rul tan lɛkɛ we wan man plant gud sid nain fam.

Di Ibru Pipul Dɛn 10:34

Una bin de sɔri fɔ dɛn pipul we de na jel, una nɔ bin de wɔri, bɔt una bin stil gladi ivin wɛn pipul siz una prɔpati, bikɔs una bin no se una gɛt sɔntin we bɛtɛ pas da prɔpati de, we go de sote go.

Jɔn 6:35

Jizɔs ansa dɛn se, “Mi na di bred we de gi layf, ɛnibɔdi we kam to mi ɛn biliv pan mi nɔ go aŋri, ɛn i nɔ go tɔsti igen.

Prɔvabs 17:16

Wetin fɔ mek fulman go pe fɔ lɛ dɛn tich am, we i no se go ɔp kan dɔŋ, in na fulumunku?

Lɛta Fɔ Kɔlɔse 3:16

Krays in wɔndaful mɛsej fɔ de insay una at ɛn i fɔ tek rut insay una at. Una fɔ de lan una kɔmpin ɛn sho dɛn wetin fɔ du, na Krays in mɛsej go gi una sɛns fɔ du dat. Una fɔ de siŋ ɛn tɛl Gɔd tɛnki wit ɔl una at, una fɔ de siŋ dɛn Sams ɛn ɔl dɛn Gɔd siŋ ɛn dɛn siŋ we Gɔd in Spirit de gi pɔsin fɔ siŋ.

Prɔvabs 18:1

Pɔsin we de kip to insɛf nɔmɔ nɔ wan no bɔt ɔda pɔsin.

Job 28:13

Mɔtalman nɔ no di rod fɔ go de, ɛn i nɔ de na dis wɔl.

Matyu 13:46

Wɛn i si wan we dia pasmak, i go sɛl ɔl in prɔpati ɛn bay am.

Matyu 13:47

“Semwe so, Gɔd in rul tan lɛkɛ fishin nɛt we pipul sɛn na wata, ɛn i kech ɔl kayn fish.