Matyu 12:8 - Krio Fɔs Oli Baybul

⁸ Mɔtalman Pikin na Masta fɔ di de fɔ pre ɛn blo.”

Matyu 12:8 Referans Kwoze

Lyuk 6:5

Jizɔs tɛl dɛn se, “Mɔtalman Pikin na Masta fɔ di de fɔ pre ɛn blo.”

Mak 2:28

So Mɔtalman Pikin na Masta fɔ di de fɔ pre ɛn blo.”

Matyu 9:6

A go sho una se Mɔtalman Pikin gɛt pawa na dis wɔl fɔ padin pɔsin sin.” So Jizɔs tɛl di man we paralayz se, “Grap, tek yu mata ɛn go na yu os.”

Rɛvɛleshɔn 1:10

Wan Sɔnde, Gɔd in Spirit kam pan mi, nain a yɛri vɔys de tɔk lawd wan lɛkɛ trɔmpɛt biɛn mi.

1 Kɔrint 16:2

Ɛvri Sɔnde, ɔlman fɔ put sɔm mɔni wansay, bay di mɔni we i de wok; una fɔ gɛda dɛn mɔni ya, so dat di tɛm we a kam, una nɔ go gɛt fɔ gɛda mɔni igen.

1 Kɔrint 9:21

To dɛn pipul we nɔ de ɔnda di Lɔ, a mek lɛkɛ se misɛf nɔ de ɔnda di Lɔ (nɔto fɔ se a nɔ de du wetin Gɔd in lɔ se, bikɔs a de ɔnda Krays in lɔ), a du so, so dat a kin briŋ dɛn wan we nɔ de ɔnda di Lɔ kam to Krays.

Matyu 8:20

Jizɔs ansa am, i se, “Dɛn bush kyat gɛt ples fɔ tap, ɛn dɛn bɔd gɛt say fɔ tap; bɔt Mɔtalman Pikin nɔ gɛt ples fɔ le in ed sɛf.”

Matyu 12:32

Gɔd go padin ɛnibɔdi we tɔk sɔntin we nɔto tru bɔt Mɔtalman Pikin, bɔt Gɔd nɔ go padin ɛnibɔdi we tɔk bad bɔt in Spirit; i nɔ go padin am na dis wɔl, i nɔ go padin am na nɛks wɔl.

Matyu 12:40

Lɛkɛ aw prɔfɛt Jona bin de tri de ɛn nɛt na di big fish in bɛlɛ, na so dɛn go bɛr Mɔtalman Pikin, ɛn i go de tri de ɛn nɛt ɔnda di grɔn.