Matyu 12:6 - Krio Fɔs Oli Baybul

⁶ A de tɛl una se, nyu lɔ de we pas Gɔd in Os ɛn ɔl wetin dɛn de du de.

Matyu 12:6 Referans Kwoze

2 Kronikuls 6:18

“Bɔt fɔ tru tru se PAPA GƆD yu go kam tap dɔŋ na di wɔl? Di klawd sɛf te rich ɔp ɔp di skay nɔ ebul ol yu bifo a se dis lili abule we a dɔn bil!

Malakay 3:1

PAPA GƆD Ɔlmayti se in de sɛn wan mɛsenja we go mek shɔ se ɔltin ɔrayt fɔ am dɔn dɛn go si PAPA GƆD lɛk aw dɛn de luk fɔ am as i go kam nain os; nain na di mɛsenja we dɛn wan fɔ si bikɔs we in kam i go mek shɔ se dɛn kip in Kɔvinant.

Lɛta Fɔ Kɔlɔse 2:9

Gɔd insɛf bin de insay Krays, pan ɔl we Krays na bin mɔtalman,

Ayzaya 66:1

Na dis PAPA GƆD se: “Ɛvin na mi tron ɛn di ath na mi fut rɛst: uskayn os una go bil fɔ mi, ɛn uskayn ples a go tap?

Ayzaya 66:2

PAPA GƆD se, Ɔl dɛn tin ya na mi mek dɛm, so ɔl dɛn tin ya na mi yon. Bɔt na dis kayn man a go luk to, man we ɔmbul ɛn de ripɛnt ɛn de trimbul we dɛn yɛri mi wɔd.

Matyu 12:5

Ɛn una nɔ rid di Ju Lɔ yet we tɔk bɔt aw dɛn man we de mek sakrifays fɔ pipul sin na Gɔd in Os, kin du ɛvri de fɔ pre ɛn blo, we dɛn kin brok di lɔ fɔ da de de; una min se dɛn nɔ bin de sin?