Matyu 12:4 - Krio Fɔs Oli Baybul

⁴ I go insay Gɔd in Os ɛn tek di bred we dɛn kin put bifo Gɔd, dɔn i ɛn di man dɛn we bin de wit am it di bred, pan ɔl we di Ju Lɔ se nɔbɔdi nɔ fɔ it da bred de pas dɛn man we de mek sakrifays fɔ pipul sin.

Matyu 12:4 Referans Kwoze

Ɛksodɔs 25:30

Yu fɔ put di bred we fɔ ɔfa to PAPA GƆD na di tebul fɔ mi ɛvri de, ɛn di tebul nɔ fɔ kɔmɔt bifo di Kɔvinant bɔks.

Lɛvitikɔs 8:31

Fɔ dɔn di sɛrimɔni, Mozis tɛl Erɔn ɛn in bɔypikin dɛn se dɛn fɔ kɛr di bif go na di tɛnt we dɛn kin mit PAPA GƆD in domɔt fɔ kuk am ɛn it am de. I se dɛn fɔ it am wit di bred we de insay di blay we gɛt di ɔdineshɔn tiŋs dɛn ɛn as PAPA GƆD se, na Erɔn ɛn in bɔypikin dɛn nɔmɔ fɔ it am;

1 Samiɛl 21:4

Abimɛlɛk tɛl Devid se i nɔ gɛt ɔdinari bred, pas sɔm pan di bred we dɛn kin gi to PAPA GƆD as sakrifays. I tɛl Devid se in ɛn in man dɛn kin it am if Devid in man dɛn nɔ du uman biznɛs.

1 Samiɛl 21:6

So Abimɛlɛk insɛf gi am di bred we dɛn kin gi as sakrifays to PAPA GƆD as nain nɔmɔ bin de. Di wan we i gi Devid, na wan we dɛn bin dɔn pul na di tebul fɔ put frɛsh wan.

Matyu 12:3

Jizɔs aks dɛn se, “Una nɔ rid yet wetin Devid bin du, wɛn in ɛn dɛn man we bin de wit am bin aŋri?

Matyu 12:5

Ɛn una nɔ rid di Ju Lɔ yet we tɔk bɔt aw dɛn man we de mek sakrifays fɔ pipul sin na Gɔd in Os, kin du ɛvri de fɔ pre ɛn blo, we dɛn kin brok di lɔ fɔ da de de; una min se dɛn nɔ bin de sin?

Mak 2:26

I go insay Gɔd in Os ɛn tek di bred we dɛn kin put bifo Gɔd, it sɔm ɛn gi dɛn pipul we bin de go wit am sɔm, pan ɔl we di Ju Lɔ se nɔbɔdi nɔ fɔ it da bred de, pas dɛn man we de mek sakrifays fɔ pipul sin. Da tɛm de na Abiata na bin di edman fɔ dɛn man we de mek sakrifays fɔ pipul sin.”

Lyuk 6:4

I go insay Gɔd in Os, tek di bred we dɛn bin put bifo Gɔd, it am ɛn gi dɛn wan we bin de wit am sɔm fɔ it, pan ɔl we di Ju Lɔ se nɔbɔdi nɔ fɔ it da bred de pas dɛn man we de mek sakrifays fɔ pipul sin.”

Di Ibru Pipul Dɛn 9:2

Di ples na bin Bafa. Di Bafa na bin big ples we dɛn sheb tu, dɛn kɔl di fɔs pat “Di ples we Gɔd de”. Dɛn tin we dɛn bin de kip de, na lamp, tebul, ɛn bred we pipul kin kɛr go put bifo Gɔd.