Matyu 11:7 - Krio Fɔs Oli Baybul

⁷ As Jɔn in lanin bɔy dɛn de go, nain Jizɔs bigin tɛl di pipul dɛn bɔt Jɔn, i se, “Wɛn una bin go mit Jɔn na di dɛzat, wetin una bin abop fɔ si? Una bin want si gras we de trimbul we briz de blo?

Matyu 11:7 Referans Kwoze

Jems 1:6

Bɔt wɛn ɛnibɔdi aks Gɔd fɔ ɛnitin, mek da pɔsin de biliv se Gɔd go gi am wetin i aks fɔ, mek i nɔ dawt. Ɛnibɔdi we de dawt tan lɛkɛ swɛlin na wata we briz de blo, i nɔ stɛdi.

Jɔn 5:35

Wetin Jɔn bin de tɔk bin tan lɛkɛ lamp we layt ɛn di layt brayt fɔ mek ɔlman si. Una bin gri fɔ mek di layt shayn pan una fɔs ɛn mek una at gladi.

Lɛta Fɔ Ɛfisɔs 4:14

Da tɛm de wi nɔ go liv lɛkɛ pikin we kin chenj wetin dɛn biliv wɛn dɛn yɛri nyu tin, ɔ wɛn pɔsin mek dɛn ful.

Jɛnɛsis 49:4

Bɔt ɔl dis go dɔn. Yu go tan lɛkɛ wata na di si we nɔ de ɔnda kɔntrol, Bikɔs yu lidɔm wit mi uman ɛn briŋ shem pan mi.

Lyuk 8:18

“Una tek tɛm lisin. Ɛnibɔdi we gɛt sɔntin, Gɔd go gi am mɔ; bɔt pɔsin we nɔ gɛt, di lili bit sɛf we i tink se in gɛt, Gɔd go tek am.”

Matyu 21:25

Us rayt Jɔn bin gɛt fɔ baptayz pipul, na Gɔd gi am di rayt ɔ na mɔtalman?” Dɛn tɔk to dɛn kɔmpin se, “If wi se na Gɔd gi am di rayt fɔ baptayz pipul, i go aks wi se, ‘Wetin du una nɔ bin biliv am?’

Matyu 3:5

Pipul dɛn ɔlɔbɔt na Jerusɛlɛm, Judia, ɛn ɔl dɛn kɔntri we de klos Riva Jɔdan bin de kam lisin to am.

Jɔn 1:38

Wɛn Jizɔs tɔn, i si dɛn de fala am, nain i aks dɛn se, “Wetin una de luk fɔ?” Dɛn aks am se, “Rabay, usay yu tap?” (Rabay min Ticha.)

Matyu 11:8

Wetin una bin go luk? Na man we drɛs wit fayn klos? Na kiŋ os dɛn pipul we drɛs fayn kin de!

Matyu 12:20

I nɔ go du tin we go mɔna dɛn pipul we nɔ ebul ɛp dɛnsɛf, ɛn i nɔ go du bad to di wan dɛn we nɔ ebul du natin. I go de du ɔl dɛn tin ya sote pipul dɛn du wetin Gɔd in Lɔ se;