Matyu 11:6 - Krio Fɔs Oli Baybul

⁶ Dɛn wan we nɔ de dawt mi gɛt blɛsin.”

Matyu 11:6 Referans Kwoze

1 Kɔrint 2:14

Bɔt pɔsin we nɔ gɛt Gɔd in Spirit nɔ go ebul ɔndastand dɛn tin we i de tɛl wi, dɛn na nɔnsɛns fɔ am; i nɔ ebul ɔndastand dɛn, na di Spirit nɔmɔ ebul mek pipul ɔndastand dɛn.

Matyu 26:31

Dɛn Jizɔs tɛl dɛn se, “Dis nɛt una ɔl go lɛf mi, lɛkɛ aw dɛn rayt na Gɔd in Buk se, ‘Gɔd go strayk di shɛpad, mek i day, ɛn ɔl di ship dɛn go skata!’

Jɔn 6:66

Fɔseka dat, plɛnti pan di pipul dɛn we bin de fala Jizɔs, tap fɔ fala am.

Matyu 24:10

Ɛn da sem tɛm de plɛnti pipul go tap fɔ biliv pan mi. Dɛn go sɛl dɛn kɔmpin, dɛn go et dɛn kɔmpin.

Pita In Fɔs Lɛta 2:8

Dɛn rayt ɔda say na Gɔd in Buk se, “Na di ston dis we go mek pipul bɔk dɛn fut ɛn fɔdɔm.” Dɛn pipul ya bin bɔk dɛn fut bikɔs dɛn nɔ bin biliv se Gɔd in wɔd na tru; na so Gɔd bin dɔn plan fɔ dɛn.

Matyu 18:7

I bad fɔ ɔlman bikɔs tin dɛn de na di wɔl we de mek pipul dɛn nɔ biliv pan mi. Dɛn tin ya mɔs bi, bɔt i go bad fɔ di pɔsin we mek dɛn bi.

Lɛta Fɔ Galeshya 5:11

Mi Kristiɛn pipul dɛn, una luk mi yon trɔbul, if a de tɛl pipul fɔ sakɔmsayz, wetindu dɛn stil de mek a sɔfa? If na so a de du, pipul nɔ fɔ vɛks wɛn a tɛl dɛn bɔt di day we Krays day na di krɔs.

Di Sam Dɛm 119:1

Dɛn pipul we liv aw PAPA GƆD se dɛn fɔ liv, gɛt blɛsin bikɔs dɛn nɔ go gɛt bɔt na dɛn layf.

Lyuk 2:34

Simiɔn blɛs dɛn tri, dɔn i tɔk to Meri, i se, “Gɔd dɔn pik dis pikin ya ɛn sɛn am kam, ɛn di kam we i kam go mek plɛnti Izrɛl pipul lɛf fɔ biliv Gɔd ɛn mek plɛnti biliv am. Gɔd sɛn Jizɔs fɔ sho wi wetin Gɔd want, bɔt plɛnti pipul go tɔk se dɛn nɔ de fɔ am,

Matyu 5:29

So if yu rayt yay de mek yu sin, rut am kɔmɔt ɛn trowe am! I bɛtɛ fawe fɔ lɔs pat pan yu bɔdi, pas fɔ mek dɛn trowe ɔl yu bɔdi na ɛl.

Matyu 13:21

Bɔt di wɔd nɔ sidɔm gud na dɛn at, dɛn biliv fɔs, bɔt i nɔ las. Bikɔs dɛn bin biliv mi wɔd, pipul mek dɛn sɔfa, so dɛn tap fɔ biliv di wɔd.

Mak 6:3

Nɔto da kapinta in pikin? Meri nɔto in mama? Nɔto Jems, Josis, Judas ɛn Saymɔn dɛn brɔda? Nɔto in sista dɛn de na ya?” So di pipul dɛn nɔ bin want Jizɔs fɔ de wit dɛn.

Lyuk 7:23

Dɛn wan we nɔ de dawt mi gɛt blɛsin!”

Jɔn 16:1

“A dɔn tɛl una dis wɔd ya so dat una nɔ go tap fɔ biliv pan mi.