Matyu 11:5 - Krio Fɔs Oli Baybul

⁵ dɛn pipul we bin blɛn, de si; dɛn wan we nɔ bin ebul waka, de waka; dɛn wan we bin gɛt bad sik na dɛn skin, dɔn wɛl; dɛn wan we bin dɛf, dɔn yɛri; dɛn dayman dɔn gɛt layf bak; ɛn dɛn po pipul dɔn yɛri di Gud Nyuz.

Matyu 11:5 Referans Kwoze

Lyuk 4:18

“Gɔd in Spirit de wit mi, bikɔs Gɔd dɔn pik mi fɔ mek a tɛl dɛn po pipul di Gud Nyuz. I sɛn mi fɔ mek a tɛl dɛn slev se dɛn go fri ɛn dɛn blɛnyay pipul se dɛn go si. I sɛn mi fɔ fri dɛn wan we de lɛkɛ slev,

Ayzaya 29:18

Da de de, dɛf yes man go yɛri wetin dɛn go rid na buk, ɛn insay dɛn pwɛl at ɛn daknɛs, blɛnyay man go si.

Jems 2:5

Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am.

Matyu 21:14

Dɛn blɛnyay pipul ɛn dɛn wan we dɛn an ɔ fut day kam mit Jizɔs, ɛn i mɛn dɛn.

Jɔn 10:38

Bɔt if a de du di tin dɛn we mi Papa want mek a du, pan ɔl we una nɔ biliv mi naw, una fɔ biliv se na wɔndaful wok dɛn a de du, so dat una go no ɛn una nɔ go dawt igen se mi Papa de insay mi ɛn misɛf de insay mi Papa.”

Jɔn 10:25

Jizɔs ansa se, “A bin dɔn tɛl una, bɔt una nɔ gri biliv mi. Di wok dɛn we mi Papa sɛn mi fɔ du de sho una se mi na di Mɛsaya;

Jɔn 5:36

Bɔt wetin a de du sho wetin a bi fɔ tru pas aw wetin Jɔn sɛf tɔk, sho wetin a bi; wetin a de du na wetin nɔmɔ mi Papa tɛl mi fɔ du. Na dɛn wok ya we a de du de mek pipul no udat a bi ɛn sho se na mi Papa sɛn mi kam na wɔl.

Jɔn 3:2

Wan nɛt, Nikodimɔs go fɛn Jizɔs. I se, “Ticha, wi no se yu na ticha we Gɔd sɛn. Nɔbɔdi nɔ go ebul du dɛn wɔndaful wok we yu de du, pas Gɔd de wit di pɔsin.”

Jɔn 2:23

Di tɛm fɔ di Pasova ɔlide Jizɔs bin stil de na Jerusɛlɛm, plɛnti pipul biliv pan am wɛn dɛn si di wɔndaful wok dɛn we i bin de du.

Mak 9:25

Wɛn Jizɔs si se mɔ ɛn mɔ pipul de rɔn kam gɛda rawnd dɛn, i tɔk pan di dɛbul; i se, “Yu dɛbul we de mek pɔsin tɔn mumu, ɛn mek pɔsin dɛf, a de tɛl yu fɔ kɔmɔt insay dis bɔbɔ, ɛn nɔ fɔ go insay am igen!”

Mak 7:37

Di pipul dɛn we yɛri bɔt wetin Jizɔs du, lɔs wit wɔnda. Dɛn se, “I sabi in wok gud gud! I de mek dɛfyes pipul yɛri, ɛn mumu pipul tɔk.”

Matyu 10:8

Una fɔ mɛn dɛn sik pipul, una fɔ mek dɛn pipul we dɔn day gɛt layf bak, una fɔ mɛn dɛn pipul we gɛt dɛn bad sik na dɛn skin ɛn una fɔ drɛb dɛbul. Una nɔ pe fɔ wetin una gɛt, so una nɔ fɔ mek pipul pe una fɔ wetin una de gi dɛn.

Matyu 9:30

So dɛn yay opin ɛn dɛn bigin si. Jizɔs wɔn dɛn traŋa wan. I se, “Una nɔ tɛl ɛnibɔdi wetin jɛs bi so.”

Ayzaya 66:2

PAPA GƆD se, Ɔl dɛn tin ya na mi mek dɛm, so ɔl dɛn tin ya na mi yon. Bɔt na dis kayn man a go luk to, man we ɔmbul ɛn de ripɛnt ɛn de trimbul we dɛn yɛri mi wɔd.

Ayzaya 43:8

Briŋ di pipul dɛn we blɛn kam, ɔlwe dɛn gɛt yay; di wan dɛn we dɛf, ɔlwe dɛn gɛt yes!

Di Sam Dɛm 146:8

PAPA GƆD de mek blɛnyay man si, PAPA GƆD de kɔrej udat in at pwɛl, PAPA GƆD lɛk udat de du tin tret wan.

Di Sam Dɛm 22:26

Ɔl udat nɔ gɛt fɔ it go kam ɛn dɛn go it; ɔl udat want fɔ prez yu, go prez yu. Lɛ wi ɔl gɛt lɔŋ layf ɛn ɛnjɔy wi layf!

2 Kiŋ 5:14

So Neman insɛf go dɔŋ na Riva Jɔdan ɛn ib insɛf sɛvin tɛm lɛkɛ aw di prɔfɛt tɛl am fɔ du; nain i wɛl; in bɔdi smut so lɛkɛ dɛn smɔl pikin.

2 Kiŋ 5:7

Wɛn di kiŋ na Izrɛl rid di lɛta, i chɛr in klos ɛn se if in na PAPA GƆD we de kil ɛn gi layf bak we mek dis man de sɛn to am se in fɔ mɛn bad sik na bɔdi; I se na we nɔmɔ di man de fɛn fɔ mek plaba wit am.

Matyu 5:3

“Dɛn wan we abop pan Gɔd, gɛt blɛsin, bikɔs Gɔd de rul dɛn!

Apɔsul Dɛn Wok 2:22

“Una dɛn pipul na Izrɛl, una opin una yes gud ɛn lisin wetin a de tɔk. Jizɔs we kɔmɔt Nazarɛt na Man we Gɔd sɛn to wi. Unasɛf no bɔt ɔl dɛn tin ya bikɔs na ya dɛn bi.

Zɛkaraya 11:7

Na so Zɛkaraya tek bi wachman fɔ ship dɛn we dɛn dɔn rɛdi fɔ go kil. So i tek tu wɔkinstik we i gi di wan nem Gres, dɔn di ɔda wan i kɔl Wanwɔd. Na so i luk di ship dɛn.

Ɛksodɔs 4:11

Na de PAPA GƆD ansa am. I se, “Udat mek mɔtalman ɛn gi am mɔt? Udat de mek in yes dɛf ɔ in tɔn mumu? Udat mek i de si ɔ blɛn? Nɔto mi we na PAPA GƆD?

Ayzaya 29:19

Dɛn wan we put dɛn yay dɔŋ go gɛt frɛsh gladi gladi insay PAPA GƆD ɛn di po wan dɛn pan mɔtalman, go gladi insay di Oli Wan na Izrɛl.

Matyu 11:4

Jizɔs ansa se, “Una tɔn bak go tɛl Jɔn ɔl wetin una yes yɛri ɛn wetin una yay si:

Matyu 12:13

Nain Jizɔs tɛl di man we in an day se, “Es yu an, tret am.” Di man es in an ɛn tret am, nain di an wɛl lɛkɛ di ɔda wan.

Jɔn 9:7

I luk di man ɛn se, “Go was yu fes na da wata we nem Siloam.” (“Siloam” min “Di wan we dɛn sɛn.”) So di man go was in fes de, na de i bigin si, so i go bak nain os.