Matyu 11:3 - Krio Fɔs Oli Baybul

³ dɛn aks Jizɔs se, “Na yu na di pɔsin we bin fɔ kam, ɔ wi fɔ stil de luk rod fɔ ɔda pɔsin?”

Matyu 11:3 Referans Kwoze

Jɔn 11:27

Mata ansa se, “Yɛs, Masta, a biliv se yu na di Mɛsaya, Gɔd in Pikin, we fɔ kam na di wɔl.”

Malakay 3:1

PAPA GƆD Ɔlmayti se in de sɛn wan mɛsenja we go mek shɔ se ɔltin ɔrayt fɔ am dɔn dɛn go si PAPA GƆD lɛk aw dɛn de luk fɔ am as i go kam nain os; nain na di mɛsenja we dɛn wan fɔ si bikɔs we in kam i go mek shɔ se dɛn kip in Kɔvinant.

Di Ibru Pipul Dɛn 10:37

Dɛn rayt na Gɔd in Buk se, “I nɔ go te, di pɔsin we gɛt fɔ kam, go kam; i nɔ go wes tɛm.

Mayka 5:2

PAPA GƆD se na Bɛtliɛm Ɛfrata we smɔl pas ɔl di siti dɛn na Juda, i go mek sɔmbɔdi kɔmɔt ɛn bi bigman insay Izrɛl ɛn na pɔsin we ɔlman go no bɔt bikɔs dɛn go no in fambul tik.

Jɔn 7:31

Bɔt plɛnti pipul we bin de na di krawd biliv pan Jizɔs, dɛn se, “Wɛn di Mɛsaya kam, una tink se i go du wɔndaful wok dɛn pas dɛn wan we dis man ya dɔn du?”

Jɔn 6:14

Wɛn di pipul dɛn we bin lib de si di wɔndaful wok we Jizɔs du, dɛn se, “Fɔ tru, dis man na da prɔfɛt we Mozis bin se go kam na wɔl.”

Zɛkaraya 9:9

I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.

Jɛnɛsis 3:15

A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”

Jɔn 16:14

I go sho una se a wɔndaful, bikɔs i go tɛl una wetin a se.

Jɔn 12:13

So dɛn kɔt plɛnti pam tik ɛn waka go mit Jizɔs na rod. Dɛn bin de ala se, “Prez Gɔd! Gɔd blɛs di wan we i sɛn kam na wɔl! Gɔd blɛs di Kiŋ we go rul na Izrɛl!”

Jɔn 4:21

Jizɔs tɛl di uman se, “Biliv wetin a de tɛl yu. Di tɛm dɔn rich we pipul nɔ go go na big il ɔ na Jerusɛlɛm wɛn dɛn want pre to Gɔd we na di Papa.

Lyuk 19:38

Dɛn se, “Gɔd blɛs di Kiŋ we i dɔn sɛn fɔ kam tinap fɔ am! Kol at de na ɛvin ɛn wi de prez Gɔd!”

Mak 11:9

Di pipul dɛn we bin de bifo ɛn di wan dɛn we bin de biɛn bin de ala se, “Prez Gɔd! Gɔd blɛs di wan we i dɔn sɛn fɔ kam tinap fɔ am!

Matyu 21:9

Di pipul dɛn we bin de bifo am ɛn di wan dɛn we bin de fala am bin de ala se, “Mek ɔlman prez Devid in pikin! Mek Gɔd blɛs di wan we i dɔn sɛn fɔ kam tinap fɔ am! Mek ɔlman prez Gɔd!”

Matyu 21:5

“Tɛl di pipul dɛn na Zayɔn se, Luk, una kiŋ de kam to una! I put in yay dɔŋ, i de rayd wan dɔnki, ɛn di dɔnki in pikin.”

Malakay 4:2

Bɔt fɔ di wan dɛn we de fred am, i go tinap fɔ mek dɛn wɛl lɛkɛ aw san de waka tret. I se dɛn go tan lɛk aw kaw-pikin kin gladi ɛn jomp kɔmɔt nain os.

Egay 2:7

ɛn i go mek dɛn pawaful neshɔn dɛn lɔs dɛn pawa, so dat ɔl wetin dɛn dɔn gɛda go kam bi Jerusɛlɛm yon, dɔn PAPA GƆD in os go de fayn fayn wan. Na so PAPA GƆD Ɔlmayti se.

Obadaya 1:21

Pipul dɛn go go sev Mawnt Zayɔn fɔ rul Mawnt Isɔ; ɛn PAPA GƆD go bi kiŋ bak fɔ dɛn ɔl.

Ozie 3:5

Tɛm go kam we di Izrɛlayt dɛn go tɔn bak to PAPA GƆD we na dɛn Gɔd, ɛn Devid go bi dɛn kiŋ; dɔn dɛn go gɛt fred fɔ PAPA GƆD ɛn ɔl di gud we i go du fɔ dɛn bambay.

Ayzaya 7:14

Fɔseka dat, PAPA GƆD insɛf go gi una sayn. Wan yɔŋgyal go gɛt bɛlɛ ɛn go bɔn pikin, ɛn i go gi am nem, Imanyuɛl.

Di Sam Dɛm 118:26

Lɛ PAPA GƆD blɛs udat de go insay in os bay in pawa. Wi we de insay de pre mek PAPA GƆD blɛs una.

Di Nɔmba Dɛm 24:17

A de si am, bɔt nɔto naw: a de luk am, bɔt i de fa. Wan sta go kɔmɔt na Izrɛl in jɛnareshɔn ɛn i go bi kiŋ na Izrɛl. I go bit di Moabayt lida dɛn ɛn brok dɛn wan we de kak dɛn fɛda dɔŋ.

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Jɛnɛsis 12:3

A go blɛs dɛn wan dɛn we go blɛs yu, ɛn swɛ udat go swɛ yu. Na yu go mek dɛn neshɔn na wɔl gɛt dɛn blɛsin.”

Matyu 11:4

Jizɔs ansa se, “Una tɔn bak go tɛl Jɔn ɔl wetin una yes yɛri ɛn wetin una yay si:

Matyu 11:10

Jɔn na di pɔsin we dɛn bin rayt bɔt na Gɔd in Buk se, ‘Gɔd se, A go sɛn mi mɛsenja we go go bifo yu, fɔ klia di rod rɛdi fɔ yu.’