Matyu 11:2 - Krio Fɔs Oli Baybul

² Wɛn Jɔn, we bin de na jel, yɛri bɔt di tin dɛn we Jizɔs de du, i sɛn in lanin bɔy dɛn to Jizɔs,

Matyu 11:2 Referans Kwoze

Mak 6:17

Kiŋ Ɛrɔd tɔk dat bikɔs i bin mek dɛn ol Jɔn ɛn put am na jel, fɔseka Ɛrodias we i mared; Ɛrodias na bin in brɔda Filip in wɛf.

Matyu 14:3

Kiŋ Ɛrɔd tɔk dat, bikɔs i bin dɔn mek dɛn ol Jɔn we bin de baptayz, tay am, ɛn put am na sɛl. Kiŋ Ɛrɔd bin du dat fɔseka Filip in wɛf, Ɛrodias; Filip na bin Kiŋ Ɛrɔd in brɔda.

Matyu 4:12

Wɛn Jizɔs yɛri se dɛn dɔn ol Jɔn, i go na Galili.

Matyu 9:14

Jɔn we bin de baptayz, in lanin bɔy dɛn kam to Jizɔs, dɛn aks am se, “Wetin mek wi ɛn di Faresi dɛn de kip fast, bɔt yu lanin bɔy dɛn nɔ de fast?”

Jɔn 4:1

Di Faresi dɛn yɛri se Jizɔs bin de gɛt ɛn baptayz mɔ lanin bɔy dɛn pas Jɔn.

Lyuk 3:19

Jɔn bin tɔk pan Ɛrɔd we bin de rul Galili bikɔs i bin mared Ɛrodias, we na bin in brɔda wɛf, ɛn fɔ ɔl di plɛnti bad tin dɛn we i bin de du.

Matyu 1:17

Na fotin difrɛn jɛnareshɔn (frɔm grampapa papa dɛn to grampikin pikin dɛm) bin de frɔm Ebraam in tɛm sote rich Kiŋ Devid in tɛm, ɛn na fotin bin de frɔm Kiŋ Devid in tɛm sote rich di tɛm we dɛn kɛr di Izrɛl pipul dɛn go Babilɔn go mek dɛn slev, ɛn na fotin bin de frɔm di tɛm we di Izrɛl pipul dɛn bin bi slev na Babilɔn sote di tɛm we Krays bɔn.

Lyuk 9:7

Wɛn Ɛrɔd we bin de rul na Galili yɛri ɔl wetin de bi, i kɔnfyus bikɔs pipul bin de tɔk se Jɔn we bin de baptayz we bin dɔn day, dɔn kam bak!