Matyu 11:11 - Krio Fɔs Oli Baybul

¹¹ A de tɛl una fɔ tru se, Jɔn we de baptayz, pas ɔlman we bin dɔn kam na wɔl bifo am. Bɔt di pɔsin we gɛt lili rɛspɛkt pas ɔl dɛn wan we Gɔd de rul, pas Jɔn.

Matyu 11:11 Referans Kwoze

Lyuk 7:28

A de tɛl una se Jɔn pas ɔl mɔtalman, bɔt di pɔsin we gɛt lili rɛspɛkt pas ɔl dɛn wan we Gɔd de rul, pas Jɔn!”

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Jɔn 1:15

Jɔn bin de tɛl pipul bɔt am. I bin de ala se, “Na di pɔsin dis we a bin de tɔk bɔt, wɛn a bin de se, ‘I go kam wɛn a dɔn du di wok we Gɔd sɛn mi fɔ kam du, bɔt i pas mi fawe, bikɔs i bin dɔn de bifo a bɔn.’”

Matyu 5:19

Ɛnibɔdi we brok wan pan di lɔ dɛn we Gɔd gi wi, ɛn lan ɔda pipul fɔ brok dɛn, Gɔd go mek da pɔsin de gɛt lo ples pas plɛnti pipul dɛn we i de rul; bɔt ɛnibɔdi we du wetin di Lɔ se ɛn lan ɔda pipul fɔ du di sem tin, Gɔd go mek da pɔsin de gɛt ay ples pas plɛnti pipul dɛn we i de rul.

Matyu 3:11

A de baptayz una wit wata fɔ sho se una dɔn lɛf fɔ du bad, bɔt di wan we de kam afta a dɔn du mi wok, in go baptayz una wit Gɔd in Spirit ɛn wit faya. I gɛt pawa pas mi, ɛn a nɔ fit sɛf fɔ lus in sus.

Lyuk 9:48

I tɛl in lanin bɔy dɛn se, “Ɛnibɔdi we tɛl lili pikin lɛkɛ dis wan ya fɔ kam nain os fɔseka mi, na mi da pɔsin de dɔn tɛl fɔ kam nain os; ɛnibɔdi we tɛl mi fɔ kam nain os, dɔn tɛl di Wan we sɛn mi fɔ kam nain os. Di pɔsin we una nɔ tek bɛtɛ yay luk, nain go bi impɔtant pas una ɔl.”

Pita In Fɔs Lɛta 1:10

Dɛn prɔfɛt we bin dɔn tɔk bɔt dis gud tin ya we Gɔd dɔn gi una, bifo i gi una, bin tek tɛm fɔ dig fɔ no bɔt dis layf ya we go de sote go na ɛvin, we Gɔd de gi dɛn wan we biliv pan Krays.

Di Ibru Pipul Dɛn 11:40

bikɔs Gɔd bin dɔn plan fɔ du tin we bɛtɛ pas dat fɔ wi. I bin dɔn plan se, in go mek wi ɛn dɛn pipul ya we bin biliv am bi lɛkɛ aw i want wi fɔ bi na ɛvin.

1 Kɔrint 15:9

Ɔl dɛn ɔda apɔsul bɛtɛ pas mi; a nɔ fit sɛf fɔ lɛ dɛn kɔl mi apɔsul, bikɔs a bin de mek dɛn pipul we de waka wit Gɔd sɔfa.

1 Kɔrint 6:4

So, wɛn una gɛt dɛn kes de, una fɔ kɛr dɛn go bifo pipul we nɔto Kristiɛn?

Jɔn 10:41

Plɛnti pipul go mit am de. Dɛn bigin tɔk to dɛn kɔmpin, dɛn se, “Jɔn nɔ du wɔndaful wok, bɔt ɔltin we i tɔk bɔt dis man ya na bin tru.”

Jɔn 3:30

Mɔ ɛn mɔ pipul go de fala di Mɛsaya, bɔt di pipul dɛn we de fala mi go de lɛf fɔ fala mi smɔl smɔl. Na so i fɔ bi.”

Di Sam Dɛm 51:5

Frɔm we mi mama gɛt mi bɛlɛ sɛf, mi na sina ɛn na so i bɔn mi.

Job 15:14

Udat na mɔtalman we yu go se klin na PAPA GƆD yay, ɔ udat we uman bɔn kam na dis wɔl, we yu go se nɔ de du bad?

Job 14:4

Udat go ebul pul klin tin kɔmɔt pan tin we nɔ klin na PAPA GƆD in yay? Nɔbɔdi nɔ go ebul

Job 14:1

Ɔl mɔtalman we uman bɔn kam na dis wɔl in layf nɔ lɔŋ ɛn gɛt bɔku bɔku waala.

Jɔn 5:35

Wetin Jɔn bin de tɔk bin tan lɛkɛ lamp we layt ɛn di layt brayt fɔ mek ɔlman si. Una bin gri fɔ mek di layt shayn pan una fɔs ɛn mek una at gladi.

Jɔn 1:27

I go kam wɛn a dɔn du di wok we Gɔd sɛn mi fɔ kam du, a nɔ fit sɛf fɔ lus di les nain sus.”

Zɛkaraya 12:8

Da de de, PAPA GƆD go fɛt fɔ di wan dɛn we tap na Jerusɛlɛm so dat di wan we nɔ gɛt trɛnk sɛf go tan lɛk Devid, dɔn Devid in os go tan lɛk PAPA GƆD to dɛn, lɛkɛ se in na PAPA GƆD in enjɛl.

Jɔn 7:39

Jizɔs bin de tɔk dat bɔt di Spirit we ɔl dɛn pipul we biliv pan am go gɛt. Gɔd nɔ bin dɔn gi dɛn di Spirit yet, bikɔs i nɔ bin dɔn mek Jizɔs go ɔp ɔp na ɛvin ɛn gɛt ɔna yet.

Ayzaya 30:26

Pantap dat, di mun in layt go tan lɛk di san in layt, ɛn di san in layt go brayt sɛvin tɛm mɔ, lɛk sɛvin de layt, di de we PAPA GƆD go tay usay de at in pipul dɛn ɛn mɛn di wund dɛn we dɛn bin wund we i bin pɔnish dɛm.

Job 25:4

Aw naw yu go se mɔtalman gud bifo PAPA GƆD? Aw yu go se mɔtalman we uman bɔn, klin na PAPA GƆD in yay?

1 Samiɛl 2:30

Di man we de tɔk fɔ PAPA GƆD se, na dat mek PAPA GƆD we na di PAPA GƆD we Izrɛl de wɔship se in bin dɔn se na Ilaɛl in famili ɛn dɛn jɛnareshɔn go bi di man dɛn we de mek sakrifays fɔ pipul sin te go, bɔt in de se i nɔ gɛt fɔ bi so igen, bikɔs na udat sho rɛspɛkt fɔ am, i go rɛspɛkt, bɔt udat de lili am, insɛf nɔ go bisin bɔt am.

Lɛta Fɔ Ɛfisɔs 2:3

Wisɛf bin tan lɛkɛ dɛn, wi bin jɛs de du wetin wi fil fɔ du ɛn wetin wi at gi wi fɔ du; Gɔd bin fɔ vɛks pan wi lɛkɛ aw i vɛks pan dɛn ɔda pipul.

Sɛkɛn Lɛta To Timoti 1:10

Gɔd dɔn sho wi di gud we i du plen wan naw, we wi Seviɔ, Jizɔs Krays dɔn kam. I dɔn pwɛl di pawa we day bin gɛt pan mɔtalman, ɛn i dɔn mek pipul no bɔt da layf we go de sote go, bay di Gud Nyuz we wi de tɛl dɛn.

Lyuk 1:15

Da pikin de go bi bigman pan Gɔd we na wi Masta in biznɛs. I nɔ fɔ drink wayn ɔ ɛnitin we de mek pɔsin drɔnk frɔm di de we i bɔn. Gɔd in Spirit go de insay am frɔm di tɛm we i de nain mama bɛlɛ.

Matyu 3:1

Wɛn sɔm ia dɔn pas nain Jɔn we de baptayz kam na di dɛzat na Judia. I bigin tɛl pipul se,

Matyu 11:10

Jɔn na di pɔsin we dɛn bin rayt bɔt na Gɔd in Buk se, ‘Gɔd se, A go sɛn mi mɛsenja we go go bifo yu, fɔ klia di rod rɛdi fɔ yu.’

Matyu 11:12

Frɔm di tɛm we Jɔn we de baptayz tɛl pipul bɔt Gɔd in rul, sote naw, dɛn bad pipul de fɛt fɔ siz Gɔd in rul.