Matyu 11:10 - Krio Fɔs Oli Baybul

¹⁰ Jɔn na di pɔsin we dɛn bin rayt bɔt na Gɔd in Buk se, ‘Gɔd se, A go sɛn mi mɛsenja we go go bifo yu, fɔ klia di rod rɛdi fɔ yu.’

Matyu 11:10 Referans Kwoze

Malakay 3:1

PAPA GƆD Ɔlmayti se in de sɛn wan mɛsenja we go mek shɔ se ɔltin ɔrayt fɔ am dɔn dɛn go si PAPA GƆD lɛk aw dɛn de luk fɔ am as i go kam nain os; nain na di mɛsenja we dɛn wan fɔ si bikɔs we in kam i go mek shɔ se dɛn kip in Kɔvinant.

Ayzaya 40:3

Wan vɔys de ala se: “Mek we fɔ PAPA GƆD na di dray ɛn ɛmti ples we natin nɔ de, Mek wan men rod tret wan fɔ wi Gɔd na di ɛmti ples we pɔsin nɔ go ebul tap.

Malakay 4:5

I se, in go sɛn prɔfɛt lɛk Ilayja to dɛn bifo di de we dɛn nɔ go lɛk kam.

Mak 1:2

Di Gud Nyuz bɔt Jizɔs Krays bigin lɛkɛ aw Gɔd in prɔfɛt we nem Ayzaya bin rayt, we i se: “Gɔd se, ‘A go sɛn mi mɛsenja bifo yu fɔ mek di rod rɛdi fɔ yu!’

Jɔn 1:23

Wɛn Jɔn de ansa dɛn, i tɔk wetin di prɔfɛt we nem Ayzaya bin dɔn tɔk. I se: “ ‘A de tɔk lawd wan, lɛkɛ we sɔmbɔdi de tɔk lawd wan na di dɛzat se: Una klia di rod we di Masta fɔ pas ɛn mek i tret!’”

Matyu 3:3

Jɔn na di man we da prɔfɛt we nem Ayzaya tɔk bɔt wɛn i se, “Sɔmbɔdi de tɔk lawd na di dɛzat se, ‘Una klia di rod we di Masta go pas; una mek di rod tret fɔ am fɔ waka!’”

Matyu 11:3

dɛn aks Jizɔs se, “Na yu na di pɔsin we bin fɔ kam, ɔ wi fɔ stil de luk rod fɔ ɔda pɔsin?”

Matyu 11:11

A de tɛl una fɔ tru se, Jɔn we de baptayz, pas ɔlman we bin dɔn kam na wɔl bifo am. Bɔt di pɔsin we gɛt lili rɛspɛkt pas ɔl dɛn wan we Gɔd de rul, pas Jɔn.

Lyuk 1:76

Yu, mi pikin, dɛn go kɔl yu Gɔd we pas ɔl, in prɔfɛt. Na yu go mek pipul rɛdi fɔ di tɛm we di Masta go kam;