Matyu 11:1 - Krio Fɔs Oli Baybul

¹ Wɛn Jizɔs dɔn tɛl in twɛlv lanin bɔy dɛn wetin dɛn fɔ du, i kɔmɔt de ɛn go na dɛn tɔŋ we de na Galili fɔ tich ɛn tɛl pipul di Gud Nyuz.

Matyu 11:1 Referans Kwoze

Apɔsul Dɛn Wok 10:38

Una no se Gɔd bin gi Jizɔs we kɔmɔt Nazarɛt in Spirit ɛn in pawa. Jizɔs bin de go ɔlɔbɔt de du gud fɔ pipul ɛn i mɛn ɔl dɛn wan we bin gɛt dɛbul insay dɛn. I bin ebul du ɔl dɛn tin ya bikɔs Gɔd bin de wit am.

Lyuk 8:1

I nɔ tu te, Jizɔs ɛn in lanin bɔy dɛn go na dɛn tɔŋ ɛn dɛn vilej go tɛl di pipul dɛn di Gud Nyuz bɔt Gɔd in rul.

Matyu 9:35

Jizɔs go ɔlɔbɔt na dɛn tɔŋ ɛn vilej, de lan pipul na dɛn Ju mitin os ɛn tɛl dɛn di Gud Nyuz bɔt Gɔd in rul, ɛn i mɛn dɛn pipul we gɛt ɔl kayn sik.

Sɛkɛn Lɛta Fɔ Tɛsalonayka 3:10

Wɛn wi bin de wit una, wi bin de tɛl una se, “Una nɔ fɔ gi ɛnibɔdi we nɔ gri fɔ wok, ɛnitin fɔ it.”

Sɛkɛn Lɛta Fɔ Tɛsalonayka 3:6

Mi Kristiɛn pipul dɛn, wi de tek wi Masta Jizɔs Krays in nem tɛl una se una nɔ fɔ mek padi wit dɛn Kristiɛn we nɔ want du natin, ɛn we nɔ de du wetin wi bin dɔn tɛl dɛn fɔ du.

Fɔs Lɛta Fɔ Tɛsalonayka 4:2

Una no dɛn tin we wi bin dɔn tɛl una fɔ du we Masta Jizɔs insɛf se wi fɔ tɛl una.

Apɔsul Dɛn Wok 10:42

I tɛl wi fɔ tɛl ɔlman di Gud Nyuz. I tɛl wi igen fɔ tɛl ɔlman se Gɔd dɔn pik am fɔ jɔj ɔl dɛn pipul we dɔn day ɛn ɔl dɛn wan we nɔ day yet.

Apɔsul Dɛn Wok 1:2

sote di de we Gɔd tek am go ɛvin. Bifo Jizɔs go ɛvin, Gɔd in Spirit we bin de pan am mek i tɛl dɛn apɔsul we i pik wetin dɛn fɔ du.

Jɔn 15:14

Una na mi padi dɛn if una du wetin a tɛl una fɔ du.

Jɔn 15:10

If una du wetin a tɛl una fɔ du, una go stil de ɛnjɔy di gud tin dɛn we a de du fɔ una bikɔs a lɛk una, jɛs lɛkɛ aw misɛf du wetin mi Papa tɛl mi fɔ du so a stil de ɛnjɔy di gud we i de du fɔ mi bikɔs i lɛk mi.

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Matyu 7:28

Wɛn Jizɔs dɔn tɔk dɛn wɔd ya dɔn, di pipul dɛn we bin lib de, bin lɛf de wɔnda pan aw Jizɔs lan dɛn.

Matyu 4:23

Jizɔs go ɔlɔbɔt na Galili de tich pipul na di Ju mitin os dɛn, i tɛl dɛn di Gud Nyuz bɔt di tɛm we Gɔd de kam rul, ɛn i mɛn pipul we gɛt ɔl kayn sik.

Fɔs Lɛta To Timoti 6:14

Yu fɔ du ɔl wetin a dɔn tɛl yu, yu nɔ fɔ miks pan sin, so dat nɔbɔdi nɔ go blem yu frɔm naw te wi Masta Jizɔs kam bak.

Mak 6:12

Di lanin bɔy dɛn go ɔlɔbɔt de tɛl pipul fɔ lɛf fɔ du di bad tin dɛn we dɛn de du.

Lyuk 23:5

Di pipul dɛn we kɛr Jizɔs go to Paylet se, “Jizɔs mek di pipul dɛn strayk bay di tin dɛn we i de lan pipul na Judia. I bigin na Galili ɛn naw i dɔn rich Jerusɛlɛm.” Dɛn pin.