Matyu 10:6 - Krio Fɔs Oli Baybul

⁶ Bɔt una go to dɛn pipul na Izrɛl, we tan lɛkɛ ship we dɔn lɔs.

Matyu 10:6 Referans Kwoze

Jɛrimaya 50:6

“Mi pipul dɛm dɔn bi lɛkɛ ship dɛn we dɔn lɔs; dɛn shɛpad dɛn dɔn mek dɛn go astre, we dɛn bin mek dɛn go na dɛn mawnten; dɛn dɔn kɔmɔt na wan mawten go na ɔda il, dɛn dɔn fɔgɛt usay dɛn kɔmɔt.

Pita In Fɔs Lɛta 2:25

Una bin tan lɛkɛ ship we dɔn lɛf fɔ fala di man we de mɛn dɛn, so dɛn nɔ sabi rod igen, bɔt naw Gɔd dɔn briŋ una kam bak to di pɔsin we de mɛn una ɛn we de gyad una mek natin bad nɔ mit una.

Apɔsul Dɛn Wok 13:46

Pɔl ɛn Banabas nɔ fred fɔ tɔk; dɛn se, “Wi bin gɛt fɔ tɛl una dɛn Ju pipul bɔt Gɔd bifo wi tɛl dɛn pipul we nɔto Ju. We una nɔ gri biliv pan am, una dɔn kɔndɛm unasɛf se una nɔ fit fɔ gɛt layf sote go. Na dat mek wi de tɛl dɛn pipul we nɔto Ju bɔt Gɔd naw.

Izikɛl 34:6

Mi ship dɛn bin skata skata, dɛn bin de drif oba ɔl di mawnten dɛn ɛn pan ɔl di ay il; mi ship dɛn bin skata skata oba ɔl say pan di wɔl ɛn nɔbɔdi nɔ bin sach ɔ luk fɔ dɛm.

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Di Sam Dɛm 119:176

A fiba ship we dɔn rɔnawe, ɛn dɔn lɔ pan in masta; Briŋ mi bak bikɔs a nɔ go fɔgɛt wetin yu lɔ se.

Apɔsul Dɛn Wok 3:26

Wɛn Gɔd sɛn Jizɔs lɛkɛ savant kam na wɔl, Gɔd mek i kam to una we na Izrɛl pipul fɔs, kam tɔk bɔt Gɔd fɔ mek bɛtɛ go fala una ɛn mek una go lɛf fɔ du bad.”

Matyu 18:10

“Una fɔ mek shɔ se una nɔ luk se ɛni wan pan dɛn lili wan ya nɔ bɛtɛ. A de tɛl una se, dɛn lili wan ya, dɛn yon enjɛl dɛn we de na ɛvin de luk mi Papa in fes ɔltɛm! [

Izikɛl 34:8

As a de livin, PAPA GƆD se, bikɔs mi ship dɛn dɔn kam bi bif fɔ it, ɛn mi ship dɛn dɔn kam bi bif fɔ ɔl di wayl bist dɛm, bikɔs nɔn shɛpad nɔ bin de; ɛn bikɔs mi shɛpad dɛn nɔ bin sach fɔ mi ship dɛm, bɔt di shɛpad dɛn bin dɔn fid dɛnsɛf, ɛn nɔ bin fid mi ship dɛn;

Apɔsul Dɛn Wok 26:20

Fɔs a go tɛl dɛn pipul na Damaskɔs, Jerusɛlɛm, ɛn ɔlɔbɔt na Judia, bɔt Gɔd; dɔn a tɛl dɛn pipul we nɔto Ju bɔt Gɔd. A tɛl dɛn fɔ lɛf fɔ du dɛn bad tin we dɛn de du ɛn kam to Gɔd, ɛn fɔ de du dɛn tin we sho se dɛn dɔn kam to Gɔd.

Apɔsul Dɛn Wok 18:6

Di pipul dɛn nɔ bin gri tek wetin Pɔl tɛl dɛn ɛn dɛn bin de tɔk bad bɔt am, so Pɔl shek in klos pan dɛn fɔ sho se in nɔ gri wit dɛn. I tɛl dɛn se, “Una fɔ blem unasɛf fɔ wetin go bi to una if Gɔd kɔndɛm una! Nɔto mi go gɛt di blem; frɔm tide a de lɛf una; a de go tɛl dɛn pipul we nɔto Ju bɔt Gɔd.”

Lyuk 24:47

Fɔseka di tin we i du ɛn se, una fɔ go na Jerusɛlɛm fɔs, dɛn ɔlɔbɔt na wɔl, go tɛl pipul fɔ lɛf fɔ sin ɛn da tɛm de Gɔd go padin dɛn sin.

Izikɛl 34:16

A go luk fɔ di wan dɛn we lɔs, ɛn a go briŋ kam bak di wan we stre, ɛn a go mɛn dɛn wan we kripul, ɛn a go mek di wik dɛn gɛt trɛnk, ɛn a go wach gud gud wan di wan dɛm we fat ɛn di wan dɛm we gɛt trɛnk; ɛn a go fid dɛn di rayt we.

Jɛrimaya 50:17

“Izrɛl na ship we layɔn dɛm de fɛn fɔ kech ɛn it we mek i de rɔnawe. Fɔs, di kiŋ na Asiria atak am, ɛn naw, Nɛbyukadnɛza we na kiŋ na Babilɔn de klin in bon bon.

Izikɛl 34:4

Una nɔ mek di wik wan dɛn gɛt trɛnk; una nɔ mɛn di wan dɛn we sik; una nɔ bandej di wan dɛn we kripul; di wan dɛn we bin stre una nɔ briŋ dɛn bak; di wan dɛn we lɔs una nɔ fɛn dɛm, ɛn una bin rul di ship dɛm rɔf wan ɛn bay fos.

Matyu 18:11

Mɔtalman Pikin kam fɔ sev dɛn pipul we dɔn lɔs dɛn we.]