Matyu 10:4 - Krio Fɔs Oli Baybul

⁴ Saymɔn we bin de fɛt fɔ fri in pipul dɛn, ɛn Judas Iskariɔt, we bin fɔ sɛl Jizɔs.

Matyu 10:4 Referans Kwoze

Matyu 26:14

Wan pan Jizɔs in lanin bɔy dɛn we nem Judas Iskariɔt go mit di bigman dɛn we de mek sakrifays fɔ pipul sin.

Jɔn 13:2

Jizɔs ɛn in lanin bɔy dɛn bin de it. Setan bin dɔn go na Judas in at fɔ mek i sɛl Jizɔs. Dis Judas ya na bin Saymɔn Iskariɔt in pikin.

Jɔn 6:71

Jizɔs bin de tɔk bɔt Judas we na Saymɔn Iskariɔt in pikin, pan ɔl we Judas na bin wan pan di twɛlv lanin bɔy dɛn, i bin mekɔp fɔ sɛl Jizɔs.

Mak 14:43

As Jizɔs de tɔk so, nain Judas we na wan pan in lanin bɔy dɛn kam wit sɔm pipul we ol sɔd ɛn ɔda tin dɛn fɔ tek fɛt. Na di bigman dɛn we de mek sakrifays fɔ pipul sin, di Ju Lɔ ticha dɛn, ɛn di ɔda Ju bigman dɛn bin sɛn di pipul dɛn.

Matyu 26:47

Jizɔs bin de tɔk wɛn Judas we na wan pan in twɛlv lanin bɔy dɛn, kam. I kam wit plɛnti pipul we ol sɔd ɛn tin dɛn fɔ tek fɛt. Na di bigman dɛn we de mek sakrifays fɔ pipul sin ɛn di ɔda Ju bigman dɛn bin sɛn dɛn pipul ya.

Lyuk 22:47

Aw Jizɔs de tɔk to in lanin bɔy dɛn, na de plɛnti, plɛnti pipul kam mit am. Wan pan Jizɔs in twɛlv lanin bɔy dɛn we nem Judas nain bin de bifo dɛn. Judas kam klos Jizɔs fɔ kis am.

Lyuk 22:3

Setan go insay Judas we nem Iskariɔt, in at; Iskariɔt na bin wan pan di twɛlv apɔsul dɛn.

Mak 14:10

Judas Iskariɔt we na wan pan di twɛlv lanin bɔy dɛn go mit di bigman dɛn we de mek sakrifays fɔ pipul sin fɔ tɛl dɛn se in go sɛl Jizɔs gi dɛn.

Matyu 27:3

Wɛn Judas we sɛl Jizɔs yɛri se dɛn dɔn kɔndɛm Jizɔs, i sɔri fɔ di bad we i du, so i kɛr di tati silva kɔpɔ bak we dɛn bin pe am go gi di bigman dɛn we de mek sakrifays fɔ pipul sin ɛn di ɔda Ju bigman dɛn.

Apɔsul Dɛn Wok 1:25

fɔ du di wok we Judas dɔn lɛf. Judas dɔn go na di say we i fɔ go.”

Apɔsul Dɛn Wok 1:13

Wɛn dɛn rich na Jerusɛlɛm, dɛn go na wan rum ɔp di garɛt na di os we dɛn bin tap. Di pipul dɛn we bin tap de na Pita, Jɔn, Jems, Andru, Filip, Tɔmɔs, Batalomyu, Matyu, Jems we na Alfiɔs in pikin, Saymɔn we bin de fɛt fɔ fri in kɔntri, Judas we na bin Jems in pikin.

Matyu 26:2

“Una no se i lɛf tu de fɔ mek di Pasova ɔlide kam, ɛn dɛn go an ova Mɔtalman Pikin gi pipul we go nel am pan di krɔs.”

Matyu 26:15

I aks dɛn se, “Ɔmɔs una go pe mi if a mek una ol Jizɔs?” Dɛn pe am tati silva kɔpɔ.

Jɔn 6:64

Pan ɔl dat, sɔm pan una nɔ biliv dɛn.” (Frɔm di tɛm we Jizɔs bigin fɔ lan di pipul dɛn, i dɔn no di wan dɛn we nɔ go biliv pan am, ɛn di pɔsin we go sɛl am.)