Matyu 10:2 - Krio Fɔs Oli Baybul

² Di twɛlv man dɛn we Jizɔs sɛn na dɛn nem dɛn wan ya: Fɔs, yu gɛt Saymɔn we dɛn de kɔl Pita, ɛn in brɔda Andru; Jems, ɛn in brɔda Jɔn, dɛn tu na bin Zɛbidi in pikin dɛn;

Matyu 10:2 Referans Kwoze

Apɔsul Dɛn Wok 1:13

Wɛn dɛn rich na Jerusɛlɛm, dɛn go na wan rum ɔp di garɛt na di os we dɛn bin tap. Di pipul dɛn we bin tap de na Pita, Jɔn, Jems, Andru, Filip, Tɔmɔs, Batalomyu, Matyu, Jems we na Alfiɔs in pikin, Saymɔn we bin de fɛt fɔ fri in kɔntri, Judas we na bin Jems in pikin.

Matyu 4:21

Jizɔs go bifo say, nain i si Jems ɛn Jɔn, tu brɔda we Zɛbidi bɔn. Dɛn bin de insay bot wit dɛn papa Zɛbidi, dɛn bin de rɛdi dɛn fishin nɛt. Jizɔs kɔl dɛn,

Jɔn 12:22

Filip go tɛl Andru, nain dɛn tu go mit Jizɔs ɛn tɛl am wetin di Grik pipul dɛn se.

Jɔn 6:8

Wan pan Jizɔs in ɔda lanin bɔy dɛn, dat na Andru we na Saymɔn Pita in brɔda se,

Lyuk 5:10

Jems ɛn Jɔn we na Zɛbidi in pikin dɛn we bin de wok wit Saymɔn, dɛnsɛf wɔnda. Jizɔs se, “Saymɔn, nɔ fred! Frɔm tide sote go, yu go briŋ pipul kam to mi lɛkɛ aw yu bin de kech fish.”

Matyu 4:18

Wɛn Jizɔs bin de waka na di bich na Lek Galili, i si tu brɔda dɛn we na bin fisha man, Saymɔn we dɛn de kɔl Pita ɛn in brɔda Andru, dɛn tu bin de fishin wit fishin nɛt na Lek Galili.

Lyuk 11:49

Na dat mek di wan we dɛn kɔl ‘Gɔd in Sɛns’ se, ‘A go sɛn mi prɔfɛt dɛn ɛn mi mɛsenja dɛn to dɛn, bɔt dɛn go kil sɔm ɛn dɛn go mek di ɔda wan dɛn sɔfa.’

Rɛvɛleshɔn 1:9

Mi we de rayt dis buk na Jɔn, una brɔda, we wi ɔl de fala Jizɔs. Wi ɔl tinap traŋa pan ɔl di sɔfa we wi de sɔfa bikɔs wi tek Jizɔs Krays fɔ wi Kiŋ. Dɛn bin kɛr mi go lɛf mi na wan ples we dɛn kɔl Patmɔs we de midul wata, bikɔs a bin de tɛl pipul di mɛsej we Gɔd sɛn, we Jizɔs insɛf se na tru.

Jɔn In Sɛkɛn Lɛta 1:1

Mi, Jɔn we na una bigman na di chɔch, de rayt to di uman we Gɔd dɔn pik ɛn in pikin dɛn we a lɛk fɔ tru. Nɔto mi wangren, bɔt ɔlman we no wetin tru, lɛk una,

Pita In Sɛkɛn Lɛta 1:1

Mi Saymɔn Pita, we de wok fɔ Jizɔs Krays ɛn we na wan pan in apɔsul dɛn, de rayt to una we biliv pan am lɛkɛ aw wisɛf biliv pan am, bikɔs wi Papa Gɔd ɛn Jizɔs Krays we sev wi de du wetin rayt ɔltɛm. Di biliv we wi biliv pan am ɛn di biliv we una biliv pan am nɔto tin we mɔni kin bay.

Pita In Fɔs Lɛta 1:1

Mi Pita, we na Krays in apɔsul, de rayt to una we Gɔd dɔn pik, we skata ɔlɔbɔt na Pɔnchɔs, Galeshya, Kapadoshia, Eshya ɛn Bitinya, we de lɛkɛ trenja na ɔl dɛn kɔntri ya.

Di Ibru Pipul Dɛn 3:1

Mi Kristiɛn brɔda dɛn, Gɔd kɔl unasɛf fɔ bi in yon pipul. Na dat mek una fɔ mɛmba Jizɔs we Gɔd dɔn sɛn fɔ bi di edman we de mek sakrifays fɔ pipul sin, fɔseka wetin wi biliv.

Lɛta Fɔ Ɛfisɔs 4:11

Nain bin mek wi sabi fɔ du difrɛn difrɛn wok. Sɔm pan di wok dɛn we i gi wi fɔ du na dɛn dɛn wan ya: I mek sɔm pan wi bi apɔsul; sɔm bi prɔfɛt; sɔm bi ivanjɛlist, dat na dɛn pipul we de tɛl ɔda pipul di Gud Nyuz bɔt Jizɔs Krays; sɔm bi pastɔ; ɛn sɔm bi ticha.

1 Kɔrint 15:7

Afta dat, i sho insɛf to Jems, dɛn i sho insɛf to ɔl di apɔsul dɛn.

Apɔsul Dɛn Wok 12:2

I mek dɛn tek sɔd kil Jems we na bin Jɔn in brɔda.

Apɔsul Dɛn Wok 3:1

Wande, bay tri oklɔk santɛm, di tɛm we dɛn Ju pipul kin go pre, Pita ɛn Jɔn bin go na Gɔd in Os fɔ go pre.

Apɔsul Dɛn Wok 1:26

Dɛn Ju pipul gɛt we fɔ no wetin Gɔd want, so di ilɛvin apɔsul dɛn trowe sɔntin na grɔn fɔ pik di wan pɔsin. Na Matayas nem kɔmɔt so dɛn mek i bi wan pan di apɔsul dɛn.

Jɔn 21:24

Na di lanin bɔy dat we si ɛn yɛri ɔl dɛn tin ya, nain rayt dɛn na dis buk, ɛn wi no se ɔl wetin i rayt na tru.

Jɔn 21:20

Pita tɔn rawnd ɛn si di lanin bɔy we Jizɔs lɛk biɛn am. Na da lanin bɔy de bin sidɔm klos Jizɔs wɛn dɛn bin de it, ɛn nain bin aks Jizɔs se, “Masta, udat go sɛl yu?”

Jɔn 21:2

Saymɔn Pita; Tɔmɔs, we dɛn kɔl “Twin”; Natanyɛl we kɔmɔt Kena we de na Galili; Zɛbidi in pikin dɛn; ɛn tu ɔda wan pan Jizɔs in lanin bɔy dɛn ɔl bin de wan ples.

Jɔn 20:2

I tɔn bak rɔn go mit Saymɔn Pita ɛn di lanin bɔy we Jizɔs lɛk ɛn tɛl dɛn se, “Dɛn dɔn pul wi Masta kɔmɔt na di grev ɛn wi nɔ no usay dɛn dɔn kɛr am go!”

Jɔn 13:23

Wan pan di lanin bɔy dɛn we Jizɔs lɛk bad bin sidɔm klos Jizɔs.

Lyuk 22:14

Wɛn di tɛm rich, Jizɔs ɛn in apɔsul dɛn sidɔm fɔ it.

Lyuk 22:8

So Jizɔs kɔl Pita ɛn Jɔn, ɛn tɛl dɛn se, “Una go rɛdi di Pasova it fɔ wi, so dat wi kin it am.”

Lyuk 9:10

Wɛn Jizɔs in lanin bɔy dɛn kam bak, dɛn tɛl am ɔl wetin dɛn du. Jizɔs kɛr dɛn go na wan tɔŋ we nem Bɛtsayda fɔ mek dɛn go de to dɛnsɛf.

Mak 13:3

We Jizɔs sidɔm na Mawnt Ɔliv, we de fesin Gɔd in Os, nain Pita, Jems, Jɔn ɛn Andru kam mit am ɛn aks am se,

Mak 1:29

Jizɔs ɛn in lanin bɔy dɛn kɔmɔt na di Ju mitin os, dɛn go na Saymɔn ɛn Andru dɛn os. Jems ɛn Jɔn fala dɛn go insay di os.

Matyu 26:37

Wɛn i de go, i kɛr Pita ɛn Zɛbidi in tu pikin dɛn go wit am. I bigin fil sɔri ɛn in at ebi.

Matyu 20:20

Wɛn dat dɔn, Zɛbidi in wɛf ɛn in pikin dɛn kam mit Jizɔs; di uman nil dɔŋ bifo Jizɔs ɛn beg Jizɔs fɔ du sɔntin fɔ am.

Matyu 17:1

Afta siks de pas, Jizɔs tek Pita, Jems ɛn in brɔda Jɔn go na wan ay il, na dɛn nɔmɔ bin lib de.

Rɛvɛleshɔn 22:8

Mi Jɔn, dɔn yɛri ɔl dɛn tin ya ɛn a dɔn si dɛn wit mi yay. Di tɛm we a yɛri ɛn si dɛn, a fɔdɔm na di enjɛl in fut we sho mi dɛn tin ya, fɔ pre to am.

Rɛvɛleshɔn 1:1

Insay dis buk dɛn rayt dɛn tin we Jizɔs Krays sho dɛn pipul we de du Gɔd wok. Na Gɔd fɔs sho Jizɔs Krays dɛn tin ya, so dat i kin mek dɛn wan we de du in wok no dɛn tin we mɔs bi. I sɛn in enjɛl go mit Jɔn we bin de wok fɔ am fɔ mek di enjɛl sho Jɔn dɛn tin ya.

Jɔn In Tɔd Lɛta 1:1

Mi Jɔn, we na bigman na chɔch de rayt to Geyɔs we a lɛk fɔ tru.

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Mak 6:30

Di apɔsul dɛn tɔn bak go mit Jizɔs; dɛn tɛl am ɔl wetin dɛn du ɛn ɔl wetin dɛn lan pipul.

Jɔn 6:67

So Jizɔs aks di twɛlv lanin bɔy dɛn se, “Unasɛf want go lɛf mi?”

Jɔn 6:70

Jizɔs se, “Na mi pik una ɔl twɛlv, nɔto so? Bɔt wan pan una na dɛbul!”

Jɔn 6:71

Jizɔs bin de tɔk bɔt Judas we na Saymɔn Iskariɔt in pikin, pan ɔl we Judas na bin wan pan di twɛlv lanin bɔy dɛn, i bin mekɔp fɔ sɛl Jizɔs.