Matyu 1:23 - Krio Fɔs Oli Baybul

²³ “Wan yɔŋ uman we nɔ no bɔt man yet go gɛt bɛlɛ ɛn i go bɔn bɔy pikin, dɛn go gi di pikin nem Imanyuɛl” (Imanyuɛl min se, Gɔd de wit wi).

Matyu 1:23 Referans Kwoze

Ayzaya 7:14

Fɔseka dat, PAPA GƆD insɛf go gi una sayn. Wan yɔŋgyal go gɛt bɛlɛ ɛn go bɔn pikin, ɛn i go gi am nem, Imanyuɛl.

Di Sam Dɛm 46:11

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Ayzaya 12:2

“Na yu PAPA GƆD gi mi nyu layf; A go biliv yu ɛn nɔ go fred; bikɔs na PAPA GƆD we na mi Gɔd na mi trɛnk, ɛn nain a de siŋ bɔt, ɛn i dɔn bi di wan we gi mi nyu layf.”

Di Sam Dɛm 46:7

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Sɛkɛn Lɛta To Timoti 4:22

Mek di Masta de wit yu spirit ɔltɛm. Mek Gɔd sho una ɔl aw i gud.

Lɛta Fɔ Rom 9:5

Dɛn fɔs Ju pipul we bin de klos Gɔd na dɛn grampapa papa dɛn, ɛn wɛn Krays na bin mɔtalman, na bin Ju. Mek wi prez Gɔd, we de rul di wɔl, sote go! Emɛn.

2 Kɔrint 5:19

Wi de tɛl pipul se Gɔd de mek mɔtalman bi Gɔd in padi dɛn tru Krays. Gɔd nɔ de mak mɔtalman in sin igen fɔ pɔnish am bambay, ɛn i dɔn tɛl wi fɔ tɛl dɛn aw dɛn go bi in padi dɛn.

Apɔsul Dɛn Wok 18:9

Wan nɛt, Gɔd sho Pɔl sɔntin; i tɛl am se, “Nɔ fred, yu nɔ fɔ taya fɔ tɔk di mɛsej we a tɛl yu fɔ tɔk,

Sɛkɛn Lɛta To Timoti 4:17

Bɔt di Masta bin de wit mi ɛn i gi mi pawa, we mek a ebul tɛl pipul ɔl di mɛsej, mek ɔl dɛn wan we nɔto Ju, yɛri; ɛn i mek a nɔ go insay layɔn mɔt.

Matyu 1:24

So wɛn Josɛf wek, i du wetin di enjɛl tɛl am fɔ du; i mared Meri.

Lɛta Fɔ Rom 8:31

Wɛn wi luk ɔl dɛn tin ya, wetin wi go se? If Gɔd de fɔ wi, nɔbɔdi nɔ go ebul wi.

Lyuk 20:44

If Devid kɔl am Masta, aw i go bi wan pan in granpikin pikin dɛn?”