Matyu 1:21 - Krio Fɔs Oli Baybul

²¹ Meri go bɔn bɔy pikin ɛn yu go kɔl di pikin Jizɔs; bikɔs i go sev Gɔd in pipul dɛn frɔm dɛn sin.”

Matyu 1:21 Referans Kwoze

Apɔsul Dɛn Wok 13:23

Na wan pan Devid in grampikin pikin dɛm we nem Jizɔs, Gɔd pik fɔ sev in Izrɛl pipul dɛn. Na dat Gɔd bin dɔn tɔk se go bi.

Apɔsul Dɛn Wok 4:12

Nɔbɔdi nɔ de na wɔl we ebul sev pɔsin; na Jizɔs nɔmɔ ebul sev pɔsin.”

Jɔn 1:29

Di ɔda de Jɔn si Jizɔs de kam, nain i se, “Luk di Pɔsin we Gɔd sɛn fɔ padin mɔtalman sin!

Jɔn In Fɔs Lɛta 3:5

Una no se Krays kam fɔ pul mɔtalman kɔmɔt pan sin ɛn Krays nɔ gɛt sin nain layf.

Lyuk 2:21

Di de we mek et afta Jizɔs bɔn, dɛn sakɔmsayz am, ɛn nem am Jizɔs. Na bin di nem dat we di enjɛl bin gi am bifo in mama gɛt in bɛlɛ.

Apɔsul Dɛn Wok 5:31

Gɔd dɔn mek Jizɔs sidɔm nain raytan fɔ bi wi Masta ɛn wi Seviɔ, so dat i go gi di Izrɛl pipul dɛn chans fɔ chenj ɛn Gɔd go padin dɛn fɔ dɛn sin.

Lyuk 1:31

Yu go gɛt bɛlɛ ɛn yu go bɔn bɔy pikin, ɛn yu fɔ kɔl di pikin, Jizɔs.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Lyuk 2:11

Tide na da tɔŋ we Devid bin bɔn, dɛn dɔn bɔn Wan Pikin we go sev una. Na di Mɛsaya we na wi Masta.

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Zɛkaraya 9:9

I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.

Apɔsul Dɛn Wok 3:26

Wɛn Gɔd sɛn Jizɔs lɛkɛ savant kam na wɔl, Gɔd mek i kam to una we na Izrɛl pipul fɔs, kam tɔk bɔt Gɔd fɔ mek bɛtɛ go fala una ɛn mek una go lɛf fɔ du bad.”

Rɛvɛleshɔn 7:14

A ansa am se, “Mi nɔ no dɛn, sa. Na yu no dɛn, sa.” Na de i se, “Dɛn pipul ya na dɛn wan we bin tinap traŋa wɛn da big trɔbul bin fɔdɔm. Dɛn dɔn tek di Ship in blɔd was dɛn klos, mek dɛn wayt.

Di Ibru Pipul Dɛn 7:25

Na dat mek Jizɔs gɛt pawa ɔltɛm fɔ sev dɛn pipul we de kam to Gɔd tru am. Bikɔs i gɛt layf we go de sote go, i de pre bifo Gɔd ɔltɛm fɔ dɛn.

Daniɛl 9:24

“Dɛn dɔn put sɛvinti tayms sɛvin ia, we na lɔ fɔseka una oli siti ɛn yu pipul dɛn, fɔ tap wikɛdnɛs, fɔ tap sin, ɛn fɔ pe fɔ di bad bad tin dɛn, lɛ pipul de waka tret ɔltɛm, fɔ kɔba di vishɔn ɛn di prɔfɛt ɛn fɔ pre fɔ wan ples we go oli pas ɔl mek i go klin.

Jɛrimaya 23:6

Nain tɛm Juda go sav, ɛn Izrɛl go liv de wit kolat. Ɛn na dis nem dɛn go kɔl am: ‘PAPA GƆD na wi tret waka.’

Jɛnɛsis 18:10

Dɛn PAPA GƆD tɛl am se, “A de kam fɛn yu bak dis sem tɛm nɛks ia. Bɔt bifo a kam yu wɛf Sera go dɔn bɔn bɔypikin.” Sera bin tinap biɛn di tɛnt in domɔt, de lisin.

Lyuk 1:13

Di enjɛl se, “Zakaraya, nɔ fred! Gɔd dɔn yɛri ɛn i dɔn ansa di pre we yu de pre; yu wɛf Ilizabɛt go bɔn bɔy pikin; di nem we yu fɔ gi am na Jɔn.

Jɛrimaya 33:16

Dɛn tɛm dɛn de, dɛn go sev; Juda ɛn Jerusɛlɛm go sikiɔ. Ɛn na di nem dis we dɛn go de kɔl am: Na PAPA GƆD na wi Raychɔsnɛs.’

Jɛnɛsis 17:19

Dɛn PAPA GƆD se, “Nɔ-o! Yu wɛf Sera go bɔn bɔypikin fɔ yu ɛn yu fɔ gi am nem Ayzak. A go mek mi Kɔvinant wit am ɛn wit insɛf yon jɛnareshɔn dɛn, we go bi Kɔvinant we gɛt fɔ de sote go.

Jɛnɛsis 17:21

Bɔt mi Kɔvinant go bi wit yu bɔypikin Ayzak, we Sera gɛt fɔ bɔn dis sem tɛm nɛks ia.”

Di Jɔj Dɛm 13:3

Nain wande, PAPA GƆD in enjɛl apia to am ɛn tɛl am se, in na uman we nɔ de bɔn ɛn i nɔ gɛt pikin, bɔt i go gɛt bɛlɛ ɛn bɔn wan bɔypikin.

1 Samiɛl 1:20

Na so Ana tek gɛt bɛlɛ dɔn we di tɛm rich i bɔn bɔypikin. I gi di pikin nem Samiɛl as i se bikɔs a aks PAPA GƆD fɔ am.

Matyu 1:25

Bɔt Josɛf nɔ no Meri fɔ wɛf sote Meri dɔn bɔn di bɔy pikin. Josɛf kɔl di pikin, Jizɔs.

Jɔn 4:42

Dɛn tɔn to di uman ɛn se, “Nɔto wetin yu tɔk mek wi biliv dis tɛm ya; wi biliv bikɔs wisɛf sɛf dɔn yɛri wetin i tɔk, ɛn wi no se nain de sev di pipul dɛn na di wɔl, fɔ tru.”