Matyu 1:12 - Krio Fɔs Oli Baybul

¹² Afta dɛn kɛr dɛn go mek dɛn slev na Babilɔn, Jɛoya kin bɔn Shiɛltiɛl, Shiɛltiɛl bɔn Zɛrubabɛl,

Matyu 1:12 Referans Kwoze

1 Kronikuls 3:17

Jɛoiachin we dɛn kapchɔ in bɔypikin dɛm: In bɔypikin Shɛaltiɛl,

Ɛzra 3:2

Nain Jozadak in bɔypikin Jɛshwa wit in kɔmpin man dɛn we de mek sakrifays ɛn Shialtiɛl in bɔypikin Zɛrubabɛl ɛn in famili bigin fɔ bil Izrɛl dɛn PAPA GƆD in ɔlta fɔ lɛ dɛn go de bɔn animal as sakrifays to PAPA GƆD de, jɛs lɛkɛ aw di lɔ we PAPA GƆD gi Mozis bin se.

Lyuk 3:27

Joda in papa bin nem Joe nan, Joe nan in papa bin nem Resa, Resa in papa bin nem Zɛrubabɛl, Zɛrubabɛl in papa bin nem Shiɛltiɛl, Shiɛltiɛl in papa bin nem Niray,

Egay 1:14

PAPA GƆD mek Zɛrubabɛl we na gɔvna ɛn na Shialtiɛl in bɔypikin, Jɔshwa we na di bigman fɔ ɔl dɛn man we de mek sakrifays fɔ pipul sin ɛn Jɛozedak in bɔypikin, pik zil, jɔyn am wit di zil we di balans pipul dɛnsɛf gɛt, ɛn bigin wok fɔ bil PAPA GƆD we na dɛn PAPA GƆD Ɔlmayti, in os bak.

Egay 2:23

PAPA GƆD Ɔlmayti se fɔ tɛl Zɛrubabɛl we nain wokman ɛn we na Shialtiɛl in bɔypikin se, in PAPA GƆD se, na da de de i go mek i tan lɛk riŋ we dɛn de tek sayn, fɔ sho se i gɛt pawa, bikɔs nain PAPA GƆD Ɔlmayti dɔn pik am.

Egay 2:2

I tɛl Egeay fɔ aks Zɛrubabɛl we na Shialtiɛl in bɔypikin ɛn na di gɔvna na Juda, Jɔshwa we na Jɛozedak in yon bɔypikin ɛn na di bigman fɔ dɛn man we de mek sakrifays fɔ pipul sin, ɛn ɔl di balans pipul se,

Egay 1:12

Zɛrubabɛl we na Shialtiɛl in bɔypikin ɛn Jɔshwa we na Jɛozedak in bɔypikin ɛn di bigman fɔ ɔl dɛn man we de mek sakrifays pipul sin wit ɔl di balans pipul obe Papa GƆD we na dɛn PAPA GƆD ɛn du wetin Egay we i sɛn, se, bikɔs dɛn de fred ɛn rɛspɛkt PAPA GƆD.

Egay 1:1

Insay di mɔnt we mek siks, afta we Dariɔs bin dɔn bi kiŋ fɔ tu ia, PAPA GƆD tɔk to Egay na di fɔs de na da mɔnt de. I sɛn Egay to Zerubabɛl we na bin Shialtiɛl in bɔypikin ɛn na gɔvna na Juda. I sɛn am bak to Jɔshwa we na bin di bigman fɔ ɔl dɛn man we de mek sakrifays fɔ pipul sin ɛn na Jɛozedak in bɔypikin.

Jɛrimaya 22:28

Nain a se, dis man, Jɛoiachin, dɔn tɔn broko pɔt, tin we nɔbɔdi nɔ bisin bɔt? Wetindu yu de tot in ɛn in pikin dɛm, trowe dɛm na land we dɛn nɔ no?

Jɛrimaya 22:24

PAPA GƆD se, as lɔŋ as a de alayv, ɔldo na Jɛoiachin, we na Jɛoiakim, kiŋ na Juda in bɔypikin na bin di riŋ na mi an we a de tek sayn, a go stil rut una kɔmɔt na mi an,

Nɛimaya 12:1

Dis na di man dɛn we de mek sakrifays fɔ pipul sin ɛn dɛn Livayt we tɔn bak wit Zɛrubabɛl we na Oyialtiɛl in bɔypikin ɛn wit Jɛshwa: Seraya, Jɛrimaya, Ɛzra,

Ɛzra 5:2

Zɛrubabɛl, dat na Shialtiɛl in bɔypikin ɛn Jɛshwa, dat na Jozadak in yon bɔypikin, bin lisin to wetin di prɔfɛt dɛn bin de se, so dɛn bigin fɔ bil PAPA GƆD in os bak na Jerusɛlɛm. PAPA GƆD in prɔfɛt dɛn bin de wit dɛn fɔ de ɛp dɛn.

2 Kiŋ 25:27

Di ia we mek Jɛoiakim tati-sɛvin ia we dɛn pul am as kiŋ na Juda, na da ia de Bad-Mɛrodak bi kiŋ na Babilɔn ɛn as i bi kiŋ so i pul Jɛoiakim kɔmɔt na Jel. Dis bi di de we mek twɛnti-sɛvin insay di mɔnt we mek twɛlv na di ia.

2 Kiŋ 24:14

Kiŋ Nɛbyukadnɛza kech ɔlman na Jerusɛlɛm kɛr dɛn go na Babilɔn, di ɔfisa dɛn o, di sojaman dɛn o, wit di man dɛnsɛf we sabi mek ats ɛn kraft, na dɛn ɔl i kɛr go na Babilɔn. Na tɛn tawzin man i kɛr. Na dɛn po po wan dɛn nɔmɔ i lɛf na Jerusɛlɛm.

Jɛrimaya 22:30

Na dis PAPA GƆD se: “Rayt an dɔŋ se dis man nɔ gɛt pikin, se na man we nɔ go ɛva bɛtɛ na layf; bikɔs nɔn pan in pikin dɛn nɔ go ɛva sidɔm na Devid in tron, ɛn rul Juda.”

Jɛrimaya 27:20

we Nebyukadnɛza we na kiŋ na Babilɔn, nɔ bin kɛr Jɛkonaya we na Jɛoiakim, kiŋ na Juda in bɔypikin kɔmɔt Jerusɛlɛm, ɛn ɔl di bigman dɛn na Juda ɛn Jerusɛlɛm, go ɛgzayl na Babilɔn–

Matyu 1:11

Josia bɔn Jɛoya kin ɛn ɔda bɔy pikin dɛn we na Jɛoya kin in brɔda dɛn. Josia bin bɔn dɛn pikin ya di tɛm we dɛn bin kɛr di Izrɛl pipul dɛn go Babilɔn go mek dɛn slev.

Matyu 1:13

Zɛrubabɛl bɔn Abiɔd, Abiɔd bɔn Ɛliakim, Ɛliakim bɔn Azɔ,

Matyu 1:17

Na fotin difrɛn jɛnareshɔn (frɔm grampapa papa dɛn to grampikin pikin dɛm) bin de frɔm Ebraam in tɛm sote rich Kiŋ Devid in tɛm, ɛn na fotin bin de frɔm Kiŋ Devid in tɛm sote rich di tɛm we dɛn kɛr di Izrɛl pipul dɛn go Babilɔn go mek dɛn slev, ɛn na fotin bin de frɔm di tɛm we di Izrɛl pipul dɛn bin bi slev na Babilɔn sote di tɛm we Krays bɔn.