Mak 9:50 - Krio Fɔs Oli Baybul

⁵⁰ “Sɔl na gud tin, bɔt if i nɔ gɛt tes igen, wetin fɔ put pan am fɔ mek i gɛt tes? “Una fɔ mek sɔl de na una layf, so dat una ɔl go gɛt wanwɔd ɛn kol at.”

Mak 9:50 Referans Kwoze

Lɛta Fɔ Kɔlɔse 4:6

Wɛn una de tɔk wit pipul, una fɔ tɛl dɛn tin we go mek dɛn gladi fɔ yɛri wetin una de tɔk ɛn we go mek dɛn want fɔ yɛri mɔ, ɛn una fɔ no aw fɔ ansa ɔlman.

Lɛta Fɔ Rom 12:18

Una fɔ du ɔl wetin una ebul fɔ du so dat una kin de kwayɛt wan wit ɔlman.

Matyu 5:13

“Una na di sɔl fɔ di pipul dɛn na di wɔl, bɔt if sɔl dɔn lɔs in tes, wetin go mek i gɛt tes igen? I nɔ go gud fɔ natin, pas fɔ trowe ɛn mek pipul mas am.

Di Ibru Pipul Dɛn 12:14

Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin.

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.

Lɛta Fɔ Filipay 1:27

Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.

Job 6:6

We it nɔ gɛt tes, pɔsin nɔ go ebul it am if i nɔ put sɔl, ɛn na so di wayt pat pan eg sɛf nɔ gɛt tes.

Fɔs Lɛta Fɔ Tɛsalonayka 5:13

Una fɔ rɛspɛkt dɛn ɛn lɛk dɛn fɔ ɔl di wok we dɛn de du. Una nɔ fɔ mek plaba wit una kɔmpin.

Lɛta Fɔ Ɛfisɔs 4:29

Una fɔ lɛf fɔ tɔk bad wɔd, una fɔ de tɔk dɛn wɔd we go ɛp ɔda pipul, so dat wetin una de tɔk go du gud fɔ di pipul dɛn we de yɛri una.

Pita In Fɔs Lɛta 3:8

Di las tin we a gɛt fɔ tɛl una, na fɔ lɛ una ɔl gɛt wanwɔd, ɛn wan at; una fɔ lɛk unasɛf lɛkɛ brɔda ɛn sista, una fɔ gɛt sɔri at fɔ una kɔmpin ɛn una nɔ fɔ de mek prawd pan una kɔmpin.

Jems 1:20

Bikɔs pɔsin we gɛt wam at nɔ go ebul du di gud we Gɔd want mek i du.

Sɛkɛn Lɛta To Timoti 2:22

Nɔ du dɛn tin we dɛn yɔŋ pipul dɛn at kin gi dɛn fɔ du we dɛn nɔba ebul kɔntrol; tray fɔ de du wetin rayt na Gɔd yay, tray fɔ abop pan Gɔd, fɔ lɛk ɔlman ɛn fɔ mek kol at de; yu fɔ tray fɔ de du ɔl dɛn tin ya wit ɔl dɛn pipul we gɛt klin at ɛn we de pre mek di Masta ɛp dɛn.

Lɛta Fɔ Kɔlɔse 3:12

Una na Gɔd yon pipul; we i lɛk una, i pik una fɔ bi in yon pipul. Dat fɔ mek una gɛt sɔri at fɔ una kɔmpin, una fɔ de du gud to una kɔmpin, una nɔ fɔ tink se una bɛtɛ pas ɔda pipul, una nɔ fɔ dil wit ɔda pipul traŋa wan, ɛn una fɔ de bia wit pipul.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Di Sam Dɛm 34:14

I fɔ lɛf fɔ du bad ɔltogɛda ɛn bigin du gud; Du ɔl wetin yu ebul fɔ mek ɔlman gɛt kolat

Mak 9:34

Dɛn nɔ ansa, bikɔs wɛn dɛn bin de kam, dɛn bin de aks dɛn kɔmpin se uswan pan dɛn impɔtant pas dɛn ɔl.

Di Sam Dɛm 133:1

I fayn ɛn i swit wɛn PAPA GƆD in pipul gɛda wit wan at fɔ wɔship am.

Izikɛl 43:24

Yu go prɛzɛnt dɛm bifo PAPA GƆD, ɛn di man dɛn we de mek sakrifays fɔ pipul sin go sprinkul sɔl pan dɛm ɛn ɔfa dɛn fɔ ɔfrin we na fɔ bɔn, to PAPA GƆD.

Mak 9:49

“Faya go mek ɔlman klin lɛkɛ aw sɔl kin mek dɛn tin we dɛn de sakrifays, klin.