Mak 9:32 - Krio Fɔs Oli Baybul

³² Dɛn nɔ bin no wetin Jizɔs min, bɔt dɛn fred fɔ aks am.

Mak 9:32 Referans Kwoze

Lyuk 18:34

Bɔt Jizɔs in lanin bɔy dɛn nɔ bin no wetin Jizɔs de tɔk bɔt bikɔs Gɔd bin ayd di minin.

Lyuk 9:45

Di lanin bɔy dɛn nɔ bin ɔndastand wetin Jizɔs min bikɔs Gɔd bin ayd di minin frɔm dɛn mek dɛn nɔ no yet wetin go bi. Di lanin bɔy dɛn bin fred fɔ aks Jizɔs wetin di wɔd we i tɛl dɛn min.

Lyuk 2:50

Bɔt dɛn nɔ bin ɔndastand wetin i min.

Jɔn 16:19

Jizɔs bin no se di lanin bɔy dɛn bin want aks am kwɛshɔn, so i tɛl dɛn se, “A se, ‘I nɔ go te igen una nɔ go si mi igen, bɔt i nɔ go tu te, afta dat, una go si mi bak’. Na dat una de aks una kɔmpin bɔt?

Jɔn 12:16

Di tɛm we ɔl dis de bi, Jizɔs in lanin bɔy dɛn nɔ bin ɔndastand wetin dat min, bɔt wɛn Gɔd mek Jizɔs rayz frɔm in grev ɛn sho aw i wɔndaful, di lanin bɔy dɛn mɛmba se, dis wɔd we bin rayt na Gɔd in Buk na bin bɔt Jizɔs, ɛn dɛn si se ɔl wetin rayt de, nain bi.

Mak 9:10

Dɛn nɔ tɛl ɛnibɔdi wetin bi, bɔt dɛn bin de aks dɛn kɔmpin wetin Jizɔs min wɛn i se, “Pɔsin we day go rayz frɔm di grev.”

Jɔn 4:27

Wɛn di lanin bɔy dɛn kam bak, dɛn mit Jizɔs ɛn di uman de tɔk. Dɛn wɔnda fɔ si se Jizɔs de tɔk to di uman. Bɔt dɛn nɔn nɔ aks di uman wetin i want mek Jizɔs du fɔ am, ɛn dɛn nɔn nɔ aks Jizɔs wetindu i de tɔk to di uman.

Lyuk 24:45

Jizɔs opin dɛn ed fɔ mek dɛn ɔndastand wetin dɛn rayt na Gɔd in Buk.

Mak 16:14

Wɛn dat dɔn, Jizɔs sho insɛf to in ilɛvin lanin bɔy dɛn wɛn dɛn bin de it. I tɔk pan dɛn fɔ we dɛn nɔ bin biliv lɛkɛ aw dɛn fɔ biliv, ɛn fɔ we dɛn bin traŋayes, ɛn we dɛn nɔ bin biliv dɛn pipul we si am afta i rayz frɔm di grev.

Mak 8:33

Jizɔs luk di lanin bɔy dɛn, i tɔk to Pita, i se, “Pita, kɔmɔt biɛn mi, na Setan in wok yu de du so! Yu de tink lɛkɛ aw mɔtalman de tink, yu nɔ de tink lɛkɛ aw Gɔd de tink.”

Mak 7:18

Jizɔs aks dɛn se, “Una nɔ ɔndastand wetin a tɔk? Nɔto wetin pɔsin de it de mek in at nɔ klin,