Mak 9:31 - Krio Fɔs Oli Baybul

³¹ bikɔs i bin de lan in lanin bɔy dɛn. I se, “Dɛn go ol Mɔtalman Pikin ɛn an am oba gi pipul we go kil am. I go rayz frɔm di grev di de we mek tri.”

Mak 9:31 Referans Kwoze

Matyu 16:21

Frɔm dat tɛm de, Jizɔs bigin tɛl in lanin bɔy dɛn plen wan se, in gɛt fɔ go Jerusɛlɛm, ɛn di bigman dɛn we de mek sakrifays fɔ pipul sin, di ɔda Ju bigman dɛn, ɛn di Ju Lɔ ticha dɛn go mek i sɔfa plɛnti. Dɛn go mek pipul kil am, bɔt in go rayz frɔm di grev di de we mek tri.

Mak 9:12

Jizɔs ansa se, “Ilayja mɔs kam ɛn rɛdi ɔltin. Bɔt wetindu dɛn rayt na Gɔd in Buk se Mɔtalman Pikin go sɔfa plɛnti ɛn pipul nɔ go tek am mek natin?

Mak 8:31

I tɛl dɛn se, “Mɔtalman Pikin go sɔfa plɛnti. Di Ju bigman dɛn, di bigman dɛn we de mek sakrifays fɔ pipul sin, ɛn di Ju Lɔ ticha dɛn go se dɛn nɔ no am ɛn dɛn go kil am. I go de na di grev, bɔt i go rayz di de we mek tri.”

Lyuk 24:26

Una nɔ no se di Mɛsaya bin fɔ sɔfa dɛn tin ya fɔ mek i go ɛvin go gɛt ɔna?”

Matyu 26:2

“Una no se i lɛf tu de fɔ mek di Pasova ɔlide kam, ɛn dɛn go an ova Mɔtalman Pikin gi pipul we go nel am pan di krɔs.”

Matyu 20:28

una fɔ tan lɛkɛ Mɔtalman Pikin, we nɔ kam fɔ mek mɔtalman bi in savant, bɔt i kam fɔ bi dɛn savant ɛn fɔ gi in layf fɔ sev plɛnti plɛnti pipul.”

Sɛkɛn Lɛta To Timoti 2:12

If wi nɔ lɛf fɔ bia, wi go rul wit am. If wi se wi nɔ no am, insɛf go se in nɔ no wi.

Jɔn 10:18

Nɔbɔdi nɔ go kil mi pas a gri. Na misɛf sɛf gri fɔ mek dɛn kil mi. A gɛt di pawa fɔ sakrifays mi layf ɛn a gɛt di pawa fɔ tek am bak. Na dat mi Papa tɛl mi fɔ du ɛn i gi mi di pawa fɔ du am.”

Jɔn 3:14

Lɛkɛ aw Mozis bin es da ayɛn snek ɔp pan tik na di dɛzat, na semwe so dɛn go gɛt fɔ es Mɔtalman Pikin ɔp.

Jɔn 2:19

Jizɔs ansa dɛn se, “If una ib Gɔd in Os we de na ya dɔŋ, a go tek tri de fɔ bil am bak.”

Lyuk 9:44

“A want mek una lisin gud wetin a de kam tɛl una. Una nɔ fɔgɛt am! Dɛn go an ova Mɔtalman Pikin gi sɔm pipul.”

Matyu 27:63

Dɛn se, “Sa, wi dɔn mɛmba se, wɛn da layman bin de wit wi, i bin se afta tri de i go rayz frɔm di grev.

Mak 10:34

Di pipul dɛn go masaka am, dɛn go pit pan am ɛn kil am, bɔt i go rayz frɔm di grev di de we mek tri.”