Mak 9:26 - Krio Fɔs Oli Baybul

²⁶ Di dɛbul mek di bɔbɔ ala big wan, dɔn i wap am dɔŋ na grɔn wit fiks bifo i kɔmɔt insay am. Di bɔbɔ ledɔm na grɔn lɛkɛ dayman ɛn plɛnti pipul tɔk se i dɔn day.

Mak 9:26 Referans Kwoze

Mak 9:20

Wɛn dɛn de kɛr am go to Jizɔs, di dɛbul wap am dɔŋ wit fiks wɛn i si Jizɔs. Di bɔbɔ fɔdɔm na grɔn, i bigin rol rol ɛn pul frɔsh nain mɔt.

Mak 1:26

Di dɛbul wap di man dɔŋ, i ala big wan, dɔn i kɔmɔt insay di man.

Rɛvɛleshɔn 12:12

So mek gladi de na ɛvin, mek ɔl dɛn wan we lib de gladi! Bɔt bad bad tin dɔn fɔdɔm pan di grɔn ɛn di wata bikɔs di Dɛbul dɔn kam dɔŋ to una ɛn i vɛks bad bikɔs i no se na smɔl tɛm nɔmɔ lɛf fɔ am.”

Mak 9:18

Ɛnitɛm we di dɛbul kin kam pan am, i kin wap am dɔŋ na grɔn, frɔsh kin de kɔmɔt nain mɔt, i kin de cham in tit ɛn in bɔdi kin stif. A bin beg yu lanin bɔy dɛn fɔ drɛb di dɛbul, bɔt dɛn nɔ bin ebul drɛb am.”

Ɛksodɔs 5:23

Frɔm di tɛm we a tɛl di kiŋ yu mɛsej nain i bigin fɔ trit dɛn pipul ya bad bad wan, ɛn yu nɔ du natin bɔt dat.”

Matyu 15:22

Wan Kenan uman, we bin kɔmɔt na wan ples we bin de klos Taya ɛn Saydɔn, kam mit Jizɔs ɛn se, “Masta, yu we na Devid in pikin, sɔri fɔ mi! Mi gyal pikin sik bad bikɔs dɛbul de tɔmɛnt am.”

Mak 9:25

Wɛn Jizɔs si se mɔ ɛn mɔ pipul de rɔn kam gɛda rawnd dɛn, i tɔk pan di dɛbul; i se, “Yu dɛbul we de mek pɔsin tɔn mumu, ɛn mek pɔsin dɛf, a de tɛl yu fɔ kɔmɔt insay dis bɔbɔ, ɛn nɔ fɔ go insay am igen!”

Mak 9:27

Bɔt Jizɔs ol di bɔbɔ in an ɛn ɛp am fɔ grap, di bɔbɔ tinap.