Mak 9:25 - Krio Fɔs Oli Baybul

²⁵ Wɛn Jizɔs si se mɔ ɛn mɔ pipul de rɔn kam gɛda rawnd dɛn, i tɔk pan di dɛbul; i se, “Yu dɛbul we de mek pɔsin tɔn mumu, ɛn mek pɔsin dɛf, a de tɛl yu fɔ kɔmɔt insay dis bɔbɔ, ɛn nɔ fɔ go insay am igen!”

Mak 9:25 Referans Kwoze

Apɔsul Dɛn Wok 16:18

Di titi kin de du dis sem tin ɛvri de. I du am sote Pɔl tɔmɛnt. Pɔl tɔn to di slev titi ɛn tɛl di dɛbul we bin de insay am se, “Dɛbul, bay Jizɔs Krays in pawa, kɔmɔt insay dis titi ya!” Da sem tɛm de, di dɛbul kɔmɔt insay am.

Lyuk 9:42

As di pikin de kam to Jizɔs, nain di dɛbul wap di pikin dɔŋ na grɔn wit fiks. Jizɔs drɛb di dɛbul kɔmɔt pan am, i an am gi in papa bak.

Mak 9:15

Wɛn di pipul dɛn si Jizɔs, dɛn ɔl wɔnda bad, dɛn rɔn go mit am ɛn tɛl am kabɔ.

Matyu 17:18

Jizɔs tɔk pan di dɛbul we bin de tɔmɛnt di bɔbɔ, so di dɛbul lɛf di bɔbɔ. Da sem tɛm de di bɔbɔ wɛl.

Jud In Lɛta 1:9

Maykɛl sɛf we na dɛn enjɛl dɛn chif, wɛn in ɛn Setan bin de agyu bɔt uswan pan dɛn tu fɔ gɛt Mozis bɔdi, i nɔ kɔs Setan wɛn i de tɛl am se wetin i de du nɔ rayt, bifo dat, i tɛl am se, “Mek Gɔd tɔk pan yu!”

Lyuk 11:14

Jizɔs bin de drɛb di dɛbul we mek wan man mumu kɔmɔt insay di man. As di dɛbul kɔmɔt insay di man so, di man bigin tɔk; dat mek di pipul dɛn ɔl wɔnda.

Lyuk 8:29

Di man tɔk so bikɔs Jizɔs bin dɔn tɛl di dɛbul we bin de insay am fɔ kɔmɔt insay am. Plɛnti tɛm di dɛbul kin fos di man fɔ rɔnawe go na ples we pipul nɔ de. Ilɛk aw dɛn tay in fut ɛn in an dɛn wit ayɛn chen ɛn gyad am, i kin kɔt di chen dɛn ɛn di dɛbul kin mek i rɔnawe.

Lyuk 4:41

Dɛbul dɛn bin kɔmɔt pan plɛnti pipul ɛn ala se, “Fɔ tru, yu na Gɔd in Pikin.” Jizɔs tɔk pan di dɛbul dɛn fɔ mek dɛn sɛt mɔt ɛn i nɔ gri mek dɛn tɔk natin, bikɔs dɛn bin no se in na di Mɛsaya.

Lyuk 4:35

Jizɔs tɔk pan di dɛbul. I se, “Lɛf fɔ tɔk ɛn kɔmɔt insay dis man!” Di dɛbul ib di man na grɔn bifo di pipul dɛn ɛn kɔmɔt insay am, bɔt i nɔ du di man natin.

Zɛkaraya 3:2

PAPA GƆD tɔk traŋa wan fɔ mek Setan kɔmɔt bifo am. I tɛl am se, nain dɔn pik Jerusɛlɛm, so lɛ i kɔmɔt bifo am. I se if Jerusɛlɛm nɔto lɛk rɛd rɛd ayɛn we dɛn pul na faya.

Matyu 12:22

Sɔm pipul dɛn briŋ wan blɛnyay ɛn mumu man kam mit Jizɔs. Di man bin blɛn ɛn na bin mumu bikɔs dɛbul bin de insay am. Jizɔs mɛn am ɛn di man ebul fɔ tɔk ɛn si.

Mak 9:24

Di pikin in papa ala wantɛm se, “A biliv, sa, duya, ɛp mi fɔ biliv mɔ ɛn mɔ!”

Mak 9:26

Di dɛbul mek di bɔbɔ ala big wan, dɔn i wap am dɔŋ na grɔn wit fiks bifo i kɔmɔt insay am. Di bɔbɔ ledɔm na grɔn lɛkɛ dayman ɛn plɛnti pipul tɔk se i dɔn day.