Mak 9:24 - Krio Fɔs Oli Baybul

²⁴ Di pikin in papa ala wantɛm se, “A biliv, sa, duya, ɛp mi fɔ biliv mɔ ɛn mɔ!”

Mak 9:24 Referans Kwoze

Lyuk 17:5

Jizɔs in apɔsul dɛn tɛl am se, “Masta, duya, ɛp wi, mek wi go biliv Gɔd gud gud.”

Di Ibru Pipul Dɛn 12:2

Una lɛ wi luk ɔp to Jizɔs ɔltɛm bikɔs nain de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul.

Lɛta Fɔ Ɛfisɔs 2:8

Nɔto una sev unasɛf, bɔt na bikɔs una biliv pan Jizɔs Krays mek, we Gɔd lɛk una wit lɛk we una nɔ fit fɔ gɛt, i sev una.

Sɛkɛn Lɛta Fɔ Tɛsalonayka 1:11

Na dat mek wi de pre fɔ una ɔltɛm. Wi de pre to wi Gɔd mek i mek una fit fɔ liv di layf we i kɔl una fɔ liv. Bikɔs Gɔd gɛt pawa fɔ du so, lɛ i mek una ebul fɔ du ɔl di gud we una want fɔ du, ɛn dɔn ɔl dɛn tin we una bin de du bikɔs una biliv pan am.

Sɛkɛn Lɛta Fɔ Tɛsalonayka 1:3

Mi Kristiɛn pipul dɛn, wi de tɛl Gɔd tɛnki ɔltɛm fɔ una. Wetin wi de du so na di rayt tin, bikɔs una de biliv pan Krays mɔ ɛn mɔ ɛn una de lɛk una kɔmpin dɛn mɔ ɛn mɔ.

Lɛta Fɔ Filipay 1:29

Na Gɔd insɛf gi una dis wɔndaful chans fɔ biliv pan Krays ɛn fɔ sɔfa fɔseka am.

Di Sam Dɛm 126:5

Pɔsin we kray we i de plant sid go gladi we di tɛm rich fɔ avɛst.

2 Kɔrint 2:4

Wɛn a bin de rayt to una, mi at bin ebi ɛn a bin de wɔri bad; a bin de kray sɛf; bɔt nɔto fɔ mek una sɔri, na fɔ mek una no aw a lɛk una ɔl.

Di Ibru Pipul Dɛn 5:7

Wɛn Jizɔs bin de na dis wɔl, i ala lawd ɛn kray wɛn i de pre to Gɔd we ebul sev am, mek i nɔ day. Gɔd yɛri di pre we Jizɔs bin pre bikɔs Jizɔs bin gri fɔ du ɔl wetin Gɔd want am fɔ du.

Apɔsul Dɛn Wok 10:31

Di man se, ‘Kɔnilyɔs, Gɔd dɔn yɛri di pre we yu de pre ɛn i dɔn si du gud wok we yu dɔn du fɔ dɛn po pipul. I dɔn ansa yu.

Jɛrimaya 14:17

“Yu go tɛl dɛm se: ‘Lɛ wata rɔn mi yay de ɛn nɛt, ɛn lɛ dɛn nɔ tap, bikɔs dɛn dɔn wund mi pipul dɛn gyal pikin we na vajin bad bad wan we dɛn wap am at at wan.

Sɛkɛn Lɛta To Timoti 1:4

A mɛmba we yu bin de kray di tɛm we a bin lɛf yu, ɛn a want si yu bad, so dat mi at go gladi.

Lyuk 7:44

Jizɔs luk to di uman in pat wɛn i stil de tɔk to Saymɔn. I se, “Yu si wetin dis uman de du fɔ mi, nɔto so? A kam na yu os, yu nɔ gi mi wata sɛf fɔ was mi fut, bɔt dis uman ya dɔn kray pan mi fut te dɛn dɔn sok ɛn nain ia i tek wep dɛn.

Lyuk 7:38

Di uman go butu klos Jizɔs in fut ɛn bigin kray bita wan saful saful. Di wata we kɔmɔt nain yay sok Jizɔs in fut. I tek in ia wep Jizɔs in fut, dɔn i kis Jizɔs in fut fɔ sho se in rɛspɛkt am, dɔn i tek di sɛnt na di bɔtul ɛn rɔb ɔl na Jizɔs in fut.

Di Sam Dɛm 39:12

“PAPA GƆD, yɛri mi prea, nɔ mek dɛfyes we a de kray to yu fɔ ɛp mi. Mi na yu trenja lɛkɛ aw mi fɔstɛm pipul bin bi trenja.

2 Kiŋ 20:5

“Go bak go tɛl Ɛzikaya we de lid mi pipul dɛn se, mi PAPA GƆD we nain Papa Devid in PAPA GƆD se, a dɔn yɛri in prea ɛn si di kray we i kray, so a go mek i wɛl. Tri de frɔm tide, lɛ i grap go ɔp na mi os.

2 Samiɛl 16:12

I se sɔntɛm sɛf na dat go mek PAPA GƆD du gud to am fɔseka di kɔs we Shimɛay de kɔs am.

Di Ibru Pipul Dɛn 12:17

Una no se wɛn Isɔ bin want mek in papa blɛs am, in papa nɔ blɛs am. Chans nɔ bin de igen fɔ mek di papa chenj wetin i bin dɔn du, pan ɔl we Isɔ kray fɔ gɛt di blɛsin.

Apɔsul Dɛn Wok 10:19

Di tin we Gɔd sho Pita bin mek Pita de wɔnda stil ɛn i bin stil want fɔ no wetin dat min, nain Gɔd in Spirit tɛl am se, “Tri man dɛn de luk fɔ yu.

Mak 9:23

Jizɔs aks di man se, “Wetin du yu aks mi if a ebul mɛn yu pikin? Pɔsin we biliv pan Gɔd ebul fɔ du ɛnitin.”

Mak 9:25

Wɛn Jizɔs si se mɔ ɛn mɔ pipul de rɔn kam gɛda rawnd dɛn, i tɔk pan di dɛbul; i se, “Yu dɛbul we de mek pɔsin tɔn mumu, ɛn mek pɔsin dɛf, a de tɛl yu fɔ kɔmɔt insay dis bɔbɔ, ɛn nɔ fɔ go insay am igen!”