Mak 9:23 - Krio Fɔs Oli Baybul

²³ Jizɔs aks di man se, “Wetin du yu aks mi if a ebul mɛn yu pikin? Pɔsin we biliv pan Gɔd ebul fɔ du ɛnitin.”

Mak 9:23 Referans Kwoze

Jɔn 11:40

Jizɔs aks Mata se, “A nɔ bin tɛl yu se, yu go si Gɔd in pawa, if yu biliv pan mi?”

Di Ibru Pipul Dɛn 11:6

If pɔsin nɔ biliv Gɔd, i nɔ go ebul pliz am. Pɔsin lɛkɛ dat nɔ go kam klos Gɔd pas i biliv se Gɔd de ɛn i de du gud to dɛn pipul we de pre to am ɔltɛm.

Mak 11:23

A de tɛl una se, if ɛnibɔdi tɛl dis mawnten fɔ kɔmɔt na ya ɛn go na di si, ɛn di pɔsin nɔ dawt se wetin i tɔk go bi, bɔt i biliv se wetin i tɔk go bi, na so i go bi.

Matyu 17:20

Jizɔs ansa dɛn se, “Na we una nɔ biliv Gɔd gud wan. A de tɛl una se, if una biliv, ilɛk di biliv we una biliv smɔl lɛkɛ mɔstad sid, una kin tɛl dis mawnten se, ‘Kɔmɔt na ya, go yanda!’ Ɛn i go bi. Ɛn natin nɔ de we una nɔ go ebul du! [

2 Kronikuls 20:20

So dɛn grap ali mɔnin ɛn go na di ples we pɔsin nɔ go ebul tap na Tɛkoa; ɛn we dɛn bin de go, Jɛoshafat tinap ɛn tɔk se, “Una lisin mi una we de na Juda ɛn Jerusɛlɛm! Biliv PAPA GƆD we na una Gɔd, ɛn una go tinap traŋa; biliv in prɔfɛt dɛm ɛn una go sɔksid.”

Lyuk 17:6

Jizɔs ansa dɛn se, “If una biliv, ilɛk di biliv we una biliv tan lɛkɛ wan lili sid lɛkɛ mɔstad sid, una kin tɛl ɛni big tik se, ‘Kɔmɔt na ya go tinap na wata’ ɛn i go muf go na di wata.

Apɔsul Dɛn Wok 14:9

I bin sidɔm de lisin we Pɔl de tɔk. Pɔl bin no se di man biliv se Gɔd go mek i wɛl, so i luk di man pim,

Mak 9:22

Ɛn plɛnti tɛm di dɛbul kin mek i fɔdɔm na faya ɛn insay wata fɔ kil am. If yu ebul fɔ ɛp wi, duya, sɔri fɔ wi ɛn ɛp wi, sa.”

Mak 9:24

Di pikin in papa ala wantɛm se, “A biliv, sa, duya, ɛp mi fɔ biliv mɔ ɛn mɔ!”

Matyu 14:29

Jizɔs se, “Kam!” So Pita kɔmɔt insay di bot ɛn bigin waka pantap di wata fɔ go mit Jizɔs.