Mak 9:22 - Krio Fɔs Oli Baybul

²² Ɛn plɛnti tɛm di dɛbul kin mek i fɔdɔm na faya ɛn insay wata fɔ kil am. If yu ebul fɔ ɛp wi, duya, sɔri fɔ wi ɛn ɛp wi, sa.”

Mak 9:22 Referans Kwoze

Lyuk 7:13

Wɛn di Masta si di uman, i sɔri fɔ am, i se, “Nɔ kray ya!”

Mak 5:19

Bɔt Jizɔs nɔ gri, i se, “Go na yu os to yu pipul dɛn, ɛn tɛl dɛn wetin di Masta dɔn du fɔ yu ɛn aw i dɔn sɔri fɔ yu.”

Matyu 20:34

Jizɔs sɔri fɔ dɛn, i tɔch dɛn yay; dɛn si wantɛm, ɛn dɛn fala am.

Matyu 14:31

Jizɔs tret in an ɛn ol Pita wantɛm. I aks Pita se, “Yu nɔ biliv mi? Wetin mek yu dawt?”

Matyu 9:28

Wɛn Jizɔs go insay wan os, di blɛnyay man dɛn go mit am, nain i aks dɛn se, “Una biliv se a ebul fɔ mɛn una?” Dɛn ansa se, “Yɛs, sa.”

Matyu 8:2

Wan man we bin gɛt bad sik nain skin, kam nil dɔŋ bifo Jizɔs ɛn se, “Masta, if yu gri fɔ mɛn mi, yu ebul mɛn mi ɛn mek a klin.”

Matyu 17:15

“Masta, duya, sɔri fɔ mi pikin we gɛt fiks, i so bad pan am dat i kin de fɔdɔm na faya ɛn wata.

Mak 9:21

Jizɔs aks di bɔbɔ in papa se, “Frɔm ustɛm di dɛbul kam insay yu pikin?” Di man se, “Frɔm we i smɔl.

Mak 9:23

Jizɔs aks di man se, “Wetin du yu aks mi if a ebul mɛn yu pikin? Pɔsin we biliv pan Gɔd ebul fɔ du ɛnitin.”