Mak 9:20 - Krio Fɔs Oli Baybul

²⁰ Wɛn dɛn de kɛr am go to Jizɔs, di dɛbul wap am dɔŋ wit fiks wɛn i si Jizɔs. Di bɔbɔ fɔdɔm na grɔn, i bigin rol rol ɛn pul frɔsh nain mɔt.

Mak 9:20 Referans Kwoze

Mak 1:26

Di dɛbul wap di man dɔŋ, i ala big wan, dɔn i kɔmɔt insay di man.

Lyuk 4:35

Jizɔs tɔk pan di dɛbul. I se, “Lɛf fɔ tɔk ɛn kɔmɔt insay dis man!” Di dɛbul ib di man na grɔn bifo di pipul dɛn ɛn kɔmɔt insay am, bɔt i nɔ du di man natin.

Pita In Fɔs Lɛta 5:8

Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Lyuk 9:42

As di pikin de kam to Jizɔs, nain di dɛbul wap di pikin dɔŋ na grɔn wit fiks. Jizɔs drɛb di dɛbul kɔmɔt pan am, i an am gi in papa bak.

Lyuk 8:29

Di man tɔk so bikɔs Jizɔs bin dɔn tɛl di dɛbul we bin de insay am fɔ kɔmɔt insay am. Plɛnti tɛm di dɛbul kin fos di man fɔ rɔnawe go na ples we pipul nɔ de. Ilɛk aw dɛn tay in fut ɛn in an dɛn wit ayɛn chen ɛn gyad am, i kin kɔt di chen dɛn ɛn di dɛbul kin mek i rɔnawe.

Mak 9:26

Di dɛbul mek di bɔbɔ ala big wan, dɔn i wap am dɔŋ na grɔn wit fiks bifo i kɔmɔt insay am. Di bɔbɔ ledɔm na grɔn lɛkɛ dayman ɛn plɛnti pipul tɔk se i dɔn day.

Mak 9:18

Ɛnitɛm we di dɛbul kin kam pan am, i kin wap am dɔŋ na grɔn, frɔsh kin de kɔmɔt nain mɔt, i kin de cham in tit ɛn in bɔdi kin stif. A bin beg yu lanin bɔy dɛn fɔ drɛb di dɛbul, bɔt dɛn nɔ bin ebul drɛb am.”

Mak 9:19

Jizɔs se, “Una dɛn tide pipul ya, una nɔ biliv, aw lɔŋ una want mek a de wit una bifo una go biliv? Aw lɔŋ a fɔ bia wit una? Una briŋ di bɔbɔ kam to mi!” Dɛn kɛr di bɔbɔ go to Jizɔs.

Mak 9:21

Jizɔs aks di bɔbɔ in papa se, “Frɔm ustɛm di dɛbul kam insay yu pikin?” Di man se, “Frɔm we i smɔl.

Lyuk 9:39

Dɛbul kin kam pan am ɛn i kin ala wantɛm. Di dɛbul kin mek di pikin gɛt fiks so i kin fɔdɔm ɛn frɔsh kin de kɔmɔt nain mɔt, dɔn i kin de fɛt fɛt na grɔn. I kin at fɔ mek di dɛbul lɛf am.