Mak 9:19 - Krio Fɔs Oli Baybul

¹⁹ Jizɔs se, “Una dɛn tide pipul ya, una nɔ biliv, aw lɔŋ una want mek a de wit una bifo una go biliv? Aw lɔŋ a fɔ bia wit una? Una briŋ di bɔbɔ kam to mi!” Dɛn kɛr di bɔbɔ go to Jizɔs.

Mak 9:19 Referans Kwoze

Di Nɔmba Dɛm 14:11

PAPA GƆD tɔk to Mozis. I se, “Dɛn pipul ya jɛs de trit mi ɛniaw. Dɛn nɔ de gri fɔ biliv mi pan ɔl di wɔnda we a dɔn ple, we dɛn dɔn si.

Jɔn 20:27

Dɛn Jizɔs tɔn to Tɔmɔs ɛn se, “Tek yu fiŋa tɔch mi tu an dɛn ɛn luk dɛn gud. Dɛn, tret yu an put am insay mi sayd. Lɛf fɔ dawt, biliv!”

Mak 16:14

Wɛn dat dɔn, Jizɔs sho insɛf to in ilɛvin lanin bɔy dɛn wɛn dɛn bin de it. I tɔk pan dɛn fɔ we dɛn nɔ bin biliv lɛkɛ aw dɛn fɔ biliv, ɛn fɔ we dɛn bin traŋayes, ɛn we dɛn nɔ bin biliv dɛn pipul we si am afta i rayz frɔm di grev.

Di Nɔmba Dɛm 14:27

I se, “Dis kɔmyuniti so bad, dɛn jɛs de grɔmbul pan mi. A dɔn gens fɔ yɛri ɔl di tin dɛn we dɛn de grɔmbul.

Lyuk 24:25

Jizɔs tɛl dɛn se, “Una nɔ gɛt sɛns, una at fɔ biliv ɔl wetin dɛn prɔfɛt bin dɔn tɔk!

Lyuk 9:41

Jizɔs se, “Una dɛn tide pipul ya, una nɔ biliv ɛn una traŋayes! Aw lɔŋ una want fɔ mek a de wit una ɛn bia wit una?” I tɛl di man mek i briŋ in pikin kam.

Matyu 17:17

Jizɔs se, “Una dɛn tide pipul ya nɔ biliv mi ɛn una traŋayes. Aw lɔŋ a go de wit una? Aw lɔŋ a fɔ bia wit una? Briŋ di pikin kam to mi.”

Ditarɔnɔmi 32:20

I se in nɔ go ɛp dɛn igen ɛn i go si if dɛn go de lɛkɛ aw dɛn bin de we in bin de du fɔ dɛn, bikɔs dɛn na traŋayes pipul dɛn we nɔ de waka tret.

Di Nɔmba Dɛm 14:22

nɔn pan di man dɛn we si ɔl di wɔnda we a ple na Ijipt ɛn na di ɛmti land we pɔsin nɔ go ebul tap bɔt we stil nɔ obe mi, bɔt de tɛst mi pawa bɔku bɔku tɛm,

Jɔn 12:27

“Mi at wɔri naw, ɛn wetin a go se? Mek a se, ‘Papa, duya, nɔ mek da awa de mit mi?’ Bɔt na dat mek a kam na wɔl, a kam na wɔl fɔ sɔfa lɛkɛ aw a go sɔfa.

Di Sam Dɛm 78:22

fɔ we dɛn nɔ biliv am ɛn abop se i go sev dɛn.

Mak 9:18

Ɛnitɛm we di dɛbul kin kam pan am, i kin wap am dɔŋ na grɔn, frɔsh kin de kɔmɔt nain mɔt, i kin de cham in tit ɛn in bɔdi kin stif. A bin beg yu lanin bɔy dɛn fɔ drɛb di dɛbul, bɔt dɛn nɔ bin ebul drɛb am.”

Mak 9:20

Wɛn dɛn de kɛr am go to Jizɔs, di dɛbul wap am dɔŋ wit fiks wɛn i si Jizɔs. Di bɔbɔ fɔdɔm na grɔn, i bigin rol rol ɛn pul frɔsh nain mɔt.