Mak 9:18 - Krio Fɔs Oli Baybul

¹⁸ Ɛnitɛm we di dɛbul kin kam pan am, i kin wap am dɔŋ na grɔn, frɔsh kin de kɔmɔt nain mɔt, i kin de cham in tit ɛn in bɔdi kin stif. A bin beg yu lanin bɔy dɛn fɔ drɛb di dɛbul, bɔt dɛn nɔ bin ebul drɛb am.”

Mak 9:18 Referans Kwoze

Mak 11:23

A de tɛl una se, if ɛnibɔdi tɛl dis mawnten fɔ kɔmɔt na ya ɛn go na di si, ɛn di pɔsin nɔ dawt se wetin i tɔk go bi, bɔt i biliv se wetin i tɔk go bi, na so i go bi.

Mak 9:26

Di dɛbul mek di bɔbɔ ala big wan, dɔn i wap am dɔŋ na grɔn wit fiks bifo i kɔmɔt insay am. Di bɔbɔ ledɔm na grɔn lɛkɛ dayman ɛn plɛnti pipul tɔk se i dɔn day.

Mak 9:20

Wɛn dɛn de kɛr am go to Jizɔs, di dɛbul wap am dɔŋ wit fiks wɛn i si Jizɔs. Di bɔbɔ fɔdɔm na grɔn, i bigin rol rol ɛn pul frɔsh nain mɔt.

Matyu 17:16

A briŋ di pikin kam to yu lanin bɔy dɛn, bɔt dɛn nɔ ebul mɛn am.”

Apɔsul Dɛn Wok 7:54

Wɛn dɛn bigman na di Ju gran kot yɛri wetin Stivin tɔk, dɛn vɛks bad.

Di Sam Dɛm 112:10

Di bad man go si ɔl dis ɛn i go vɛks. I go wan kil insɛf wit vɛksteshɔn. Ɔl wetin i abop pan na fɔ natin.

Jud In Lɛta 1:13

Dɛn disgres de sho lɛkɛ frɔsh we de lɛf biɛn wɛn dɛn big swɛlin fɔdɔm na sho; dɛn tan lɛkɛ dɛn big sta we nɔ de sidɔm na wan ples na di klawd, Gɔd dɔn kip dak dak ples fɔ put dɛn pipul ya sote go.

Matyu 15:22

Wan Kenan uman, we bin kɔmɔt na wan ples we bin de klos Taya ɛn Saydɔn, kam mit Jizɔs ɛn se, “Masta, yu we na Devid in pikin, sɔri fɔ mi! Mi gyal pikin sik bad bikɔs dɛbul de tɔmɛnt am.”

Matyu 8:12

Bɔt Gɔd go sɛn dɛn wan we bin fɔ de na di ples we i de rul, go ɛl, ɛn dɛn go kray bita wan ɛn bɛt dɛn tɔŋ.”

Job 16:9

I chɛr chɛr mi lɛk aw dɛn wayl animal kin chɛr chɛr bif we dɛn kin kech, i et mi; i de luk mi lɛk i et mi; i de luk mi at at wan.

Mak 9:17

Wan pɔsin na di krawd se, “Ticha, a briŋ mi bɔy pikin we dɛbul dɔn tɔn mumu kam to yu.

Mak 9:19

Jizɔs se, “Una dɛn tide pipul ya, una nɔ biliv, aw lɔŋ una want mek a de wit una bifo una go biliv? Aw lɔŋ a fɔ bia wit una? Una briŋ di bɔbɔ kam to mi!” Dɛn kɛr di bɔbɔ go to Jizɔs.