Mak 9:17 - Krio Fɔs Oli Baybul

¹⁷ Wan pɔsin na di krawd se, “Ticha, a briŋ mi bɔy pikin we dɛbul dɔn tɔn mumu kam to yu.

Mak 9:17 Referans Kwoze

Lyuk 11:14

Jizɔs bin de drɛb di dɛbul we mek wan man mumu kɔmɔt insay di man. As di dɛbul kɔmɔt insay di man so, di man bigin tɔk; dat mek di pipul dɛn ɔl wɔnda.

Mak 9:25

Wɛn Jizɔs si se mɔ ɛn mɔ pipul de rɔn kam gɛda rawnd dɛn, i tɔk pan di dɛbul; i se, “Yu dɛbul we de mek pɔsin tɔn mumu, ɛn mek pɔsin dɛf, a de tɛl yu fɔ kɔmɔt insay dis bɔbɔ, ɛn nɔ fɔ go insay am igen!”

Jɔn 4:47

Wɛn di ɔfisa yɛri se Jizɔs dɔn kɔmɔt Judia kam na Galili, i go mit Jizɔs ɛn beg am fɔ go mɛn in pikin we bin dɔn niali day na Kepanyɔm.

Lyuk 9:38

Wan pan di man dɛn we go mit Jizɔs bigin ala se, “Masta, a beg yu kam luk mi pikin, nain wangren a gɛt!

Mak 10:13

Sɔm pipul bin kɛr dɛn pikin go to Jizɔs fɔ mek i put an pan dɛn ed ɛn blɛs dɛn, bɔt in lanin bɔy dɛn tɛl di pipul dɛn nɔ fɔ ambɔg Jizɔs.

Mak 7:26

Di uman bin de tɔk Grik, bɔt in trayb na bin Sayrofonishian. I beg Jizɔs fɔ drɛb di dɛbul kɔmɔt insay in pikin.

Mak 5:23

I beg am se, “Masta, mi gyal pikin de day, duya, kam put yu an pan in ed ɛn pre fɔ am mek i nɔ day.”

Matyu 17:15

“Masta, duya, sɔri fɔ mi pikin we gɛt fiks, i so bad pan am dat i kin de fɔdɔm na faya ɛn wata.

Matyu 12:22

Sɔm pipul dɛn briŋ wan blɛnyay ɛn mumu man kam mit Jizɔs. Di man bin blɛn ɛn na bin mumu bikɔs dɛbul bin de insay am. Jizɔs mɛn am ɛn di man ebul fɔ tɔk ɛn si.

Matyu 9:32

Jɛs di tu man dɛn we bin blɛn, de go, nain sɔm pipul briŋ wan mumu man, we dɛbul de insay, kam to Jizɔs.

Mak 9:16

Jizɔs aks dɛn se, “Wetin una bin de tɔk wit di lanin bɔy dɛn?”

Mak 9:18

Ɛnitɛm we di dɛbul kin kam pan am, i kin wap am dɔŋ na grɔn, frɔsh kin de kɔmɔt nain mɔt, i kin de cham in tit ɛn in bɔdi kin stif. A bin beg yu lanin bɔy dɛn fɔ drɛb di dɛbul, bɔt dɛn nɔ bin ebul drɛb am.”