Mak 8:38 - Krio Fɔs Oli Baybul

³⁸ If ɛnibɔdi de shem fɔ tɔk bɔt mi ɛn wetin a dɔn lan am, tɛm lɛkɛ dis we pipul nɔ biliv Gɔd ɛn dɛn wikɛd, Mɔtalman Pikin go shem fɔ da pɔsin de wɛn i kam lɛkɛ Kiŋ ɛn layt we kɔmɔt ɛvin de shayn pan am wit di enjɛl dɛn; di sem layt we de shayn pan in Papa Gɔd.”

Mak 8:38 Referans Kwoze

Lɛta Fɔ Rom 1:16

A abop pan di Gud Nyuz wit ɔl mi at. Di Gud Nyuz na di pawa we Gɔd de tek sev ɔl dɛn pipul we biliv pan Jizɔs Krays. Dɛn Ju pipul we dɛn bin dɔn tɛl di Gud Nyuz fɔs ɛn dɛn pipul we nɔto Ju, dɛn ɔl go sev if dɛn biliv pan Jizɔs Krays.

Jɔn In Fɔs Lɛta 2:23

Ɛni bɔdi we nɔ want fɔ gɛt ɛnitin fɔ du wit Gɔd in Pikin, nɔ want fɔ gɛt ɛnitin fɔ du wit Gɔd we na di Papa; bɔt ɛni bɔdi we gri fɔ waka wit Gɔd in Pikin, dɔn gri fɔ waka wit Gɔd we na di Papa.

Jems 4:4

Una tan lɛkɛ uman we nɔ tret wit in man! Una nɔ no se wɛn una lɛk dɛn tin we de na wɔl, dat go mek una nɔ lɛk Gɔd? Ɛnibɔdi we want dɛn tin na wɔl dɔn bi pɔsin we nɔ lɛk Gɔd.

Lyuk 9:26

If ɛnibɔdi de shem fɔ tɔk bɔt mi ɛn wetin a dɔn lan am, Mɔtalman Pikin go shem fɔ da pɔsin de wɛn i kam lɛkɛ Kiŋ ɛn layt we kɔmɔt ɛvin de shayn pan am; di sem layt we de shayn pan in Papa Gɔd, ɛn pan di enjɛl dɛn.

Sɛkɛn Lɛta To Timoti 1:8

So yu nɔ fɔ fred fɔ tɔk bɔt wi Masta in wok; ɛn yu nɔ fɔ shem fɔ mi we de na jel fɔseka di Masta. Bɔt, yu fɔ gɛt yu yon pan di sɔfa we dɛn Kristiɛn de sɔfa fɔseka di Gud Nyuz, wit di pawa we Gɔd gi yu fɔ mek yu ebul bia.

Matyu 26:64

Jizɔs se, “Na so yu se. Bɔt a de tɛl una se frɔm naw sote go, una go si Mɔtalman Pikin sidɔm na Gɔd we gɛt pawa pas ɔl, in raytan, ɛn i go rayd pan di klawd wɛn i de kam!”

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Di Ibru Pipul Dɛn 11:26

I gri se if i sɔfa fɔseka di Mɛsaya we Gɔd go sɛn kam na wɔl, dat bɛtɛ fɔ am, pas fɔ gɛt ɔl di jɛntri we de na Ijipt. I put in at pan di blɛsin we i go gɛt bambay.

Di Ibru Pipul Dɛn 11:16

Bɔt dɛn bin want ples we bɛtɛ pas dat, dat na di ples we de na ɛvin. So Gɔd nɔ shem wɛn dɛn kɔl am dɛn yon Gɔd, bikɔs i bin dɔn rɛdi ples fɔ dɛn.

Sɛkɛn Lɛta To Timoti 1:12

ɛn na di rizin dis we mek a de sɔfa ɔl dɛn tin ya. Bɔt a nɔ de dawt at ɔl, bikɔs a no di wan we a abop pan; a no fɔ tru se i ebul kip ɔl wetin i dɔn gi mi fɔ du sote di de we Krays go kam bak.

Matyu 12:39

Bɔt Jizɔs ansa dɛn se, “Dɛn tide pipul bad ɛn dɛn nɔ de fred Gɔd. Una de aks mi fɔ du wɔndaful wok, bɔt a nɔ go du am. Una nɔ go si ɛni wɔndaful wok pas di wan we bin dɔn bi to prɔfɛt Jona.

Jɔn 1:51

Jizɔs tɛl dɛn igen se, “A de tɛl una fɔ tru se: una go si ɛvin opin, una go si Gɔd in enjɛl dɛn de kɔmɔt ɛvin kam dɔŋ to Mɔtalman Pikin ɛn go ɔp bak, dɛn go de go ɔp ɛn dɔŋ.”

Matyu 25:31

“Di tɛm we Mɔtalman Pikin go kam lɛkɛ Kiŋ wit ɔl Gɔd in enjɛl dɛn, i go sidɔm nain wɔndaful chia fɔ jɔj ɔlman.

Matyu 24:30

Dɛn ɔlman go si di sayn na di klawd we go sho se Mɔtalman Pikin de kam. Ɔlman na wɔl go kray we dɛn si Mɔtalman Pikin de kɔmɔt na klawd kam. I go kam wit pawa, ɛn brayt layt go de shayn rawnd am.

Lyuk 19:26

I se, ‘A de tɛl una se, pɔsin we gɛt sɔntin, Gɔd go gi am mɔ; bɔt pɔsin we nɔ gɛt, di lili bit sɛf we i gɛt, Gɔd go tek am nain an.

Matyu 13:41

Mɔtalman Pikin go sɛn in enjɛl dɛn fɔ pul dɛn pipul we de mek pipul sin ɛn dɛn wan we de du bad, kɔmɔt to dɛn pipul we Gɔd de rul.

Daniɛl 7:13

Insay di vishɔn dɛn na nɛt, a si pɔsin insay di klawd dɛn we de ɔp, pɔsin we tan lɛk mɔtalman, nain i kam to di Enshɛnt ɔf Dez ɛn dɛn sho am to am.

Daniɛl 7:10

Bɔku faya bin kɔmɔt de kech bifo am; tawzin tawzin pipul bin de wok fɔ am; ɛn tɛn tawzin tayms tɛn tawzin bin de advays am; di kot bin de ɔn ɛn di buk dɛn bin opin.

Ditarɔnɔmi 33:2

I se, PAPA GƆD kam dɔŋ Mawnt Saynay ɛn kɔmɔt lɛkɛ di san ɛn shayn lɛk san oba Idɔm, ɛn in layt bin de shayn kɔmɔt Mawnt Paran, tawzin tawzin enjɛl dɛn bin de wit am ɛn faya bin de kɔmɔt nain raytan.

Di Ibru Pipul Dɛn 13:13

So, una lɛ wi kɔmɔt insay di tɔŋ ɛn fala Jizɔs, ɛn bia di shem sɛf we i sɔfa na di krɔs.

Sɛkɛn Lɛta To Timoti 1:16

Mek di Masta blɛs Onɛsifɔrɔs wit in wɛf ɛn pikin dɛn bikɔs i kɔrej mi plɛnti tɛm. I nɔ shem bikɔs a de jel,

Lɛta Fɔ Galeshya 6:14

Fɔ mi yon pat, a go bost nɔmɔ bɔt di day we Masta Jizɔs Krays day na di krɔs. Na di day we Jizɔs day na di krɔs mek natin nɔ ful mi yay na dis wɔl, ɛn a jɛs tan lɛkɛ dayman; dis wɔl nɔ gɛt natin fɔ du wit mi.

Apɔsul Dɛn Wok 5:41

Di apɔsul dɛn bin gladi bad wɛn dɛn de kɔmɔt na di Ju gran kot bikɔs dɛn bin no se Gɔd pik dɛn fɔ sɔfa fɔseka Jizɔs.

Jɔn 12:34

Di pipul dɛn se, “Wi Lɔ se, di Mɛsaya nɔ go day. Aw yu se dɛn go put Mɔtalman Pikin pan di krɔs ɛn es am ɔp? Udat na dis Mɔtalman Pikin?”

Jɔn 5:27

Ɛn di Papa dɔn gi in Pikin di pawa fɔ jɔj mɔtalman bikɔs in Pikin na Mɔtalman Pikin.

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Mak 14:62

Jizɔs se, “Yɛs, mi na di Mɛsaya. Una go si Mɔtalman Pikin sidɔm na Gɔd we gɛt pawa pas ɔl, in raytan, ɛn i go rayd pan di klawd wɛn i de kam!”

Matyu 16:4

Dɛn tide pipul dɛn bad ɛn dɛn nɔ de fred Gɔd! Una de aks mi fɔ du wɔndaful tin, bɔt a nɔ go du am. Una nɔ go si ɛni wɔndaful tin pas di wan we bin dɔn bi to prɔfɛt Jona.” So Jizɔs lɛf di pipul dɛn ɛn go.

Zɛkaraya 14:5

Na dis vali ya we sheb di mawnten, nain dɛn go tek fɔ rɔnawe lɛkɛ aw di tɛm we Uzaya na bin kiŋ, dɛn fɔstɛm pipul bin rɔnawe we dɛn bin gɛt athkwek. PAPA GƆD gɛt fɔ kam wit ɔl in enjɛl dɛn.

Matyu 8:20

Jizɔs ansa am, i se, “Dɛn bush kyat gɛt ples fɔ tap, ɛn dɛn bɔd gɛt say fɔ tap; bɔt Mɔtalman Pikin nɔ gɛt ples fɔ le in ed sɛf.”

Matyu 16:28

A de tɛl una se, sɔm pan di wan dɛn we tinap ya naw nɔ go day sote dɛn dɔn si Mɔtalman Pikin kam rul ɔl di wɔl.”

Mak 8:37

Wetin pɔsin go gi fɔ gɛt in layf bak? Natin!

Mak 13:26

Da tɛm de, ɔlman na wɔl go si Mɔtalman Pikin de kɔmɔt na klawd kam dɔŋ wit pawa ɛn brayt brayt layt go de shayn rawnd am.

Apɔsul Dɛn Wok 10:22

Dɛn ansa se, “Na Kapten Kɔnilyɔs, da bigman fɔ dɛn soja man dɛn na Itali, sɛn wi to yu. Na gud man we fred Gɔd ɛn ɔl di Ju pipul dɛn rɛspɛkt am bad. Gɔd bin sɛn enjɛl to Kɔnilyɔs fɔ mek i kɔl yu fɔ go nain os, mek i go yɛri wetin yu gɛt fɔ tɛl am.”

Fɔs Lɛta Fɔ Tɛsalonayka 2:19

Unasɛf no se na una ɛn ɔl dɛn ɔda pipul we biliv pan Krays de mek wi abop ɛn gladi ɛn una go mek wi prawd wɛn wi tinap bifo wi Masta Jizɔs wɛn i kam bak!

Fɔs Lɛta Fɔ Tɛsalonayka 3:13

Dat go mek di Masta gi una kɔrej so dat wɛn una go tinap bifo Gɔd we na wi Papa, di tɛm we Masta Jizɔs go kam bak wit ɔl in yon pipul dɛn, una go bi lɛkɛ aw Gɔd want una fɔ bi.

Jɔn In Fɔs Lɛta 2:28

Mi pikin dɛn, una fɔ de wit Krays ɔltɛm, so dat wɛn i kam bak, wi nɔ go shem fɔ go mit am.

Rɛvɛleshɔn 14:10

insɛf go drink Gɔd in yon wayn, dat na di pɔnish we i go pɔnish bikɔs Gɔd vɛks pan am, da pɔnishmɛnt de tan lɛkɛ bita wayn we nɔ miks wit wata we i gɛt fɔ drink. Ɔl dɛn pipul we de du dɛn tin ya go pɔnish bifo Gɔd in enjɛl dɛn ɛn Gɔd in Ship insay faya we sɔlfa de bɔn.