Mak 8:33 - Krio Fɔs Oli Baybul

³³ Jizɔs luk di lanin bɔy dɛn, i tɔk to Pita, i se, “Pita, kɔmɔt biɛn mi, na Setan in wok yu de du so! Yu de tink lɛkɛ aw mɔtalman de tink, yu nɔ de tink lɛkɛ aw Gɔd de tink.”

Mak 8:33 Referans Kwoze

Matyu 4:10

Jizɔs se, “Kɔmɔt biɛn mi, Setan! Dɛn rayt na Gɔd in Buk se, ‘Pɔsin fɔ nil dɔŋ bifo Gɔd we nain Masta ɛn pre to am ɛn nain nɔmɔ i fɔ wok fɔ.’”

Jɔn In Fɔs Lɛta 2:15

Una nɔ fɔ lɛk di wɔl ɛn put ɔl una at pan dɛn tin we de na di wɔl. If una lɛk di wɔl, dat sho se una nɔ lɛk Gɔd we na di Papa.

Lɛta Fɔ Filipay 3:19

Bɔt dɛn pipul ya go go na ɛl, bikɔs dɛn tek ɔl wetin dɛn want fɔ dɛnsɛf tɔn dɛn to dɛn yon gɔd; ɛn dɛn tin we fɔ mek dɛn shem, nain dɛn de gladi fɔ. Dɛn put ɔl dɛn at pan dɛn tin we de na dis wɔl.

Rɛvɛleshɔn 3:19

Dɛn pipul we a lɛk na dɛn a kin tɛl se dɛn de du rɔŋ tin ɛn a kin pɔnish dɛn mek dɛn go gɛt sɛns fɔ du wetin rayt. So una kechɔp unasɛf, ɛn lɛf fɔ sin.

Di Sam Dɛm 141:5

We pɔsin we de du wetin rayt, tɔk pan mi, na gud i de du. If i ala pan mi, i go tan lɛk se dɛn trowe wata na mi ed, a nɔ go vɛks. Bɔt a go de pre bɔt di wikɛdnɛs we di bad man de du ɔltɛm.

Pita In Fɔs Lɛta 4:1

So, bikɔs Krays sɔfa wɛn i day na di krɔs, unasɛf fɔ rɛdi wɛn una de sɔfa, fɔ tink lɛkɛ aw Krays bin de tink ɛnitɛm we i de sɔfa, bikɔs pɔsin we de sɔfa dɔn dɔn wit sin.

Fɔs Lɛta To Timoti 5:20

Yu fɔ tɔk pan ɔl dɛn wan we nɔ gri lɛf fɔ sin, bifo dɛn kɔmpin, mek dɛn kɔmpin go fred fɔ sin.

1 Kɔrint 5:5

una fɔ tek dis man ya gi Setan we go mek i sɔfa fɔ ɔl dɛn bad tin we de nain at, so dat di de we di Masta go kam, da man de in spirit go gɛt chans fɔ sev.

Lyuk 22:61

Jizɔs tɔn to Pita ɛn luk am. Wantɛm Pita mɛmba wetin Jizɔs bin dɔn tɛl am we i se, “Pita, bifo fɔl kro tide, yu go dɔn tɔk tri tɛm se yu nɔ no mi.”

Mak 3:34

I tɔn luk di pipul dɛn we sidɔm rawnd am ɛn se, “Una we de ya, na una na mi mama ɛn mi brɔda dɛn!

Mak 3:5

As Jizɔs luk dɛn, i vɛks ɛn in at pwɛl bikɔs dɛn at bin traŋa. Jizɔs tɛl di man we in an day se, “Es yu an, tret am.” Di man es in an ɛn tret am. Di an wɛl gud gud.

Matyu 15:23

Bɔt Jizɔs nɔ tɔk natin. Jizɔs in lanin bɔy dɛn go beg Jizɔs, dɛn se, “Drɛb dis uman we de fala wi, sa, i de mek nɔys!”

2 Samiɛl 19:22

Devid aks Zɛruaya in bɔypikin dɛn wetindu dɛn wan gbara-kes. I se dɛn de biev lɛk pipul we nɔ wan si in bɛtɛ wan bikɔs dɛn fɔ no se nain na kiŋ na Izrɛl so nɔbɔdi nɔ fɔ day da de de.

Lɛvitikɔs 19:17

I se nɔ fɔ kip pɔsin na at ɛn nɔ tɛl di wan we du rɔŋ wetin i du rɔŋ ɔ nɔ so di pɔsin we nɔ tɛl am go sɔfa lɛkɛ am fɔ dat.

Taytɔs 1:13

Ɛn wetin i tɔk na tru, na dat mek yu fɔ tɔk pan dɛn traŋa wan, so dat dɛn go biliv Gɔd gud gud,

Lyuk 9:55

Jizɔs tɔn rawnd ɛn tɔk pan Jems ɛn Jɔn. [I se, “Una nɔ no wetin de na una at. Mɔtalman Pikin nɔ kam fɔ pwɛl pipul dɛn layf, i kam fɔ sev pipul.”]

Lyuk 4:8

Jizɔs se, “Dɛn rayt na Gɔd in Buk se, ‘Pɔsin fɔ nil dɔŋ bifo Gɔd we nain Masta nɔmɔ ɛn pre to am, ɛn nain wangren i fɔ wok fɔ.’”

Job 2:10

Job tɛl am se i de tɔk lɛk udat nɔ no PAPA GƆD. I se if dɛn fɔ gladi we PAPA GƆD du gud fɔ dɛn bɔt kɔmplen we bad tin bi to dɛn.

Matyu 16:23

Jizɔs tɔn ɛn tɛl am se, “Pita, kɔmɔt biɛn mi, na Setan in wok yu de du so. Yu de blɔk mi we, bikɔs yu nɔ de tink aw Gɔd de tink, yu de tink aw mɔtalman de tink.”