Mak 8:17 - Krio Fɔs Oli Baybul

¹⁷ Jizɔs bin no wetin dɛn de tɔk, so i aks dɛn se, “Wetin du una de tɔk se una nɔ gɛt bred? Una nɔ ɔndastand yet? Una at nɔ opin?

Mak 8:17 Referans Kwoze

Mak 6:52

Dɛn nɔ bin ɔndastand sɛf wɛn Jizɔs tek fayv lof bred fid fayv tawzin pipul. Dɛn at nɔ bin opin.

Mak 2:8

Jizɔs no wantɛm wetin di Ju Lɔ ticha dɛn bin de tɔk na dɛn at. I aks dɛn se, “Wetin du una de mɛmba dat na una at?

Ayzaya 63:17

E PAPA GƆD, wetin mek yu de mek wi lɛf wetin yu se, de du ɔda tin ɛn traŋa wi at, so dat wi nɔ go fred yu? Tɔn yu at bak to wi fɔseka yu wokman dɛm, fɔseka di trayb we na yu yon pipul dɛm.

Mak 3:5

As Jizɔs luk dɛn, i vɛks ɛn in at pwɛl bikɔs dɛn at bin traŋa. Jizɔs tɛl di man we in an day se, “Es yu an, tret am.” Di man es in an ɛn tret am. Di an wɛl gud gud.

Rɛvɛleshɔn 2:23

A go mek ɔl dɛn wan we de fala am sik ɛn day. Dat go mek ɔl dɛn Kristiɛn ɔlɔbɔt no se a no wetin ɔlman na wɔl de tink ɛn a de si insay dɛn at. A go mek ɔlman gɛt di pe fɔ wetin i du.

Jɔn 21:17

Jizɔs aks Pita di tɔd tɛm se, “Saymɔn, yu we na Jɔn in pikin, yu lɛk mi?” Pita in at pwɛl bikɔs Jizɔs aks am tri tɛm se if i lɛk am, so i ansa di Masta se, “Masta, yu no ɔltin, yu no se a lɛk yu!” Jizɔs se, “Mɛn mi ship dɛn.

Jɔn 16:30

Wi no naw se yu sabi ɔltin, yu nɔ gɛt fɔ aks pɔsin wetin i de tink; na dat mek wi biliv se na Gɔd sɛn yu.”

Lyuk 24:25

Jizɔs tɛl dɛn se, “Una nɔ gɛt sɛns, una at fɔ biliv ɔl wetin dɛn prɔfɛt bin dɔn tɔk!

Mak 16:14

Wɛn dat dɔn, Jizɔs sho insɛf to in ilɛvin lanin bɔy dɛn wɛn dɛn bin de it. I tɔk pan dɛn fɔ we dɛn nɔ bin biliv lɛkɛ aw dɛn fɔ biliv, ɛn fɔ we dɛn bin traŋayes, ɛn we dɛn nɔ bin biliv dɛn pipul we si am afta i rayz frɔm di grev.

Matyu 15:17

Una nɔ si se ɛnitin we pas na una mɔt, na una bɛlɛ i de go, bifo una go pul am kɔmɔt na di bɔdi?

Matyu 12:15

Wɛn Jizɔs no se dɛn de plan fɔ kil am, i kɔmɔt de; plɛnti pipul fala am go. Jizɔs mɛn ɔl dɛn wan we bin sik,

Matyu 16:7

Di lanin bɔy dɛn bigin tɔk to dɛn kɔmpin se, “I tɔk dat bikɔs wi nɔ briŋ bred kam.”

Mak 8:16

Di lanin bɔy dɛn bigin tɔk to dɛn kɔmpin se, “Na bikɔs wi nɔ briŋ bred mek i tɔk so!”