Mak 8:12 - Krio Fɔs Oli Baybul

¹² Jizɔs pini ɛn aks dɛn se, “Wetin mek una dɛn tide pipul ya want mek a sho una mɔ sayn? A de tɛl una fɔ tru se a nɔ go sho una ɛni sayn.”

Mak 8:12 Referans Kwoze

Mak 7:34

I luk ɔp na ɛvin, i pini, dɔn i se, “Ɛffata,” dat min, “Yu yes go opin.”

Matyu 16:4

Dɛn tide pipul dɛn bad ɛn dɛn nɔ de fred Gɔd! Una de aks mi fɔ du wɔndaful tin, bɔt a nɔ go du am. Una nɔ go si ɛni wɔndaful tin pas di wan we bin dɔn bi to prɔfɛt Jona.” So Jizɔs lɛf di pipul dɛn ɛn go.

Lyuk 19:41

Wɛn Jizɔs rich klos Jerusɛlɛm, as i si di tɔŋ so, i bigin kray fɔ am.

Mak 9:19

Jizɔs se, “Una dɛn tide pipul ya, una nɔ biliv, aw lɔŋ una want mek a de wit una bifo una go biliv? Aw lɔŋ a fɔ bia wit una? Una briŋ di bɔbɔ kam to mi!” Dɛn kɛr di bɔbɔ go to Jizɔs.

Mak 6:6

Jizɔs wɔnda we di pipul dɛn nɔ biliv pan am. Jizɔs go na dɛn vilej we de klos Nazarɛt ɛn lan di pipul dɛn bɔt Gɔd.

Mak 3:5

As Jizɔs luk dɛn, i vɛks ɛn in at pwɛl bikɔs dɛn at bin traŋa. Jizɔs tɛl di man we in an day se, “Es yu an, tret am.” Di man es in an ɛn tret am. Di an wɛl gud gud.

Ayzaya 53:3

Mɔtalman dɛn luk dɔŋ pan am ɛn shub am fa; na man we gɛt pen ɛn brok at, ɛn na lɛk udat pipul dɛn de ayd fes pan dɛn luk dɔŋ pan am, ɛn wi nɔ rɛspɛkt am atɔl.

Matyu 12:38

Sɔm Ju Lɔ ticha ɛn sɔm Faresi dɛn se, “Ticha, wi want mek yu du wan wɔndaful wok we go sho yu pawa.”

Mak 8:13

Jizɔs ɛn in lanin bɔy dɛn lɛf di pipul dɛn ɛn tek bot krɔs go oba na di ɔda say.