Mak 8:11 - Krio Fɔs Oli Baybul

¹¹ Sɔm pan di Faresi dɛn go mit Jizɔs ɛn bigin agyu wit am. Dɛn kam fɔ tray am so dɛn aks am fɔ du wɔndaful wok we go sho se in na di Mɛsaya.

Mak 8:11 Referans Kwoze

1 Kɔrint 10:9

Wi nɔ fɔ tray Krays ɛn mek i tap fɔ bia wit wi, lɛkɛ aw i bin tap fɔ bia wit sɔm pan dɛn pipul ya, ɛn mek snek bɛt ɛn kil dɛn.

Matyu 12:38

Sɔm Ju Lɔ ticha ɛn sɔm Faresi dɛn se, “Ticha, wi want mek yu du wan wɔndaful wok we go sho yu pawa.”

Malakay 3:15

Frɔm da tɛm de, dɛn de luk se, pipul we de kak gɛt blɛsin ɛn udat de du bad, bɛtɛ kin de fala am dɔn ɛnitɛm we dɛn tray PAPA GƆD, dɛn kin ebul rɔnawe pan in pɔnishmɛnt.

Ditarɔnɔmi 6:16

I se lɛ dɛn nɔ fos PAPA GƆD fɔ du sɔntin lɛk aw dɛn bin fos am na Masa.

Jɔn 4:48

Jizɔs tɛl di ɔfisa se, “Una nɔn nɔ go biliv mi pas nɔmɔ una si di wɔndaful wok dɛn we a de du.”

Lyuk 11:16

Sɔm ɔda pipul kam fɔ tray Jizɔs; dɛn tɛl am fɔ mek i du wɔndaful wok we go sho se in na di Mɛsaya, fɔ tru.

Ɛksodɔs 17:7

Mozis gi da ples de nem “Masa” ɛn “Mɛriba” bikɔs, na de di Izrɛlayt dɛn bin de kɔmplen ɛn tray fɔ pruv PAPA GƆD in pawa we dɛn se dɛn want no if PAPA GƆD de wit dɛn ɔ if i nɔ de.

Apɔsul Dɛn Wok 5:9

Pita tɛl am se, “Wetin mek yu ɛn yu man mekɔp fɔ tɛst Gɔd in Spirit? Luk di pipul dɛn we go bɛr yu man tinap na do, na dɛn go bɛr yusɛf!”

Jɔn 7:48

Una no ɛni Ju bigman ɔ ɛni Faresi we biliv pan am?

Jɔn 6:30

Dɛn aks am bak se, “Us wɔndaful wok yu go du fɔ mek wi si, so dat wi go biliv Yu? Wetin yu go du?

Lyuk 10:25

Wan Ju Lɔ ticha aks Jizɔs wan kwɛshɔn fɔ tɛst am; i se, “Ticha, aw a go manej fɔ gɛt layf we go de sote go?”

Mak 12:15

Jizɔs no wantɛm se dɛn na ipokrit pipul, ɛn dɛn bin de sɛt trap fɔ kech am, so i se, “Wetin du una de tray fɔ tek wetin a tɔk kech mi? Una briŋ wan Roman kɔpɔ kam mek wi luk am.”

Mak 2:16

Wɛn dɛn Ju Lɔ ticha we na Faresi si se Jizɔs de it wit dɛn pipul ya, dɛn go aks in lanin bɔy dɛn se, “Wetin du Jizɔs de it wit dɛn kayn pipul ya?”

Matyu 22:23

Da sem de de, sɔm Sadyusi dɛn kam to Jizɔs. Di Sadyusi dɛn na pipul we se pipul we dɔn day nɔ go rayz frɔm dɛn grev.

Matyu 22:18

Jizɔs bin no di bad tin we dɛn plan, so i se, “Una na ipokrit, wetin mek una de tray fɔ tek wetin a tɔk kech mi?

Matyu 22:15

Di Faresi dɛn go ɛŋ ed fɔ kam aks Jizɔs kwɛshɔn, so dat dɛn go kech am pan wetin i tɔk.

Matyu 21:23

Jizɔs go bak insay Gɔd in Os. Wɛn i bin de lan di pipul dɛn we bin lib de, nain di bigman dɛn we de mek sakrifays fɔ pipul sin ɛn di ɔda Ju bigman dɛn go aks am se, “Us rayt yu gɛt fɔ du dɛn tin ya, ɛn udat gi yu di rayt?”

Matyu 19:3

Sɔm Faresi dɛn kam fɔ tray Jizɔs, dɛn aks am se, “Di Ju Lɔ se ɛni man kin tɛl in wɛf se in nɔ want am fɔ bi in wɛf igen?”

Ɛksodɔs 17:2

Nain di pipul dɛn bigin grɔmbul bak pan Mozis se i fɔ gi dɛn wata fɔ drink Mozis aks dɛn wetin mek dɛn de fɛn fɔlt pan am. I aks dɛn bak if dɛn want fɔ tɛst PAPA GƆD in Pawa.

Jɔn 8:6

Dɛn tɔk dat fɔ yɛri wetin Jizɔs go se, so dat dɛn kin se i nɔ de du rayt. Bɔt Jizɔs bɛn dɔŋ ɛn bigin rayt na grɔn wit in fiŋa.

Mak 9:16

Jizɔs aks dɛn se, “Wetin una bin de tɔk wit di lanin bɔy dɛn?”