Mak 7:34 - Krio Fɔs Oli Baybul

³⁴ I luk ɔp na ɛvin, i pini, dɔn i se, “Ɛffata,” dat min, “Yu yes go opin.”

Mak 7:34 Referans Kwoze

Jɔn 11:41

Dɛn pul di ston kɔmɔt na di grev domɔt. Jizɔs luk ɔp ɛn pre se, “Papa, a de tɛl yu tɛnki bikɔs yu de ansa mi wɛn a pre.

Mak 6:41

Jizɔs tek di fayv bred ɛn di tu fish, i luk ɔp ɛn tɛl Gɔd tɛnki fɔ di fish ɛn bred, dɔn i kɔt kɔt di bred ɛn di fish ɛn gi in lanin bɔy dɛn fɔ sheb gi di pipul dɛn.

Mak 5:41

Jizɔs ol di pikin in an ɛn se, “Talita kumi” dat min, “Mi pikin, grap!” Nain laŋwej.

Apɔsul Dɛn Wok 9:34

Pita go to Inias ɛn tɛl am se, “Inias, Jizɔs Krays dɔn mɛn yu. Grap ɛn mek yu bed.” Inias grap wantɛm.

Jɔn 11:33

Wɛn Jizɔs si aw Meri ɛn di pipul dɛnsɛf we bin de wit am, de kray, i fil am bad bad wan.

Mak 15:34

Shap tri, Jizɔs ala, i se, “Ilay, Ilay, lama sabak tani?” Dat min, “Mi Gɔd, mi Gɔd, wetindu yu fɔsek mi?”

Mak 8:12

Jizɔs pini ɛn aks dɛn se, “Wetin mek una dɛn tide pipul ya want mek a sho una mɔ sayn? A de tɛl una fɔ tru se a nɔ go sho una ɛni sayn.”

Apɔsul Dɛn Wok 9:40

Pita mek ɔl di pipul dɛn go na do, dɔn i nil dɔŋ ɛn pre. I tɔn to di dedebɔdi ɛn se, “Tabita, grap!” Tabita opin in yay, grap ɛn sidɔm wɛn i si Pita.

Jɔn 11:43

Wɛn Jizɔs dɔn tɔk dat, i ala lawd wan, “Lazarɔs, kam na do!”

Di Ibru Pipul Dɛn 4:15

Di edman we de mek sakrifays fɔ pipul sin na di wan we wi gɛt we ɔndastand ɔltin we traŋa fɔ wi, bikɔs insɛf na bin wan pan wi, ɛn ɔl wetin de mit wi fɔ tray wi bin dɔn mit am. Bɔt i nɔ sin wande.

Jɔn 17:1

Wɛn Jizɔs dɔn tɔk dɔn, i luk ɔp na ɛvin ɛn pre se, “Papa, di tɛm dɔn kam; sho pipul aw yu Pikin wɔndaful, so dat i go sho pipul aw yu wɔndaful.

Jɔn 11:38

Jizɔs fil sɔri igen, so i go na di big ston grev; ston bin de na di domɔt.

Jɔn 11:35

Jizɔs kray.

Lyuk 19:41

Wɛn Jizɔs rich klos Jerusɛlɛm, as i si di tɔŋ so, i bigin kray fɔ am.

Lyuk 18:42

Jizɔs tɛl di man se, “A de mek yu si naw, bikɔs yu biliv, yu dɔn wɛl!”

Lyuk 7:14

Wɛn Jizɔs tɔch di kɔfin, di man dɛn we bin tot di kɔfin tinap. Jizɔs tɛl di dedebɔdi se, “Bɔbɔ, grap!”

Mak 1:41

Jizɔs sɔri fɔ di man we gɛt di bad sik, i tret in an, tɔch di man ɛn se, “A want mɛn yu, wɛl naw!”

Ayzaya 53:3

Mɔtalman dɛn luk dɔŋ pan am ɛn shub am fa; na man we gɛt pen ɛn brok at, ɛn na lɛk udat pipul dɛn de ayd fes pan dɛn luk dɔŋ pan am, ɛn wi nɔ rɛspɛkt am atɔl.

Ɛksodɔs 2:23

I tek sɔm tɛm dɔn di kiŋ na Ijipt day. Di Izrɛlayt dɛn bin dɔn taya fɔ de du slev wok. So dɛn beg PAPA GƆD fɔ pul dɛn pan di sɔfa we dɛn bin de sɔfa.

Mak 7:35

Di man in yes opin, in tɔŋ lus, i bigin tɔk klia wan.