Mak 7:31 - Krio Fɔs Oli Baybul

³¹ Jizɔs kɔmɔt na di eria we de klos Taya, ɛn pas insay Saydɔn; we i kɔmɔt de, i pas klos Lek Galili ɛn go na di eria we dɛn kɔl di Tɛn Tɔŋ dɛn.

Mak 7:31 Referans Kwoze

Mak 5:20

Di man go na di eria we dɛn kɔl di Tɛn Tɔŋ dɛn ɛn tɛl pipul wetin Jizɔs du fɔ am. Na so pipul bin de wɔnda.

Matyu 4:25

Plɛnti pipul we kɔmɔt Galili, di Tɛn Tɔŋ dɛn, Jerusɛlɛm, Judia, ɛn dɛn pipul we de na di istɛn pat na Riva Jɔdan, bin de fala Jizɔs.

Mak 7:24

Wɛn Jizɔs kɔmɔt de, i go na wan ples we de klos Taya. I nɔ bin want mek ɛnibɔdi no di os we i de, bɔt di pipul dɛn fɛnɔt usay i de.

Matyu 11:21

I se, “Bad tin go mit una ɔl we de na Kora zin ɛn Bɛtsayda. If pɔsin bin du dɛn wɔndaful wok we a bin du na una ples, na Taya ɛn Saydɔn, di pipul dɛn we lib de bin fɔ dɔn lɛf fɔ du bad lɔntɛm, ɛn dɛn bin fɔ wɛr bag ɛn rɔb asis pan dɛnsɛf, fɔ sho se dɛn dɔn lɛf fɔ du bad!

Matyu 4:18

Wɛn Jizɔs bin de waka na di bich na Lek Galili, i si tu brɔda dɛn we na bin fisha man, Saymɔn we dɛn de kɔl Pita ɛn in brɔda Andru, dɛn tu bin de fishin wit fishin nɛt na Lek Galili.

Mak 7:30

Wɛn di uman go nain os, i mit di pikin ledɔm na bed; di dɛbul bin dɔn kɔmɔt insay am.