Mak 7:28 - Krio Fɔs Oli Baybul

²⁸ Di uman ansa se, “Yɛs sa, bɔt di dɔg dɛnsɛf we kin sidɔm ɔnda tebul kin de pik di af af we de fɔdɔm na di pikin dɛn an.”

Mak 7:28 Referans Kwoze

Lɛta Fɔ Rom 10:12

Gɔd de sev dɛn Ju pipul ɛn dɛn pipul we nɔto Ju, bikɔs dɛn ɔl na wan, Gɔd na di wangren Masta fɔ ɔlman ɛn i de gi ɔl dɛn wan we de pre to am plɛnti plɛnti blɛsin.

Lɛta Fɔ Rom 3:29

Na fɔ di Ju pipul dɛn nɔmɔ Gɔd de? I nɔ de fɔ dɛn pipul we nɔto Ju? Gɔd de fɔ ɔlman, fɔ dɛn Ju pipul ɛn dɛn pipul we nɔto Ju.

Ayzaya 45:22

Una tɔn to Mi so dat una go sev, ɔl di kɔna dɛn na di wɔl! Bɔkɔs na Mi na Gɔd ɛn nɔn ɔda wan nɔ de.

Ayzaya 49:6

I se: “Na smɔl tin fɔ mek yu bi mi wokman fɔ gɛda Jekɔb in difrɛn fambul dɛn ɛn fɔ briŋ di wan dɛn pan Izrɛl we a kip, kam bak; A go mek yu lɛk layt to di neshɔn dɛm, lɛ mi salveshɔn go rich usay di wɔl tap.”

Di Sam Dɛm 145:16

Yu de gi ɔl wetin yu mek it fri wan te dɛn satisfay.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Matyu 5:45

so dat una go bi una Papa, we de na ɛvin, in pikin dɛn. Una Papa de mek di san shayn pan dɛn bad pipul ɛn pan dɛn gud wan. I de mek ren kam pan dɛn pipul we gud ɛn dɛn wan we bad.

Matyu 15:27

Di uman se, “Na tru, sa, bɔt di dɔg dɛnsɛf kin it di af af bred dɛn we de fɔdɔm wɛn di masta de it na tebul.”

Mak 7:27

Jizɔs se, “Na di pikin dɛn fɔs fɔ it, i nɔ rayt fɔ tek di pikin dɛn it gi dɔg.”

Mak 7:29

Jizɔs se, “Fɔ wetin yu tɔk so, yu kin go na yu os saful, ɛn no se di dɛbul dɔn kɔmɔt insay yu pikin.”