Mak 7:27 - Krio Fɔs Oli Baybul

²⁷ Jizɔs se, “Na di pikin dɛn fɔs fɔ it, i nɔ rayt fɔ tek di pikin dɛn it gi dɔg.”

Mak 7:27 Referans Kwoze

Apɔsul Dɛn Wok 22:21

Bɔt di Masta tɛl mi se, ‘Go, bikɔs a go sɛn yu to dɛn pipul we nɔto Ju.’”

Matyu 10:5

Jizɔs sɛn di twɛlv man dɛn go ɔda say. Bifo dɛn go, i tɛl dɛn se, “Una nɔ go ɛni say na di kɔntri we dɛn pipul we nɔto Ju, de, ɛn una nɔ go na ɛni tɔŋ we na dɛn Sameria pipul dɛn yon.

Matyu 7:6

“Una nɔ fɔ gi dɔg dɛn tin we una dɔn gi Gɔd, if una du dat di dɔg go tɔn pan una ɛn bɛt una. Una nɔ fɔ gi ɔg una fayn fayn bid dɛn, if una du dat, di ɔg go jɛs mas mas dɛn.

Lɛta Fɔ Ɛfisɔs 2:12

Fɔstɛm una nɔ bin gɛt wanwɔd wit Krays. Una nɔ bin kɔnt pan dɛn pipul we Gɔd dɔn pik; una bin de lɛkɛ trenja. Una nɔ bin gɛt pan wetin Gɔd prɔmis in pipul dɛn. Una bin jɛs de na di wɔl; una nɔ bin biliv pan Gɔd ɛn una nɔ bin gɛt say fɔ abop.

Lɛta Fɔ Rom 15:8

A de tɛl una se Krays kam fɔ ɛp di Ju pipul dɛn fɔ sho se Gɔd go du wetin i bin dɔn prɔmis Ebraam, Ayzak ɛn Jekɔb,

Mak 7:26

Di uman bin de tɔk Grik, bɔt in trayb na bin Sayrofonishian. I beg Jizɔs fɔ drɛb di dɛbul kɔmɔt insay in pikin.

Mak 7:28

Di uman ansa se, “Yɛs sa, bɔt di dɔg dɛnsɛf we kin sidɔm ɔnda tebul kin de pik di af af we de fɔdɔm na di pikin dɛn an.”