Mak 7:22 - Krio Fɔs Oli Baybul

²² fɔ kip ɔda pɔsin wɛf ɔ man, fɔ put yay pan ɔda pɔsin prɔpati, fɔ du ɛni kayn bad, fɔ mek pipul ful, fɔ pwɛl in kɔmpin nem, fɔ mek prawd, ɛn fɔ du fulish tin.

Mak 7:22 Referans Kwoze

Matyu 20:15

A nɔ gɛt rayt fɔ du wetin a want wit mi mɔni? Na jɛlɔs una de jɛlɔs dɛn fɔ wetin a pe dɛn?’”

Pita In Fɔs Lɛta 5:5

Semwe so, una we smɔl fɔ de du wetin dɛn bigman tɛl una fɔ du. Nɔbɔdi nɔ fɔ mek prawd pan in kɔmpin, bɔt una fɔ de ɛp una kɔmpin; lɛkɛ aw dɛn rayt na Gɔd in Buk, we dɛn se, “Gɔd go tɔn in bak pan dɛn pipul we prawd ɛn i go sho dɛn wan we nɔ prawd aw i gud.”

Pita In Fɔs Lɛta 2:15

Gɔd want mek una du di rayt tin, so dat dɛn fulish pipul we nɔ sabi natin go sɛt dɛn mɔt.

2 Kɔrint 10:5

wi de tek dɛn pwɛl dɛn tin we de mek pipul prawd we mek dɛn nɔ want fɔ no Gɔd; wi de yus dɛn fɔ mek pɔsin tap fɔ tink ɛnitin we go mek i nɔ du wetin Gɔd se i fɔ du, so i go chenj ɛn i go want du wetin Gɔd se i fɔ du.

Matyu 6:23

bɔt if di yay dɛn nɔ gud, di bɔdi go de na dak. So if di layt we bin fɔ de insay una, nɔ de, di daknɛs we de insay una go dak pasmak.

Ɛkliziastis 7:25

A disayd fɔ stɔdi mek a go no mɔ tin dɛn ɛn ɔndastand aw i bad fɔ mek pɔsin jɛs de fulish, ɛn aw fulman tan lɛk udat kres.

Prɔvabs 28:22

Na krabit man kin de rɔnata jɛntri ɛn nɔ de mɛmba sɛf se i kin po ɛnitɛm.

Prɔvabs 27:22

I lɛk aw yu bit fulman na mataodo lɛk kanda rɛs, di ful nɔ go kɔmɔt pan am.

Prɔvabs 24:9

Ɛnitin we fulman plan na sin ɛn udat nɔ de tek natin mek natin na pɔsin we nɔbɔdi nɔ want nia am.

Prɔvabs 23:6

Nɔ go it na krabit man in os, nɔ fala yu at pan in it.

Prɔvabs 22:15

Pikin dɛn gɛt wan kaynaba abit fɔ de mek traŋayes, bɔt wɛn yu wok dɛn gud, i de mek dɛn soba.

Prɔvabs 12:23

Udat nɔ gɛt sɛns nain de tɔk bɔku, bɔt yu gɛt sɛns de kip in sɛns fɔ in jab.

Di Sam Dɛm 10:4

I fil se i gɛt ɔltin, i nɔ nid PAPA GƆD; i de biev lɛkɛ se PAPA GƆD nɔ de, as i nɔ gɛt natin fɔ du wit PAPA GƆD.

2 Kronikuls 32:31

Na dat mek pan de biznɛs fɔ di Amabesadɔ dɛm we di prins dɛm na Babilɔn sɛn to am fɔ aks bɔt di sayn we PAPA GƆD du na di kɔntri PAPA GƆD lɛf am to insɛf fɔ tray am ɛn fɔ no ɔl wetin de nain at.

Ditarɔnɔmi 28:56

Di uman dɛn we ɔlman bin rɛspɛkt se kɔmɔt na gud famili, we nɔ waka wit bia fut na grɔn wande, bikɔs na yaŋa pɔsin, go gridi in man we i lɛk, ɛn in bɔypikin ɛn in gyal pikin,

Ditarɔnɔmi 28:54

Di man dɛn we ɔlman bin no se na gud pɔsin, we ɔlman bin rɛspɛkt se kɔmɔt na gud famili, go so gridi in brɔda, in wɛf we i lɛk, ɛn in pikin we i nɔ it yet;

Ditarɔnɔmi 15:9

Dɛm fɔ tek tɛm mek dɛn nɔ bigin tink bad tin lɛkɛ se di ia we mek sɛvin we na ia we nɔ fɔ pe dɛt, de kam jisnɔ ɛn if i kam, dɛn brɔda nɔ go gɛt fɔ pe igen; dat go mek dɛn nɔ gi dɛn brɔda natin ɛn i go go kray to PAPA GƆD ɛn PAPA GƆD go se dɛn dɔn sin.

Di Sam Dɛm 119:36

Lɛ a nɔ fɛt fɔ wetin a go gen bɔt lɛ a du wetin yu lɔ dɛn se.

Ayzaya 59:7

Dɛn de rɔn fɔ go du bad, ɛn de mekes fɔ shɛd inosɛnt blɔd; na fɔ kɔmit sin nɔmɔ de na dɛn at, na ɛmtinɛs, ɛn fɔ distrɔy, de na dɛn ay we dɛn.

Ayzaya 59:13

fɔ kɔmit sin, ɛn de dinay PAPA GƆD, ɛn tɔn kɔmɔt, lɛf fɔ fala wi Gɔd, de tɔk aw fɔ sɔprɛs pipul ɛn fɔ ribɛl, de plan na dɛn maynd, ɛn de tɔk laylay wɔd kɔmɔt na wi at.

Jɛrimaya 17:9

Mɔtalman at disitful pas ɔltin, ɛn i kɔrɔpt in kayn nɔ de; udat go ebul ɔndastand am?

Mak 7:21

Na di at de mek pɔsin mekɔp fɔ du bad, fɔ liv fri layf, fɔ tif, fɔ kil,

Mak 7:23

Na ɔl dɛn bad tin ya de kɔmɔt insay pɔsin in at ɛn na dɛn de mek pɔsin sin.”