Mak 7:15 - Krio Fɔs Oli Baybul

¹⁵ Una fɔ no se, nɔto wetin pɔsin de it de mek i sin, bɔt na wetin i de du ɛn wetin i de tɔk de mek i sin ɛn mek i nɔ klin na Gɔd yay. [

Mak 7:15 Referans Kwoze

Prɔvabs 4:23

Tek tɛm aw yu de tink; bikɔs aw yu de tink na so yu de biev.

Taytɔs 1:15

Ɔltin klin to pipul we gɛt klin at; bɔt natin nɔ klin to pipul we nɔ gɛt klin at ɛn we nɔ biliv Gɔd, bikɔs na dɔti tin dɛn de mɛmba ɛn na dat de na dɛn at.

Di Ibru Pipul Dɛn 13:9

Una nɔ gri mek dɛn nyu tin we pipul de lan una, tɔn una at. Na di gud we Gɔd gud de mek una biliv am, fɔ tru, nɔto dɛn lɔ we tɔk bɔt tin fɔ it; dɛn nɔ min natin, ɛn dɛn nɔ de ɛp dɛn pipul we de fala dɛn.

Di Ibru Pipul Dɛn 9:10

Ɔl dɛn tin ya na lɔ we tɔk bɔt tin fɔ it ɛn drink ɛn aw fɔ was dɛn tin we go mek pipul klin na Gɔd yay. Ɔl dɛn lɔ ya jɛs de fɔ dis wɔl, ɛn dɛn pawa go jɛs de sote di tɛm rich we Gɔd go chenj ɔltin.

Matyu 12:34

Una dɛn snek ya! Aw una go tɔk gud we una na bad pipul? Wetin di at ful wit nain di mɔt de tɔk.

Lɛta Fɔ Rom 14:17

Wɛn pɔsin de tɔk bɔt di rul we Gɔd de rul, i nɔ de tɔk bɔt tin fɔ it ɛn tin fɔ drink, bɔt i de tɔk bɔt aw Gɔd de mek ɔltin rayt bitwin in ɛn mɔtalman, di kol at we Gɔd de gi, ɛn di gladi we Gɔd in Spirit de put na pɔsin in at.

1 Kɔrint 10:25

Una fri fɔ it ɛni bif we dɛn de sɛl na makit ɛn una nɔ gɛt fɔ aks kwɛshɔn fɔ no usay di bif kɔmɔt fɔ mek una no if i rayt fɔ it am.

Apɔsul Dɛn Wok 10:28

I tɛl di pipul dɛn se, “Unasɛf no se wi Ju Lɔ tɛl wi se wi nɔ fɔ kip kɔmpin wit pipul dɛn we nɔto Ju ɔ miks to dɛnsɛf. Bɔt Gɔd dɔn sho mi se a nɔ fɔ se mi kɔmpin mɔtalman nɔ fit fɔ miks to wi.

Matyu 15:16

Nain Jizɔs aks dɛn se, “Fɔ se, sote naw, una nɔ ebul ɔndastand lɛkɛ dɛn ɔda pipul?

Mak 7:14

Jizɔs kɔl di pipul dɛn bak ɛn se, “A want mek una ɔl lisin mi gud, so dat una go lan.

Mak 7:16

Udat gɛt yes fɔ yɛri, mek i yɛri.]”