Mak 6:9 - Krio Fɔs Oli Baybul

⁹ I tɛl dɛn fɔ wɛr sus, bɔt dɛn nɔ fɔ kɛr ɔda klos.

Mak 6:9 Referans Kwoze

Apɔsul Dɛn Wok 12:8

Di enjɛl tɛl Pita se, “Wɛr yu klos, tay yu bɛlt, ɛn wɛr yu sus. Kam lɛ wi go.” Pita du ɔl wetin di enjɛl tɛl am fɔ du.

Lɛta Fɔ Ɛfisɔs 6:15

Una fɔ wɛr di sus we go mek una rɛdi fɔ tɛl pipul di Gud Nyuz we de gi kol at.

Matyu 3:11

A de baptayz una wit wata fɔ sho se una dɔn lɛf fɔ du bad, bɔt di wan we de kam afta a dɔn du mi wok, in go baptayz una wit Gɔd in Spirit ɛn wit faya. I gɛt pawa pas mi, ɛn a nɔ fit sɛf fɔ lus in sus.

Matyu 10:10

una nɔ fɔ kɛr bag, una nɔ fɔ kɛr ɔda klos ɛn sus pas di wan we una wɛr, una nɔ fɔ kɛr wɔkin stik. Di pipul dɛn we una de wok fɔ, fɔ gi una ɔl wetin una fɔ gɛt fɔ liv.

Mak 6:8

I tɛl dɛn mek dɛn nɔ tek natin we dɛn de go, pas wɔkin stik nɔmɔ; i tɛl dɛn mek dɛn nɔ kɛr tin fɔ it, mek dɛn nɔ kɛr bag, ɛn mek dɛn nɔ kɛr mɔni na dɛn pɔkit.

Mak 6:10

Jizɔs se, “Wɛn una go na ɛni tɔŋ, di fɔs os we una go we dɛn gri fɔ mek una tap, na de una fɔ tap sote una kɔmɔt na da tɔŋ de.