Mak 6:48 - Krio Fɔs Oli Baybul

⁴⁸ Di briz bin traŋa fɔ di lanin bɔy dɛn, ɛn Jizɔs si se i bin traŋa fɔ dɛn fɔ padul. So midul nɛt bay tri oklɔk, Jizɔs go to dɛn, i bin de waka pantap di wata. I bin dɔn de pas dɛn,

Mak 6:48 Referans Kwoze

Lyuk 24:28

Wɛn di tu man dɛn bin dɔn de rich klos di vilej we dɛn bin de go, Jizɔs mek lɛkɛ se in de pas di vilej,

Lyuk 12:38

Dɛn bɔy ya go gɛt blɛsin if dɛn masta kam midul nɛt ɔ bifo do klin ɛn mit dɛn nɔ de slip.

Job 9:8

we nain wangren mek di klawd tan aw i tan, we de tap di swɛlin dɛn na si;

Jɔn 1:13

Dɛn nɔ bi Gɔd in pikin dɛn lɛkɛ aw dɛn pikin de bɔn na wɔl, dɛn nɔ bi Gɔd in pikin dɛn bikɔs na dat dɛn want ɔ bikɔs na dat ɔda pipul want, bɔt na Gɔd insɛf mek dɛn bi in pikin dɛn bikɔs na dat i want.

Matyu 14:24

Da tɛm de di bot bin dɔn de midul di lek. Di wata bin rɔf so di bot nɔ bin stɛdi, bikɔs di briz bin de blo traŋa wan.

Ayzaya 54:11

E, yu we de sɔfa, we tinada dɔn blo, ɛn nɔbɔdi nɔ koks yu, lisin to mi, a go sɛt yu ston dɛn insay saf silva wayt ayɛn, ɛn le yu fawndeshɔn dɛm wit safaya.

Di Sam Dɛm 104:3

ɛn mek di say we yu tap fayn bɔt ay pas di klawd sɛf. Yu de mek di briz kɛr yu usay yu want fɔ go as yu de tek di klawd mek yu karej.

Di Sam Dɛm 93:4

PAPA GƆD in pawa pas di nɔys we di wata de mek i pas di ebi swɛlin wev dɛn na di si.

1 Samiɛl 11:11

Di nɛks de Sɔl mek in man dɛn go na tri grup, dɔn bifo do klin, dɛn lɔnch atak na di Amonayt dɛn kamp ɛn kil, kil dɛn te san wam da de de. Di wan dɛn we nɔ day skata wan wan ɔlɔbɔt.

Jɛnɛsis 32:26

Di man tɛl Jekɔb lɛ i lɛf am fɔ go bikɔs do dɔn klin. Jekɔb ansa am se in nɔ go lɛf am, pas i blɛs am.

Jɛnɛsis 19:2

ɛn se, “Du sa, una nɔ pas mi os go. Mek a briŋ wata fɔ una fɔ was una fut. Duya una slip to mi dis nɛt, dɛn una kin grap ali mɔnin ɛn go usay una de go.” Bɔt di man dɛn ansa se, “Nɔ-o, wi go go slip na trit midul siti.”

Ɛksodɔs 14:24

Jɛs bifo do klin, PAPA GƆD wach di Ijipshian sojaman dɛn frɔm di brayt klawd ɛn di klawd lɛk faya. We i si ɔl wetin dɛn gɛt, i skyad dɛn ɛn mek dɛn want fɔ rɔnawe.

Matyu 24:43

Una fɔ no se if di edman na os bin no ustɛm tifman de kam na nɛt, i nɔ bin fɔ slip, ɛn i nɔ bin fɔ gri mek tifman brok in os ɛn tif in prɔpati.

Mak 6:47

Da ivintɛm de, di lanin bɔy dɛn bin de insay di bot midul wata ɛn Jizɔs bin de na di bich.

Mak 6:49

nain dɛn si am de waka pantap di wata, dɛn min se na gost de kam mit dɛn, so dɛn ala big wan!

Mak 13:35

So una fɔ waydawek, ɛn una fɔ de wach, bikɔs una nɔ no di tɛm we una masta go kam; una nɔ no if i go kam midul nɛt, ivintɛm, ali mɔnin, ɔ wɛn mɔnin dɔn go fa lili bit.