Mak 6:46 - Krio Fɔs Oli Baybul

⁴⁶ Afta i dɔn tɛl dɛn fɔ go, i go ɔp wan il fɔ pre.

Mak 6:46 Referans Kwoze

Mak 1:35

Ali mɔnin, bifo do klin gud, Jizɔs grap go pre na wan ples we pipul nɔ de.

Matyu 6:6

Bɔt wɛn una de pre, una fɔ go insay una rum, una lɔk una do, ɛn pre to una Papa we de na ɛvin we una nɔ de si. In de si wetin una de du, ɛn i go gi una ɔl wetin i fɔ gi una.

Lyuk 6:12

Wan ɔda tɛm, Jizɔs bin go ɔp wan il fɔ pre. I pre ol nɛt to Gɔd.

Matyu 14:23

Wɛn i dɔn mek ɔl di pipul dɛn tɔn bak go na dɛn os, in wan go ɔp di il go pre. I bin lib de sote ivintɛm.

Pita In Fɔs Lɛta 2:21

Na fɔ mek una sɔfa lɛkɛ dis mek Gɔd kɔl una, bikɔs Krays insɛf sɔfa fɔ una ɛn mek una si se unasɛf gɛt fɔ sɔfa lɛkɛ aw insɛf bin sɔfa.

Mak 6:47

Da ivintɛm de, di lanin bɔy dɛn bin de insay di bot midul wata ɛn Jizɔs bin de na di bich.

Apɔsul Dɛn Wok 18:18

Pɔl bin de wit di Kristiɛn dɛn na Kɔrint, i bin te de. Pɔl, Akwila, ɛn Prisila dɛn kɔmɔt Kɔrint go Siria; na bot kɛr dɛn go. Bifo Pɔl lɛf fɔ go, i prɔmis Gɔd fɔ du sɔntin na Sɛnkria so i kɔt in ia nain ed lɛkɛ aw dɛn Ju pipul kin du wɛn dɛn prɔmis Gɔd fɔ du sɔntin.

Apɔsul Dɛn Wok 18:21

Wɛn Pɔl want go, i tɛl dɛn se, “If Gɔd gri, a go kam bak to una.” So i go tek bot ɛn kɔmɔt na Ɛfisɔs.

2 Kɔrint 2:13

Bɔt mi at bin wɔri bad, bikɔs a nɔ bin si wi brɔda, Taytɔs, de. So a tɛl di pipul dɛn de se a de go, dɔn a go Masidonia.