Mak 6:34 - Krio Fɔs Oli Baybul

³⁴ Wɛn Jizɔs kɔmɔt insay di bot, i mit bɔku pipul de wet fɔ am; Jizɔs sɔri fɔ dɛn, bikɔs dɛn bin jɛs de lɛkɛ ship we nɔ gɛt pɔsin fɔ mɛn dɛn, so i bigin fɔ lan dɛn plɛnti tin.

Mak 6:34 Referans Kwoze

Matyu 9:36

Wɛn Jizɔs si di krawd, i sɔri fɔ dɛn, bikɔs dɛn bin kɔnfyus ɛn dɛn nɔ bin ebul fɔ ɛp dɛnsɛf, jɛs lɛkɛ dɛn ship we nɔ gɛt shɛpad fɔ mɛn dɛn.

Di Nɔmba Dɛm 27:17

sɔmbɔdi we go kɛr dɛn go usay fɔ go ɛn briŋ dɛn kam usay dɛn fɔ de so dat PAPA GƆD in pipul dɛn nɔ go tan lɛk ship we nɔ gɛt udat de mɛn am.

Lyuk 9:11

Wɛn di pipul dɛn yɛri se Jizɔs ɛn in lanin bɔy dɛn de na Bɛtsayda, dɛn go mit dɛn de. Jizɔs gladi fɔ si dɛn. I tɛl dɛn bɔt Gɔd in rul ɛn i mɛn dɛn pipul we sik.

Zɛkaraya 10:2

Dɛn man we de lukgrɔn de tɔk nɔnsɛns, na soso lay ful dɛn man dɛn we biliv se dɛn de tɔk to dɛn god; di wan dɛn we de drim de drim laylay drim, ɛn de gi laylay intapritteshɔn. Dat de mek di pipul jɛs de go lɛk we kayt kɔt. Dɛn de gɛt prɔblɛm bikɔs nɔbɔdi nɔ de fɔ lid dɛn.

Jɛrimaya 50:6

“Mi pipul dɛm dɔn bi lɛkɛ ship dɛn we dɔn lɔs; dɛn shɛpad dɛn dɔn mek dɛn go astre, we dɛn bin mek dɛn go na dɛn mawnten; dɛn dɔn kɔmɔt na wan mawten go na ɔda il, dɛn dɔn fɔgɛt usay dɛn kɔmɔt.

2 Kronikuls 18:16

Maykaya ansa di kiŋ se in si ɔl di Izrɛlayt dɛn skata skata pantap dɛn mawnten lɛkɛ ship we nɔ gɛt pɔsin fɔ gayd dɛm; na de PAPA GƆD tɛl dɛn se dɛn nɔ gɛt lida, so lɛ ɔlman go bak nain os wit kolat.

1 Kiŋ 22:17

Maykaya ansa di kiŋ se in si ɔl di Izrɛlayt dɛn skata skata pantap dɛn mawnten lɛkɛ ship we nɔ gɛt pɔsin fɔ gayd dɛn; na de PAPA GƆD tɛl dɛn se dɛn nɔ gɛt gud lida so lɛ ɔlman go bak nain os.

Di Ibru Pipul Dɛn 4:15

Di edman we de mek sakrifays fɔ pipul sin na di wan we wi gɛt we ɔndastand ɔltin we traŋa fɔ wi, bikɔs insɛf na bin wan pan wi, ɛn ɔl wetin de mit wi fɔ tray wi bin dɔn mit am. Bɔt i nɔ sin wande.

Matyu 14:14

As Jizɔs kɔmɔt na di bot go na di sho, i mit plɛnti pipul; i sɔri fɔ dɛn ɛn mɛn di sik wan dɛn.

Di Ibru Pipul Dɛn 2:17

Na dat mek, i bin tan lɛkɛ aw in brɔda dɛn tan pan ɔltin, so dat i go sɔri fɔ dɛn ɛn wok fɔ Gɔd wit ɔl in at, lɛkɛ di edman we de mek sakrifays fɔ pipul sin, we i bi, so dat i go padin ɔl Gɔd in pipul dɛn sin.

Matyu 15:32

Jizɔs kɔl in lanin bɔy dɛn. Wɛn dɛn kam, i bigin tɔk to dɛn, i se, “A sɔri fɔ dɛn pipul ya, bikɔs dɛn dɔn de tri de wit mi, ɛn naw dɛn nɔ gɛt tin fɔ it. A nɔ want mek dɛn go ɛmti bɛlɛ, sɔntɛm dɛn go fent na rod.”

Ayzaya 13:14

Lɛk dia we dɛn de ɔntin, ɔ lɛk ship we nɔ gɛt udat fɔ gɛda dɛn, na so ɔlman go tɔn go bak to in yon pipul dɛn, ɛn ɔlman go rɔnawe go nain yon kɔntri.

Izikɛl 34:5

So dɛn bin skata skata bikɔs nɔn shɛpad nɔ bin de; ɛn dɛn bin kam bi it fɔ dɛn wayl bist dɛn.

Mak 6:33

Bɔt plɛnti pipul we no dɛn, si dɛn wɛn dɛn de go, so pipul dɛn ɔlɔbɔt na di tɔŋ rɔn go na di ples we Jizɔs ɛn in lanin bɔy dɛn bin de go bifo dɛn rich de.

Mak 6:35

Bay da tɛm de ivintɛm bin dɔn kam, Jizɔs in lanin bɔy dɛn go mit am ɛn se, “Masta, pipul nɔ tap na dis ples ya ɛn ivintɛm dɔn kam;

Mak 8:1

Wan ɔda tɛm, plɛnti pipul bin go gɛda rawnd Jizɔs. Dɛn nɔ bin gɛt natin fɔ it. Jizɔs kɔl in lanin bɔy dɛn ɛn tɛl dɛn se,

Mak 8:2

“A sɔri fɔ dɛn pipul ya bikɔs dɛn dɔn de wit wi tri de ɛn dɛn nɔ gɛt natin fɔ it;