Mak 6:3 - Krio Fɔs Oli Baybul

³ Nɔto da kapinta in pikin? Meri nɔto in mama? Nɔto Jems, Josis, Judas ɛn Saymɔn dɛn brɔda? Nɔto in sista dɛn de na ya?” So di pipul dɛn nɔ bin want Jizɔs fɔ de wit dɛn.

Mak 6:3 Referans Kwoze

Matyu 12:46

Jizɔs bin stil de tɔk to di pipul dɛn, nain in mama ɛn in brɔda dɛn kam tinap na do, dɛn se dɛn want fɔ tɔk to Jizɔs.

Jɔn 6:42

So dɛn se, “Dis man ya na Jizɔs, Josɛf in pikin, nɔto so? Wi no in papa ɛn mama. Aw i de tɔk naw se na ɛvin in kɔmɔt kam dɔŋ na wɔl?”

Jud In Lɛta 1:1

Mi Jud, we de wok fɔ Jizɔs Krays ɛn we na Jems in brɔda, de rayt to una we Gɔd we na wi Papa lɛk, ɛn we i kɔl, ɛn una we Jizɔs Krays kip fɔ mek natin nɔ bi to una:

Lɛta Fɔ Galeshya 1:19

Na Jems we na Masta Jizɔs in brɔda ɛn Pita nɔmɔ a mit de, a nɔ bin si ɔda apɔsul dɛn.

Matyu 11:6

Dɛn wan we nɔ de dawt mi gɛt blɛsin.”

Apɔsul Dɛn Wok 1:13

Wɛn dɛn rich na Jerusɛlɛm, dɛn go na wan rum ɔp di garɛt na di os we dɛn bin tap. Di pipul dɛn we bin tap de na Pita, Jɔn, Jems, Andru, Filip, Tɔmɔs, Batalomyu, Matyu, Jems we na Alfiɔs in pikin, Saymɔn we bin de fɛt fɔ fri in kɔntri, Judas we na bin Jems in pikin.

Mak 15:40

Sɔm uman dɛn bin tinap fawe de luk. Sɔm pan di wan dɛn we bin lib de na Meri we kɔmɔt Magdala, Meri we na smɔl Jems ɛn in brɔda Josis dɛn mama, ɛn Salomi.

1 Kɔrint 1:23

Bɔt wi de tɛl pipul se Krays day na di krɔs, dat de mek di Ju pipul dɛn vɛks ɛn di pipul dɛn we nɔto Ju dɛn se na nɔnsɛns.

Jɔn 14:22

Judas, nɔto Judas Iskariɔt, se, “Masta, wetindu na wi nɔmɔ yu go mek no udat yu bi; wetindu yu nɔ go mek ɔlman na wɔl no udat yu bi?”

Lyuk 7:23

Dɛn wan we nɔ de dawt mi gɛt blɛsin!”

Lyuk 2:34

Simiɔn blɛs dɛn tri, dɔn i tɔk to Meri, i se, “Gɔd dɔn pik dis pikin ya ɛn sɛn am kam, ɛn di kam we i kam go mek plɛnti Izrɛl pipul lɛf fɔ biliv Gɔd ɛn mek plɛnti biliv am. Gɔd sɛn Jizɔs fɔ sho wi wetin Gɔd want, bɔt plɛnti pipul go tɔk se dɛn nɔ de fɔ am,

Ayzaya 49:7

Na dis PAPA GƆD, we na Izrɛl in Ridima ɛn in Oli Wan se, to di wan we ɔlman dɔn shub na kɔna ɔltogɛda, we di neshɔn dɛn dɔn shub fa, we na di rula dɛn wokman: “kiŋ dɛm go si ɛn tinap; bigman dɛm, ɛn dɛn go lidɔm na grɔn wit dɛn bɛlɛ; bikɔs PAPA GƆD we de waka tret, we na di Oli Wan na Izrɛl, we dɔn pik yu.”

Pita In Fɔs Lɛta 2:4

Una kam to di Masta, nain na di ston we de gi layf; mɔtalman bin tink se i nɔ gud, bɔt Gɔd pik am bikɔs i no se i gud.

1 Kɔrint 9:4

A nɔ gɛt rayt fɔ tek it ɛn drink we pipul gi mi fɔ mek a ebul du mi wok?

Mak 3:18

Andru, Filip, Batalomyu, Matyu, Tɔmɔs, Jems we na Alfiɔs in pikin, Tadiɔs, Saymɔn we bin de fɛt fɔ fri in pipul dɛn,

Apɔsul Dɛn Wok 12:17

Pita mek sayn wit in an to dɛn fɔ mek dɛn sɛt mɔt, dɔn i tɛl dɛn aw di Masta pul am kɔmɔt na sɛl. Bifo Pita go, i tɛl di Kristiɛn dɛn fɔ tɛl Jems ɛn di ɔda Kristiɛn dɛn we nɔ bin de, wetin bi.

Lyuk 8:20

Sɔmbɔdi tɛl Jizɔs se, “Yu mama ɛn yu brɔda dɛn de na do, dɛn want si yu.”